Nshɛ 105:37 - EBƆRƐ BE KAWƆL

³⁷ Kumo be kaman nɛ e juŋkpar Israɛlebi na n lar Ijipt be efuli so. Bumo be eyiriana na to be esa koŋwule gba daa maŋ ka kaman. B daŋ sulɔ shuwa nɛ gbiti nna n lar.

Nshɛ 105:37 ပူးပေါင်းရင်းမြစ်များ

Jɛnesis 15:14

Ama meeŋ gberge loŋ be basa nɛ baaŋ ta bumo ŋ ki anya na kusoe. Kumo be kaman baaŋ lar ndoŋ nɛ kanya damta.

Nshɛ 136:11

Mo e daŋ juŋkpar Israɛlebi n lar Ijipt be efuli so na; mbe kasha nɛ k maa chɛrga na malɛ wɔtɔ nna mbaanaayɔ.

Ɛksodɔs 3:22

Amoso Israɛl be eche kama beeŋ ya kule mbe bechenashapoana nɛ b la Ijipt be beche na asɔbuuso nɛ shuwa nɛ gbiti be abitasɔ lelaana. Nɛ menyi Israɛlebi na e ta loŋ be asɔana na n wɔtɔ men be mbinyɛnso nɛ men be mbicheso, saŋɛ na so, menyeeŋ nya Ijiptebi be asɔ n yɔ.”

Aizaaya 63:13

Enyɛnpe Ebɔrɛ na ka daa juŋkpar bumo so, b daa kɔ eleŋ nna fanɛ egbaŋɛ ka yeŋ a shile nsaa maa fiti na nna.

Ashuŋ Shunso 13:17

Israɛlebi be Ebɔrɛ e daŋ lara an nanaana Juwebi n shin nɛ b wora keshi ga saŋɛ nɛ b daa la befɔ a wɔ Ijipt be kasawule so na.

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.