Nshɛ 105:25 - EBƆRƐ BE KAWƆL

²⁵ E daŋ shin nna nɛ Ijiptebi na kishi mbe basa nsaa kre bumo asheŋ lubi be nia.

Nshɛ 105:25 ပူးပေါင်းရင်းမြစ်များ

Jɛnesis 15:13

Kumo be kaman nɛ Enyɛnpe Ebɔrɛ kaŋɛ mo: “Eebram, baa nyi geeŋ fanɛ kachako fo kanaŋ to ebi beeŋ ki befɔ ashi kasawule nɛ b maŋ nyi so nseŋ ki anya ndoŋ nɛ b tɔrɔ bumo ga nfɛ alfa ana.

Ɛksodɔs 1:16

“Saŋkama nɛ men baŋ ya kaa keta Hibruwche kama kakurge nseŋ wu fanɛ ebinyɛn nɛ e kurge, men mɔ kebia na. Ama nɛ fanɛ kebia na la ebiche bre, men yige mo.”

Ɛksodɔs 10:1

Kede be kaman nɛ Enyɛnpe Ebɔrɛ naŋ kaŋɛ Mosis le: “Naŋ yɔ ewura Fɛɛro kutɔ n ya shin nɛ mo nɛ mbe beyaasepo kikɛ be ŋgbene e ki kpakpa, saŋɛ na so meeŋ wora ma emamachisheŋ ere nɛ b wu amo.

Ɛksodɔs 2:23

Kumo be nfɛ damta ka ba choŋ nɛ Ijipt be ewura na wu, ama amo nɛ amo kikɛ nɛ Israɛlebi na kraa wɔ kenyaya to nna a ji awurfoŋ nsaa shu a tre Ebɔrɛ fanɛ e chɛ bumo to.

Ɛksodɔs 4:21

Nɛ Enyɛnpe Ebɔrɛ naŋ kaŋɛ Mosis: “Fo kaŋ fo Ijipt, fo nyiŋi n wora emamachisheŋ nɛ n sa fo amo be eleŋ na kikɛ ashi ewura Fɛɛro be anishito. Ama meeŋ shin nɛ e wora mbe kagbene kpakpa ŋ kini fanɛ e maaŋ shin nɛ basa na e yɔ.

Ɛksodɔs 9:16

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Kaŋinichiŋgeliŋ 3:8

Mo e naa yili kasha nɛ kekishi be saŋɛ, nsaa yili kena nɛ kayurwushi malɛ gba be saŋɛ.

Ashuŋ Shunso 7:19

Mo e daŋ fule anyi be basa nseŋ tɔrɔ an nanaana ga n tintiŋ bumo n shin nɛ b ta bumo be mbi popɔrbi n ya nase nde na be ntamaŋ to nɛ b wu.

Ditɛronɔmi 2:30

Ama Ewura Sihɔn daa maaŋ shuli fanɛ an bɔla mbe efuli so n choŋ, ŋkpal manɛ so, Enyɛnpe menyi be Ebɔrɛ na daŋ shin nɛ e wora mbe kagbene kpakpa nna nsaa sha kekɔ anyi, saŋɛ na so anyi beeŋ kɔ m pɔɔ mo so nseŋ sɔ mbe kasawule nɛ an kraŋ chena so ere.