Nshɛ 105:12 - EBƆRƐ BE KAWƆL

¹² Loŋ be jemanɛ na nɛ Ebɔrɛ be basa na daa maŋ shi, bumo alɛ daa la befɔ ashi Keenan be kasawule so nna.

Nshɛ 105:12 ပူးပေါင်းရင်းမြစ်များ

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Jɛnesis 23:4

“N la efɔ nɛ enitepo nna a wɔ menyi to nfe, amoso men jande, men fa kasawule ko nfe n sa ma nɛ m baa puli ma basa ndoŋ.”

Jɛnesis 34:30

Le be asheŋ ere ka wora na be kaman nɛ Jeekɔb kaŋɛ Simiɔn nɛ Livai le: “Men bar ma tɔrɔ nna na. Naniere Keenanebi nɛ Pɛrizebi, nɛ b wɔ efuli ere so ere beeŋ kishi ma. Anyi alɛ be basa maŋ shi. Nɛ basa ere kikɛ wora kɔnɔkoŋwule, baaŋ mur ma nɛ ma laŋ to ebi ere kikɛ.”

Ɛksodɔs 6:4

Ade kikɛ be kaman nɛ ma nɛ bumo wora kɔnɔkoŋwule be ŋkre nɛ n nase kɔnɔ n sa bumo fanɛ meeŋ ta Keenan be kasawule nɛ b daa wɔ kumo so fanɛ befɔ na n sa bumo.

Aizaaya 51:2

Ma, Ebɔrɛ e lara Eebraham nɛ mbe eche Sɛɛra, nɛ men baa la bumo be kaman to ebi. Jemanɛ nɛ n daŋ tre Eebraham na, nɛ e daa maŋ kɔ ebi, kumo be kaman nɛ n nɛfa mo nseŋ sa mo kaman to ebi damta.

Ashuŋ Shunso 7:5

Ebɔrɛ daa maŋ sa Eebraham kasawule na be gbrɛ nyitiibi kikɛ gba fanɛ k baa la mo peya. Ama Ebɔrɛ daŋ nase kɔnɔ n sa Eebraham fanɛ e beeŋ ta kasawule na n sa mo nɛ mbe kaman to ebi kikɛ. Saŋɛ na so nɛ Eebraham daa maa kɔ mbia.

Ditɛronɔmi 26:5

Kumo be kaman nɛ esa nɛ e bar kakɛ na e kaŋɛ le ashi Enyɛnpe Ebɔrɛ na be anishito, “N nananyɛn daa la esa nɛ e shi Aremiya be efuli so nna. Mo alɛ daa maa kɔ mo kumu so be kowu nseŋ daŋ ta mbe kanaŋ n yɔ Ijipt be efuli so n ya chena ndoŋ. B ka daŋ yɔ ndoŋ nɛ b daa maŋ shi, ama b daŋ m ba ki efuligboŋ nɛ k kɔ eleŋ ga.

Ditɛronɔmi 7:7

Enyɛnpe Ebɔrɛ na daŋ maŋ sha menyi nseŋ lara menyi nna ŋkpal men ka shi a chɔ basa kikɛ so. Menyi e daa la efuli nɛ k maŋ shibi n fo efuli kama so ashi durnya ere kikɛ to.

Hibruwebi 11:12

Ŋkpal le be yirda ere so nɛ basa damta daŋ shi enyɛn koŋwule nɛ e daa maŋ naa kɔ eleŋ nseŋ daa du fanɛ esa nɛ e teŋ wu na to. Naniere b shi fanɛ achɛkpabi mo nɛ a wɔ awɔlpa to na nna. Esa malɛ maaŋ tiŋ ŋ karga bumo fanɛ kananɛ b maaŋ tiŋ ŋ karga teku ase be ajembubi na.

Hibruwebi 11:9

Yirda so nɛ e daŋ ya kaa wɔ efuli mo nɛ Ebɔrɛ daŋ nase kɔnɔ fanɛ e beeŋ sa mo na so fanɛ efɔ na. Mo nɛ Aizek nɛ Jeekɔb nɛ Ebɔrɛ daŋ sa bumo alɛ gba kɔnɔ naseso koŋwule na, e daŋ ya kaa wɔ wajɛbu to fanɛ befɔ na.