Nshɛ 105:1 - EBƆRƐ BE KAWƆL

¹ Men baa di Enyɛnpe Ebɔrɛ na epaŋ nsaa kule Ebɔrɛ ashi mbe ketre to! Men baa kaŋɛ efuli kikɛ so ebi kusɔ nɛ e wora be asheŋ.

Nshɛ 105:1 ပူးပေါင်းရင်းမြစ်များ

1 Kronikɛls 16:34

Men ta kechɔrɔ n sa Enyɛnpe Ebɔrɛ ŋkpal manɛ so, e walɛ, nɛ mbe kasha malɛ wɔtɔ mbaanaayɔ.

1 Kronikɛls 25:3

Jedutum malɛ e daa juŋkpar mbe mbinyɛnsobi ashe nɛ baa laŋ ejaŋjilaŋ nsaa boŋ nshɛ a maŋkura Enyɛnpe Ebɔrɛ na. Bumo e daa la Gedaliya nɛ Zeeri nɛ Jeshaya nɛ Shimei nɛ Hashabia nɛ Matatiya.

1 Kronikɛls 29:13

Anyi be Ebɔrɛ, kechɔrɔ nɛ kapandi e baa la fo peya.

1 Kronikɛls 29:20

Kede be kaman nɛ ewura Deevid kaŋɛ basa na kikɛ le: “Men di Enyɛnpe men nananyɛnana be Ebɔrɛ na epaŋ.” Ndoŋ nna nɛ basa na kikɛ di Ebɔrɛ epaŋ nseŋ jɔŋɛ ŋ kurgi bumo be amu n yuu to m bunyaŋ Enyɛnpe Ebɔrɛ nɛ ewura Deevid kikɛ.

Nshɛ 106:1

Men kpaŋ Enyɛnpe Ebɔrɛ na! Men ta kechɔrɔ n sa Enyɛnpe Ebɔrɛ, ŋkpal manɛ so, e walɛ nna nɛ mbe kasha malɛ maa chɛrga hale mbaanaayɔ.

Nshɛ 89:1

O Enyɛnpe Ebɔrɛ, meeŋ baa boŋ nshɛ a laŋɛ fo kasha nɛ k maŋ kɔ ekar na be kaplɛa so jemanɛ kikɛ. Ma alɛ beeŋ naa ber fo kashenteŋji na be kebomboŋ mbaanaayɔ.

Nshɛ 96:3

Men baa malga mbe kemaŋkura nɛ asheŋgboŋ be asheŋ a sa basa nɛ b wɔ efuliana kikɛ so.

Nshɛ 99:6

Mosis nɛ Ɛɛrɔn daa la mbe bɔrɛmatapoana nna, nɛ anebi Samuɛl malɛ daa la esa nɛ e daa bɔla Ebɔrɛ be ketre to a kule mo. Enyɛnpe Ebɔrɛ na nɛ bumo kikɛ daa shu a tre, nɛ e daa nu a sa bumo.

Aizaaya 12:4

Kachako bee ba nɛ basa e boŋ kashɛ ŋ kaŋɛ le: “Ta kechɔrɔ n sa Enyɛnpe Ebɔrɛ na! Tre mo fanɛ e chɛ fo to! Kaŋɛ efuliana na kusɔ nɛ e wora! Kaŋɛ bumo kananɛ e shi be asheŋ!

Aizaaya 51:10

Fo e shin nɛ teku peper chiŋgeliŋ na baŋɛ to, nseŋ shin nɛ ekpa dese nchu na to n sa basa nɛ fo mɔlga na nɛ b bɔla to n dii.

Danɛl 3:29

Amoso n nase mbra nna na fanɛ efuli kama so ebi nɛ ŋgbar kama to ebi kaŋ pɛl m malga asheŋ kama ŋ gbiti Shaadrak nɛ Mɛshaak nɛ Abedneego be Ebɔrɛ na, b kuya bumo to fanɛ mblaŋkul nseŋ shin nɛ bumo be nwu e ki alambure, ŋkpal manɛ so kegbir kikɛ maŋ wɔtɔ a kɔ eleŋ nsaa beeŋ tiŋ n sa le be kumɔlga.”

Jowɛl 2:32

Ama Ebɔrɛ beeŋ mɔlga bekama nɛ b kule mo kechɛto fanɛ kananɛ e kaŋɛ na! E yɛ: ‘Basa nɛ b wɔ Zayɔn be kebee so nɛ Jerusalɛm to na bre beeŋ gelge loŋ be etɔrɔ na. Bekama nɛ n lara na bre beeŋ ji efute.’ ”

Nɔmbɛs 23:23

Kudur ŋko kegbaya be eleŋ kikɛ maŋ wɔtɔ nɛ k beeŋ tiŋ ŋ kɔ m pɔɔ Israɛl be efuli ere so, Basa beeŋ ji Israɛl be asheŋ be shɛda ŋ kaŋɛ le: ‘Men keni kusɔ nɛ Ebɔrɛ wora n sa mbe basa!’

Ashuŋ Shunso 9:14

Mo alɛ kule ekpa ashi bɔrɛmatapowuraana na kutɔ nna m ba Damaskɔs nfe nɛ e ba pɛ bekama nɛ baa bɛ fo so na nna.”

Romebi 10:13

Ŋkpal manɛ so, loŋ malɛ nɛ abɔrɛsibɛ na bee kaŋɛ na fanɛ: “Esa kama nɛ e shu n tre Enyɛnpe na beeŋ nya kumɔlga.”

1 Kɔrintebi 1:2

Bumo e la basa nɛ Ebɔrɛ lara fanɛ b ba kaa la mbe basa a wɔ Kristo Yesu to na. Bumo koŋwule na nɛ basa kama nɛ b wɔ kaplɛkama a ti an Nyɛnpe Yesu Kristo be ketre na, mo e la bumo Nyɛnpe nɛ an Nyɛnpe na nɛ b tre nɛ b ba kaa la basa cheembi a wɔtɔ.