Nshɛ 104:35 - EBƆRƐ BE KAWƆL

³⁵ Shin nɛ alubiworapoana kikɛ e mur ashi kasawule ere so, n shin nɛ kumukpakpasowuraana e sa maŋ naa wɔtɔ kuraa. Meeŋ kpaŋ fo Enyɛnpe Ebɔrɛ na ashi ma kagbene to kikɛ.

Nshɛ 104:35 ပူးပေါင်းရင်းမြစ်များ

Nshɛ 1:4

Ama mannɛ loŋ nɛ k du n sa alubiworapoana bre. Bumo ere du fanɛ asɔ be afɔfɔ nɛ afu bee foŋ n ya kaa lɛ nna.

Nshɛ 101:8

Karechɛ kikɛ, m maaŋ sa kumukpakpasowuraana kashuli ashi anyi be kasawule so. Meeŋ ju basa lubi kikɛ ashi Enyɛnpe Ebɔrɛ be kadegboŋ na to.

Nshɛ 103:22

Menyi, Ebɔrɛ be asɔ toso kikɛ, nɛ e bee ji kuwura menyi so na, e baa kpaŋ men Nyɛnpe Ebɔrɛ na! Ma ere be kagbene kikɛ nɛ ŋ kɔ a kpaŋ Enyɛnpe Ebɔrɛ na!

Nshɛ 104:1

Ma kagbene kikɛ nɛ n ta a kpaŋ fo, Enyɛnpe Ebɔrɛ na, ŋkpal manɛ so, kemaŋkuragboŋ nɛ kela kikɛ buu fo fanɛ kuwurpiŋi nna,

Nshɛ 105:45

E wora loŋ nna nɛ mbe basa e baa wora mbe mbraana kasonu. Men kpaŋ Enyɛnpe Ebɔrɛ na!

Nshɛ 106:48

Enyɛnpe, Israɛl be Ebɔrɛ, fo e daga esa ka kpaŋ fo mbaanaayɔ. Shin nɛ ekama e kaŋɛ, “Amɛn!” Men kpaŋ Enyɛnpe Ebɔrɛ na!

Nshɛ 145:20

Enyɛnpe Ebɔrɛ na bee kuŋ bekama nɛ baa sha mo na nna, ama kumukpakpasowuraana bre, e bee mur bumo nna.

Nshɛ 37:38

Ama alubiworapoana nɛ bumo be kaman to ebi kikɛ beeŋ mur.

Nshɛ 59:13

Nya agbo m mur bumo cheche. Saŋɛ na so efuli pɔtɛana na kikɛ beeŋ pin fanɛ fo e naa ji Israɛl so kuwura.

Nshɛ 73:27

O Enyɛnpe Ebɔrɛ, bekama nɛ b kplaŋ fo so beeŋ mur cheche. Fo alɛ beeŋ mur bekama nɛ b maŋ ji kashenteŋ n sa fo.

Aŋasa 2:22

Ama Ebɔrɛ beeŋ lara basa lubi nɛ basa nɛ b maa ji kashenteŋ ashi kasawule ere so.

Aizaaya 13:9

Loŋ be kachɛ na kaŋ fo, Enyɛnpe Ebɔrɛ na maaŋ shu esa kikɛ so ŋko n wu esa kuwɔr. E beeŋ nya agbo ga nseŋ mur alubiworapoana n shin nɛ efuli na kikɛ e ki kiyitokpaŋ.

Demujipoana 5:31

Enyɛnpe Ebɔrɛ, shin nɛ fo doŋana kikɛ e mur fanɛ Sisɛra na! Ama shin nɛ bekama nɛ baa sha fo na e baa du fanɛ epeŋi ka bee pete na! Ndoŋ nna nɛ kayurwushi naŋ ba efuli na so beeŋ wora nfɛ adena.