Nshɛ 104:32 - EBƆRƐ BE KAWƆL

³² Fo baŋ to kenishi ŋ keni kasawule, k bee gbuŋgbuŋ nna. Fo alɛ baŋ beta abee, e bee kaa edishi nna.

Nshɛ 104:32 ပူးပေါင်းရင်းမြစ်များ

Nshɛ 114:7

Enyɛnpe Ebɔrɛ nɛ men nananyɛn Jeekɔb shuŋ dra na baŋ firgi n taga to, kasawule bee gbuŋgbuŋ nna;

Nshɛ 144:5

O Enyɛnpe Ebɔrɛ, bugi esoso be kuwɔlpa fanɛ patisa ŋ gbelge m ba; Beta abeeana na, nɛ edishi e kaa amoso.

Nshɛ 50:3

Anyi be Ebɔrɛ na bee ba, nɛ an nu mbe egbri, nɛ edɛ be adondulombi juŋkpar mo, nɛ afugboŋ lempo kulti mo n wɔtɔ.

Nshɛ 77:16

O Ebɔrɛ, kewora fanɛ teku be nchu na ka wu fo, kufu pɛ amo nna nɛ kumo be kechimbi to baga to m pulgi to kufuso.

Nshɛ 77:19

Fo daŋ nase ekpa teku be nchugboŋ na to nna, nɛ k wora fanɛ fo ka bɔla kumo to n choŋ; ama esa maŋ wu fo aya ka dese.

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Eemɔs 8:8

Amoso kasawule beeŋ gbuŋgbuŋ to nɛ kagbenejija e tɔr efuli ere be basa kikɛ so nɛ b baa wora kuwɔr be asheŋ. Efuli na kikɛ beeŋ baga to fanɛ kananɛ lɔrgboŋ nɛ baa tre Nail ashi Ijipt be efuli so na bee kaa ketili a yɔ a ba na.

Habakuk 3:10

Abeegboŋana na ka wu fo nɛ a gbuŋgbuŋ to; nɛ bɔrɛchu shi awɔlpa so n wurge to. Ndoŋ nna nɛ echɛtabo baga to, nɛ amo to be nchu bɔlɔ n dii kepla.

Kelaraŋŋini 19:3

Ndoŋ nna nɛ basa na naŋ boŋ to ŋ kaŋɛ: “Halleluya. Edishi mo nɛ a bee shi mo to a lar na bee dii nna mbaanaayɔ.”

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.