Nshɛ 104:21 - EBƆRƐ BE KAWƆL

²¹ Ebuluŋ bee munto a shu nna a fin keji, nɛ Ebɔrɛ beeŋ sa bumo.

Nshɛ 104:21 ပူးပေါင်းရင်းမြစ်များ

Job be kawɔl 38:39

Nɛ akoŋ kɔ ebuluŋ, fo e naa chɛ amo to nɛ a bee nya asɔbɔya a pɛ a ji a?

Job be kawɔl 38:41

Wanɛ e naa sa ejɔnɔkoso nɛ amo be bibi ajibi jemanɛ nɛ akoŋ kɔ amo nɛ a bee shu a tre ma a fin ajibi na?

Nshɛ 145:15

Asɔ futeso kikɛ bee keni fo anishito nna nɛ fo sa amo ajibi jemanɛ nɛ k daga.

Nshɛ 147:9

Mo e naa sa asɔbɔya kusɔ jiso nsaa bela ejɔnɔkoso fɔlbi jemanɛ kikɛ nɛ a shu n tre mo.

Nshɛ 34:10

Ebuluŋ gba bee kaa di akoŋ ama bekama nɛ baa wora Enyɛnpe na kasonu bre, maa fin kusɔ lela a gben.

Aizaaya 31:4

Ade be kaman nɛ Enyɛnpe Ebɔrɛ na kaŋɛ ma le: “Awɔr kama nɛ mbolpɔkpapo beeŋ wora maaŋ tiŋ n funti buluŋ nɛ e yige kusɔbɔya nɛ e pɛ na. Aloŋ koŋwule na nɛ shɛŋ maaŋ tiŋ n shin nɛ ma Enyɛnpetale Ebɔrɛ na, e yige kebaakuŋ Zayɔn be kebee na.

Jowɛl 1:18

Ana wɔtɔ nna a shile yireŋ yireŋ; a shu a muni to kagbenejijaso, ŋkpal a ka maŋ nya afitiri nɛ b we so. Mbolpɔ kikɛ gba bee ji awurfoŋ nna.

Jowɛl 1:20

Ŋkpal kusɔ nɛ fo wora so, mbombi kikɛ wɔlto nɛ kupuŋ to be asɔbɔya maŋ naŋ nya nchu nɛ b nuu nsaa fute yeŋayeŋa.

Jowɛl 2:22

Kupuŋ to be asɔbɔya, e sa maŋ naa lɔ kufu naniere ŋkpal kusɔ nɛ menyeeŋ ji so. Afitiri nɛ afantaŋ kikɛ purge nna jiliim n sɔ kaplɛkama. Naniere ndibi bee sɔr asɔrso nna nɛ figi nɛ greep be asɔrso kikɛ chase.

Eemɔs 3:4

Fo daŋ nu buluŋ ka bee ponte kiyi to nɛ k maŋ wu kusɔbɔya a? Fo daŋ nu buluŋ fɔlbi ka wɔ kumo be edesekpa a munto nɛ k maŋ pɛ kusɔ ko a?