Nshɛ 104:2 - EBƆRƐ BE KAWƆL

² nɛ kefulto kulti fo n wɔtɔ kaplɛkama. Fo e parga kuwɔlpa to n sɔ kaplɛkama fanɛ wajɛbu, a wɔ kumo to.

Nshɛ 104:2 ပူးပေါင်းရင်းမြစ်များ

Job be kawɔl 36:30

Mo e naa shin nɛ bɔrɛ bee nyɛkpɛ a fulto kaplɛkama, hale teku be kaseto gba.

Job be kawɔl 9:8

Ebɔrɛ nawule e to kuwɔlpa m parga kumo to n sɔ kaplɛkama, mo alɛ e naa ji teku nɛ kumo to be asɔ kikɛ so eleŋ.

Aizaaya 40:22

Esa nɛ e chena mbe kuwurputi so ashi durnya be esoso nɛ k baŋ awɔlpa so na e to durnya. Basa nɛ b wɔ kumo to na du fanɛ atutulombi mo kutɔ nna. Mo e parga kuwɔlpa to fanɛ patisa, ŋko fanɛ wajɛbu nɛ esa e chena to na.

Aizaaya 45:12

Ma e to durnya nseŋ to edimɛdi be yiri yiri n wɔtɔ kumo to. Ma eleŋgboŋ so nɛ awɔlpa parga to n sɔ kaplɛkama nɛ epeŋi nɛ kufɔl nɛ achɛkpabi kikɛ wɔ kumo so na.

Danɛl 7:9

Kumo be kaman nɛ n wu b ka ta nwurputi n nase, nɛ esa nɛ e maŋ kɔ sososo nɛ lalaloge na chena nwurputi na be kuko so. Mbe piŋi daŋ fuli nna parr fanɛ kebɔrɛjembubi nɛ mbe emin malɛ du fanɛ ateebi. Mbe kuwurputi na daa suse edɛ nna nsaa deŋ kusɔ ko nɛ kumo be aya bel m pere fanɛ ajanwulɛ na so.

Habakuk 3:4

Fo kemaŋkura bee nyɛkpɛ nna fanɛ epeŋi, nɛ kumo be kefulto bee shi fo enɔana to, kakpa nɛ fo eleŋgboŋ ŋana a wɔ na.

Zakareya 12:1

Kubɔya nɛ k shi Enyɛnpe Ebɔrɛ na kutɔ a laŋɛ Israɛl be kaplɛa so na nde. Mo e to esoso nseŋ tɔl durnya n yili kumo be gbaltɔlase so, nseŋ sa dimɛdi ŋkpa na.

Matiu 17:2

Ndoŋ nna nɛ e kilgi kanaŋ ko bumo be anishito nɛ mbe anishiakpa fuli to a nyɛkpɛ fanɛ epeŋi nɛ mbe asɔbuuso malɛ fuli to parr a kpa edɛ.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

1 Jɔn 1:5

Baru mo nɛ an nu ashi Ebɔrɛ Pibinyɛn na kutɔ nsaa bɔ kumo a sa menyi na nde fanɛ Ebɔrɛ la kefulto nna nɛ tentembiri malɛ kikɛ maŋ wɔ mo to kuraa.