Nshɛ 104:15 - EBƆRƐ BE KAWƆL

¹⁵ nsaa nya yabra a nuu nɛ mbe kagbene bee fuli mo, mo alɛ naa nya ŋku a gbiti mbe anishito nɛ k bee nyɛkpɛ nsaa nya ajibi be yiri kikɛ a ji a nya eleŋ nɛ alenfia.

Nshɛ 104:15 ပူးပေါင်းရင်းမြစ်များ

Jɛnesis 18:5

nɛ n fin kusɔ ko n sa menyi nɛ men ji nseŋ nya eleŋ n naa yɔ menyi be enite to. Men maŋkura ma nna so nɛ men ba ma pe na, amoso men shin nɛ n wora kusɔ ko n sa menyi nɛ men ji.” Ndoŋ nna nɛ b shuli so nseŋ kaŋɛ: “To, an nu.”

2 Samuɛl 13:28

B ka bee ji na nɛ Absalɔm kaŋɛ mbe nyɛrbi le: “Men shin nɛ men be lakal e ba wɔ Amnɔn so a keni saŋɛ so nɛ e beeŋ boo, a wora chilchil be asheŋ na. Loŋ be saŋɛ na nɛ men mɔ mo. Men sa maaŋ kaa lɔ kufu, ŋkpal manɛ so, meeŋ sɔ kumo be turju kikɛ n deŋi ma kumu so!”

Nshɛ 105:16

Enyɛnpe Ebɔrɛ na daŋ shin nɛ ewule ba efuli na so nna nɛ bumo be adɔjibi kikɛ mur.

Nshɛ 23:5

N doŋana be anishito, nɛ fee wora kejigboŋ a yili ma. Fo sɔ ma fanɛ fo efɔgboŋ nna, a keta ma kananɛ k daga so.

Nshɛ 92:10

Fo shin nɛ n nya eleŋ fanɛ kupuntona nna, nɛ fo lara ma n yili n sa fo gbagba be kumu.

Aŋasa 31:6

Yige nsa n sa bumo nɛ b maŋ naa kɔ tama kikɛ nsaa yɔ kemur to na.

Aŋasa 31:7

Shin nɛ loŋ be basa e baa nuu nsa a boo a teŋ bumo be ketir nɛ awurfoŋ so.

Kaŋinichiŋgeliŋ 10:19

Kebaa ji nsaa nuu bee shin nɛ esa be kagbene bee fuli mo nna, ama amansherbi nɛ e beeŋ nya pɔɛŋ tiŋ n wora amo kikɛ.

Kaŋinichiŋgeliŋ 8:1

Enyiashempo nawule e kɔ nfɛra a pin asheŋ be afito to. Kanyiasheŋ e naa sa mo kagbenefuli nsaa shin nɛ e bee mushe.

Kaŋinichiŋgeliŋ 9:7

Baa ji a nuu kagbenefuliso! Kusɔ nɛ Ebɔrɛ yili dra kikɛ fanɛ fo baa wora nna na.

Aizaaya 3:1

To, Enyɛnpetale Ebɔrɛ na bee shin nɛ e lara kusɔ kama nɛ esa kama nɛ basa ta bumo be anishi n yuu so ashi Jerusalɛm to nɛ Juda be efuli so nna. E bee shin nɛ e lara bumo be ajibi jiso nɛ nchu nuuso,

Aizaaya 55:10

Ma mmalga du fanɛ bunyaŋ nɛ bɔrɛchu nɛ a bee shi awɔlpa to a ba, a shin nɛ kasawule so bee nya kayul nna. Kananɛ bunyaŋ nɛ bɔrɛchu bee shin nɛ basa bee nya a ji nsaa nya asɔduuso a du na,

Jɛremaya 31:12

Ma basa beeŋ ba Zayɔn be kebee na so m ba boŋ nshɛ kagbenefuliso, nɛ bumo be ŋgbene e fuli ŋkpal ŋ ka nɛfa bumo so. Meeŋ sa bumo ayu be yiri yiri nɛ yabra nɛ ŋku nɛ mbolpɔ nɛ ana. Israɛl beeŋ baa du fanɛ kudɔbi nɛ k nya nchu nɛnɛ nna, kumo be basa na beeŋ nya kusɔ kama nɛ ketir bumo.

Ezikɛl 14:13

“Dimɛdi pibi, nɛ efuli ko so be basa wora alubi n da ma so nsaa maŋ ji kashenteŋ n sa ma, nɛ n shin nɛ bumo be adɔjibi jija nɛ akoŋ tɔr m mɔ basa na nɛ bumo be asɔbɔya kikɛ,

Ezikɛl 4:16

Kumo be kaman nɛ e kaŋɛ ma: “Dimɛdi pibi, meeŋ shin nɛ akoŋ a tɔr Jerusalɛm be basa so nɛ ajibi be asheŋ a ki kpakpa ga n sa bumo nɛ b ta kafɔŋ nɛ kagbene jija a karga ajibi nɛ nchu nuuso a sa abar,

Ezikɛl 5:16

Ma alɛ beeŋ naŋ shin nɛ akoŋ e mɔ menyi fanɛ b ka to menyi atanyembi m mɔ na. Kashenteŋto, meeŋ mur menyi be adɔjibi nɛ akoŋgboŋ a tɔr menyi so.

Levitikɔs 26:26

Meeŋ ti ekpa nɛ menyee bɔla so a nya ajibi na, saŋɛ na so beche kudu beeŋ baa tɔ bumo be ebodobodo ashi ebodobodo be ebu koŋwule to. Baŋ baa karga amo nna a sa ekama, nɛ men we amo n loge gba, men kraa maaŋ moɛ.

Zakareya 10:7

Israɛl be basa na beeŋ baa kɔ eleŋ fanɛ benapo, nsaa kɔ kagbenefuli fanɛ eyabra nuupo. Bumo be kaman to ebi beeŋ baa nyiŋi kekɔmpɔɔso ere nɛ bumo be ŋgbene a fuli ŋkpal kusɔ nɛ Enyɛnpe Ebɔrɛ na wora so.

Maak 14:23

Nɛ e ta kawiebi nɛ asɔnuuso n chɔrɔ Ebɔrɛ n loge nseŋ ta kumo n sa bumo nɛ bumo kikɛ nuu kumo to.

Luuk 7:46

Ŋ ka ba, fo maŋ ta ŋku n do ma kumu so, ŋkeshin nɛ mo ere ta tulale n wurge ma ayadra kikɛ so.

Ɛfesesebi 5:18

Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.

Ditɛronɔmi 28:40

Ɔlifs be ndibi beeŋ kɔr kaplɛkama ashi efuli na so, ama menyi alɛ maaŋ nya ɔlifs be ŋku ŋ gbiti menyi be amu to. Ŋkpal manɛ so, amo be asɔrso beeŋ chuge n tɔr nɛ a maŋ naŋ daŋ.

Ditɛronɔmi 8:3

Amoso nɛ e daŋ shin nɛ akoŋ pɛ menyi, kumo be kaman nɛ e sa menyi ajibi nɛ menyi nɛ men nananyɛnana maŋ naŋ ji ŋ ku so na. Ajibi na nɛ baa tre ‘manna’ na. Mo alɛ daŋ wora loŋ nna nɛ e ŋini menyi fanɛ a maŋ daga fanɛ men baa wɔtɔ ŋkpal ajibi nawule so, ama ŋkpal kusɔ kama nɛ Enyɛnpe Ebɔrɛ na kaŋɛ so.

Hibruwebi 1:9

Fo sha asheŋ nɛ a bɔla ekpa Ebɔrɛ be anishito nseŋ kishi alubisheŋ, amoso nɛ Ebɔrɛ, fo Ebɔrɛ na lara fo nseŋ ta fo ŋ ki ejuŋkparpo na. Kagbenefuliso be ŋku nɛ e ta ŋ gbiti fo m bunyaŋ fo a chɔ fo braana.”

1 Jɔn 2:20

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ menyi kikɛ e pin kashenteŋ na.

Demujipoana 19:5

Kachɛ nasopo na be kachipurso nɛ bumo kikɛ wule ŋ koso nɛ Livai be kanyɛn na nɛ mo jipoche na fara a bela ase nɛ b yɔ. Ama le nɛ eche na mo tuto kaŋɛ mo: “Shin nɛ b wora ajibi nɛ fo ji pɔɛŋ nsaa yɔ. A daga fo ka nya eleŋ a yɔ.”

Demujipoana 9:13

Nɛ kenyinyembidibi na kaŋɛ: “M maaŋ yige ma asɔrso nɛ mbia bee sha ga ere be kesɔr nseŋ ba ki menyi be ewura.”

Demujipoana 9:9

Nɛ kakuluwudibi na kaŋɛ: “Ŋ kpal keji menyi be kuwura so n yige ma ŋku nɛ a bee sa agbir nɛ edimɛdi bunyaŋ na be kewora a? M maaŋ wora loŋ!”