Nshɛ 104:13 - EBƆRƐ BE KAWƆL

¹³ Fo e naa shin nɛ bɔrɛchu bee shi awɔlpa so a ba abee so nɛ kasawule bee nya kayul nɛnɛ.

Nshɛ 104:13 ပူးပေါင်းရင်းမြစ်များ

Job be kawɔl 38:37

Feeŋ tiŋ ŋ karga awɔlpa ŋko n shin nɛ nchu nɛ a wɔ amo to na e ba bɔrɛ kasawule wɔlso so a?

Nshɛ 104:3

Fo alɛ e pɔr fo kowu n shin nɛ tekugboŋ wɔ kumo be kaseto. Bɔrɛwɔlpa nɛ k bee bɔla afu so a nite na du fanɛ gbaŋɛturko nna n sa fo.

Nshɛ 147:8

Mo e naa shin nɛ abɔrɛwɔlpa bee salga to a buu kaplɛkama so; nɛ bɔrɛ bee ba kasawule so a shin nɛ afitiri bee kɔr abee so.

Jɛremaya 10:13

Mo e naa malga nɛ awɔlto be nchuana bee baga to a gbri, mo alɛ e naa shin nɛ awɔlpa bee deŋi durnya be kaplɛkama. Mo e naa shin nɛ bɔrɛ bee ba nsaa nyɛkpɛ nɛ afu bee shi kakpa nɛ e yili kumo na a ba.

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Eemɔs 9:6

Enyɛnpe Ebɔrɛ pɔr mbe kowu nna ashi ebɔrɛso nɛ kasawule ere malɛ la kumo be gbaltɔlase. E bee gbargbar etekuana be nchu nna, a chulgi a wurge kasawule ere so. Mbe ketre e la Enyɛnpe Ebɔrɛ na!

Matiu 5:45

saŋɛ na so menyeeŋ baa la men Tuto nɛ e wɔ ebɔrɛso na be mbia. Men baa nyi fanɛ mo ere gbagba maa kpɛa to a shin nɛ mbe epeŋi bee nyaŋɛ a yuu basa lela so a ka basa lubi, mo alɛ maŋ naa shin nɛ bɔrɛ bee ba a sa basa nɛ baa ji asheŋ nɛ amo be ekpa so a ka bumo nɛ b maa wora loŋ na.

Ashuŋ Shunso 14:17

Ama jemanɛ kikɛ, mo alɛ bee wora asɔ lela damta nna a ŋini menyi esa nɛ e la mo. Mo e naa sa menyi bɔrɛchu nɛ adɔjibi jemanɛ nɛ a daga. Mo e naa sa menyi ajibi jiso nsaa shin nɛ kagbenefuli bee bɔlɔ menyi to.”

Ditɛronɔmi 11:11

Ama kasawule nɛ menyee sha keluri to ere la abee nɛ ataŋɛ nna nɛ bɔrɛ bee ba kumo so nɛnɛ.