Nshɛ 103:21 - EBƆRƐ BE KAWƆL

²¹ Menyi ebɔrɛso be apɔrso nɛ menyee shuŋ a sa Ebɔrɛ nsaa wora mo kasonu na kikɛ e baa kpaŋ Enyɛnpe Ebɔrɛ!

Nshɛ 103:21 ပူးပေါင်းရင်းမြစ်များ

Jɛnesis 32:2

Jeekɔb ka wu bumo nɛ e kaŋɛ: “Ebɔrɛ be benapo be echenakpa nde.” Kumo be kaman nɛ e nase kaboŋ na Mahanayim.

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

2 Kronikɛls 18:18

Nɛ Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi ebɔrɛso,

Nehemaya 9:6

Ndoŋ nna nɛ basa na kule Ebɔrɛ ŋ kaŋɛ: “Fo nawule e la Enyɛnpe anyi be Ebɔrɛ na. Fo e to ebɔrɛso nɛ achɛkpabi kikɛ, Fo e to kasawule nɛ asɔ nɛ e wɔ kumo so kikɛ. Fo e to teku nɛ kumo to be asɔ keniso kikɛ Ŋkpa kikɛ shi fo kutɔ nna, nɛ achɛkpabi nɛ a wɔ awɔlpa to kikɛ bee fur fo a kpaŋ fo.

Nshɛ 104:4

Fo e ta afuana fanɛ fo mbɔ nsaa ta bɔrɛ be kenyɛkpɛ malɛ fanɛ fo nyɛrbi.

Nshɛ 33:6

Enyɛnpe Ebɔrɛ na be kamalga so nɛ e bɔla n to esoso. E malga nna nɛ epeŋi nɛ kufɔl nɛ achɛkpabi lar.

Nshɛ 68:17

Enyɛnpe Ebɔrɛ, egbaŋɛturko lempo ŋgboŋto ŋgboŋto nɛ fo ta n shi Sainai be kebeegboŋ na so m ba fo lambu cheembi na to.

Matiu 13:41

Kumo be jemanɛ na ma, Nyiŋgbasa Pibinyɛn beeŋ shuŋi ma emalaika nɛ b chala asɔ kama nɛ a bee shin nɛ basa bee wora a da Ebɔrɛ so na nɛ alubiworapoana kikɛ nyam ashi ma kuwura ere to

Luuk 2:13

Epul na to nɛ emalaika damta ba ti emo na so a boŋ nshɛ a di Ebɔrɛ epaŋ a kaŋɛ:

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

Joshuwa 5:14

Nɛ kanyɛn na kaŋɛ le: “M maŋ la amo be kekama. Enyɛnpe Ebɔrɛ be benapo be enimu e la ma, nɛ m ba.” Ndoŋ nna nɛ Joshuwa gbir m bunyaŋ mo nseŋ kaŋɛ le: “Fo kenya e la ma, manɛ nɛ fee sha fanɛ n wora?”