Nshɛ 103:20 - EBƆRƐ BE KAWƆL

²⁰ Menyi emalaika lempoana, nɛ menyee nu Enyɛnpe Ebɔrɛ be kɔnɔ nsaa wora mo kasonu na kikɛ e kpaŋ mo!

Nshɛ 103:20 ပူးပေါင်းရင်းမြစ်များ

2 Bewura 19:35

Ade be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to kanyɛso n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi nɛ bumo kikɛ wu a dese!

Nshɛ 148:2

Menyi Ebɔrɛ be emalaika kikɛ, nɛ ebɔrɛso be beshumpo kikɛ, men baa kpaŋ Enyɛnpe Ebɔrɛ na.

Nshɛ 148:5

Men shin nɛ le be asɔ ere kikɛ e baa kpaŋ Enyɛnpe Ebɔrɛ na be ketre. Ŋkpal manɛ so, mo e malga eleŋso n to amo kikɛ kuraa.

Nshɛ 29:1

Menyi emalaika nɛ men wɔ ebɔrɛso e di Enyɛnpe Ebɔrɛ na epaŋ, ŋkpal mbe kemaŋkura nɛ eleŋ so.

Nshɛ 78:25

Amoso emalaika be ajibi nɛ b daŋ nya n ji; Ebɔrɛ daŋ sa bumo ajibi kama nɛ baaŋ tiŋ n ji nna.

Aizaaya 6:2

Nɛ asɔbɔya keniso nɛ baa suse so fanɛ edɛ be adondulombi na yili ŋ kulti mo. Bumo be ekama daa kɔ mbuibi be aba ashe nna. Asɔbɔya na be ekama daŋ ta mbe mbuibi be aba anyɔ nna m buu mbe anishiakpa so nseŋ ta anyɔ m buu mbe eyur so nseŋ ta anyɔ nɛ a ka na a firgi.

Danɛl 11:1

Dairus nɛ e la Mɛdi be esa na be kuwurji be kafɛ sososo to nɛ m ba kaa chɛ to a kuŋ mo.

Jowɛl 2:11

Enyɛnpe Ebɔrɛ na bee kaa ponte to nna a juŋkpar mbe benapo, nɛ b kɔ eleŋ nsaa shi nɛ esa maaŋ tiŋ ŋ karga bumo na, nɛ baa nu a sa mo. Yee, Enyɛnpe Ebɔrɛ be kachɛ na beeŋ lubi pasaa! Wanɛ e naaŋ nya ŋkpa loŋ be kachɛ na bre?

Matiu 26:53

Fee tama fanɛ m maaŋ tiŋ ŋ kule n Tuto nna nɛ e shin nɛ emalaika nɛ b chɔ ŋgboŋ adushunu nɛ anyɔ e ba epul ere to m ba chɛ ma to a?

Matiu 6:10

n shin nɛ fo Kuwurgboŋ na e ba, n shin nɛ basa e baa wora fo aparsheŋ durnya ere to fanɛ kananɛ k du ebɔrɛso na.

Luuk 1:19

Nɛ malaika na kaŋɛ mo: “Ma e la Geebriɛl, emo nɛ e yil Ebɔrɛ kutɔ saŋkama na. Nɛ Ebɔrɛ shuŋi ma nɛ m ba bɔ le be baru n sa fo.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.