Nshɛ 103:11 - EBƆRƐ BE KAWƆL

¹¹ Kasha nɛ e kɔ n sa basa nɛ baa bunyaŋ mo na shi ga; k shi a chɔ yili kasawule so n ya fo awɔlpa so.

Nshɛ 103:11 ပူးပေါင်းရင်းမြစ်များ

Job be kawɔl 22:12

Ebɔrɛ wɔ ebɔrɛso nɛ k wɔ awɔlto a chɔ achɛkpabi nɛ a wɔ esoso ga nna, nsaa wu kusɔ kama.

Nshɛ 103:17

Enyɛnpe Ebɔrɛ na bee lara mbe kasha nɛ k maa chɛrga na a ŋini bekama nɛ baa bunyaŋ mo mbaanaayɔ nna; mo alɛ nsaa wora a bɔlɔ mbe nnɔ naseso so a sa bumo be kaman to ebi

Nshɛ 117:2

Ŋkpal manɛ so, kasha nɛ e kɔ n sa anyi na shi ga; nɛ mbe kashenteŋji malɛ maŋ kɔ ekar. Men kpaŋ Enyɛnpe Ebɔrɛ na!

Nshɛ 31:20

Fee kuŋ bumo ashi basa nɛ baa kre bumo ŋkre lubi be enɔ to nna, nsaa ta bumo a gelge katege nɛ asheŋ nɛ bedoŋ bee ku a deŋi bumo.

Nshɛ 36:5

Enyɛnpe Ebɔrɛ, fo kashenteŋji nɛ kasha nɛ fo kɔ a sa basa shi ga. Kumo alɛ maa chɛrga; k bee fo kaplɛkama, hale esoso nɛ awɔlpa to kikɛ.

Nshɛ 57:10

Ŋkpal manɛ so, fo kasha baŋ esoso so, nɛ fo kemankura choŋ awɔlpa so.

Nshɛ 89:2

Meeŋ kaŋɛ ekama fanɛ fo kasha wɔtɔ nna mbaanaayɔ, nɛ fo kashenteŋji malɛ wɔ ebɔrɛso jemanɛ kikɛ.

Aŋasa 25:3

Wanɛ e naa tiŋ a pin ewura be nfɛra? Ewura be nfɛra du chiŋgeliŋ nna fanɛ kasawule be nchiŋ ŋko awɔlpa be kufɔ na.

Aizaaya 55:9

Kananɛ ebɔrɛso wɔ esoso a chɔ kasawule so na, aloŋ nɛ ma kasheŋwora nɛ nfɛra fɛso chɔ menyi peya.

Luuk 1:50

Mbe ketre e du cheeŋ. Bekama nɛ baa ŋana mo nɛ e bee wu kuwɔr ashi enananyɛn koŋwule be jemanɛ n ya fo enananyɛn ko malɛ be jemanɛ.