Nshɛ 102:20 - EBƆRƐ BE KAWƆL

²⁰ E daŋ nu basa nɛ b wɔ kabuti to ka bee shu to nna, nseŋ sɔ bumo nɛ b daŋ daga luwu na n yige.

Nshɛ 102:20 ပူးပေါင်းရင်းမြစ်များ

2 Bewura 13:4

Jehowahaz ka wu kananɛ Siriya be ewura na bee tɔrɔ bumo nsaa mɛaŋ bumo na nseŋ kule Enyɛnpe Ebɔrɛ nɛ e nu mbe kekule,

Job be kawɔl 24:12

Basa nɛ b doro nɛ bumo nɛ baa wu ashi ndegboŋana be agbembiana so na bee shu a fin kechɛto, ama Ebɔrɛ maa wora shɛŋ.

Nshɛ 146:7

Mo e naa ji asheŋ nɛ amo be ekpa so a sa betirpo nsaa sa bumo nɛ akoŋ kɔ kusɔ jiso. Enyɛnpe Ebɔrɛ na e naa lara basa nɛ b ti ebu ashi kabuti to.

Nshɛ 79:11

Kaŋ kusoe n nu basa nɛ b wɔ kabuti to be kushu. Ta fo eleŋgboŋ na n sɔ basa nɛ baa shin nɛ b mɔ na n yige.

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Aizaaya 14:17

Kanyɛn nɛ e mur ndegboŋ nseŋ shin nɛ durnya ki fanɛ kiyitokpaŋ na nde a? Mo e daŋ kini keshin nɛ basa nɛ b pɛ kena to na e nya ekpa n yɔ bumo peana na a?”

Ditɛronɔmi 26:15

Amoso yili fo kakpa cheembi ashi ebɔrɛso n nɛfa fo basa Israɛlebi nɛ kasawule lela nɛ k kɔ eleŋ a wora adɔjibi nɛ fo ta n sa anyi na gba, fanɛ kananɛ fo nase kumo be kɔnɔ n sa an nanaana na.”