Nshɛ 102:14 - EBƆRƐ BE KAWƆL

¹⁴ Anyi fo anya bee sha kejembu kama nɛ k wɔ kadegboŋ na to nna; amoso kumo be kebure a dese loŋ na shin nɛ kagbenejija tɔr anyi so ga.

Nshɛ 102:14 ပူးပေါင်းရင်းမြစ်များ

Ɛzra 1:5

Ndoŋ nna nɛ Juda nɛ Bɛnjamin be nnaŋ to be benimuana nɛ bɔrɛmatapoana nɛ Livaiebi nɛ bekama nɛ bumo be ŋgbene daa wɔ kebɛta n yɔ Jerusalɛm to na bela ase nɛ b yɔ Jerusalɛm n ya pɔr Enyɛnpe Ebɔrɛ na be lambu na.

Ɛzra 7:27

Ndoŋ nna nɛ Ɛzra kaŋɛ le: “Kemaŋkura e baa la an nananyɛnana be Ebɔrɛ na peya. Mo e sa ewura na le be nfɛra nɛ e ta bunyaŋ n sa Enyɛnpe Ebɔrɛ be lambu nɛ k wɔ Jerusalɛm na.

Nehemaya 1:3

Nɛ b kaŋɛ ma fanɛ basa nɛ b bɛta n yɔ Jerusalɛm na wɔ tɔrɔ nɛ awurfoŋ to nna. B yɛ Jerusalɛm be egbal na bure n tɔr nɛ kumo be mbunagboŋana na malɛ gba ji edɛ.

Nehemaya 2:17

Ama ŋ ka bɛta n yɔ na nɛ n ya kaŋɛ bumo le: “Menyi alɛ gba wu tɔrɔ nɛ an wɔ kumo to ŋkpal Jerusalɛm ka bure a dese nɛ kumo be mbunagboŋana kikɛ chɔɔ n tɔr nna na! Men wora ania n shin nɛ an pɔr kadegboŋ ere be egbalana nɛ a tɔr ere, saŋɛ na so anyi maaŋ naŋ ji anishinyɔr.”

Nehemaya 2:3

Nɛ ŋ kaŋɛ mo le: “Yiramu, Ebɔrɛ e teŋi fo efute so! Ma kagbene maŋ fuli ma, ŋkpal manɛ so, kadegboŋ nɛ b puli n nanaana na bure a dese nɛ kumo be mbunagboŋana kikɛ ji edɛ.”

Nehemaya 4:10

Loŋ be jemanɛ na nɛ Juda be basa na daa kɔ bumo be kashɛ ko a boŋ nɛ k bee keta kebɔltofinfin. B yɛ: “An gben a chul to ŋkpal an ka sulɔ esulɔ gbɛgbɛso so. Ajembu burtoso na shi ga n sa anyi nɛ an sulɔ n ya lɛ. Nuso nɛ anyeeŋ wora n tiŋ m pɔr egbal na n loge kabre?”

Nehemaya 4:2

Le nɛ e kaŋɛ mo braana nɛ Samɛria be benapo be anishito: “Manɛ nɛ Juwebi, basa pɔso be katuŋ ere bee fɛ fanɛ baa wora ere? Baa sha keta kachɛ koŋwule nna n lɔŋɛ egbal na m pɔr nseŋ lara esarga loŋ be kachɛ koŋwule na gbagba a? Baa fɛ fanɛ baaŋ tiŋ n ta ajembu nɛ a chɔɔ m biti abar so ere n lɔŋɛ kusɔ ko a?”

Nehemaya 4:6

Beshumpo na daŋ shuŋ ga nɛ an naŋ pɔr Jerusalɛm be egbal na n fo nferinto.

Nshɛ 119:126

O, Enyɛnpe Ebɔrɛ, jemanɛ fo nɛ fo wora kusɔ ko! Ŋkpal manɛ so, basa bee wora a da fo mbraana so nna.

Nshɛ 79:1

O Ebɔrɛ, efuli pɔtɛana so ebi ba kɔ n suge fo kasawule. B shin nɛ fo bɔrɛlambu cheembi na wora eyurpi daŋkare be ekpa so, nseŋ shin nɛ Jerusalɛm ki kade bureso a dese fuloŋ.

Aizaaya 14:1

Enyɛnpe Ebɔrɛ na beeŋ naaŋ wu mbe basa Israɛlebi nɛ e lara n sa mbe kumu na kuwɔr. E beeŋ shin nɛ b bɛta bumo m ba bumo gbagba be kasawule so, nɛ befɔ e tu bumo n chena ndoŋ fanɛ bumo alɛ gba ka la Israɛlebi na.

Aizaaya 40:2

Meeŋ leŋ Jerusalɛm be basa to. Kaŋɛ bumo fanɛ b ji awurfoŋ n chɛr ga. Naniere b nya bumo be alubi be ketampaŋ. N tiŋ ŋ gberge bumo kusoe ga ŋkpal bumo be alubi so.”

Aizaaya 51:3

Ma, Enyɛnpe Ebɔrɛ na beeŋ lolo basa nɛ b wɔ Jerusalɛm be alambure to na n wushi bumo kagbene. Jerusalɛm ka ki fanɛ keshishɛrsawule a dese ere gba, meeŋ shin nɛ k ki fanɛ kambɔl nɛ n daŋ nase kumo ketre Iden na. Saŋɛ na so kagbenefuli nɛ kagbenewushi beeŋ baa wɔ ndoŋ, nɛ basa e baa boŋ nshɛ a kpaŋ ma nsaa di ma epaŋ.”

Jɛremaya 29:10

Kede be kaman nɛ Enyɛnpe Ebɔrɛ naŋ kaŋɛ le: “Babilɔn be efuli na kaŋ ji eleŋ nfɛ adushunu be kaman, meeŋ wu menyi kuwɔr nseŋ bɛta menyi m ba epe ashi Juda be efuli so nɛ ma kɔnɔ naseso na e bɔlɔ so.

Jɛremaya 30:18

Ade kikɛ be kaman, nɛ Enyɛnpe Ebɔrɛ na kaŋɛ le: “Meeŋ naŋ bɛta ma basa m ba bumo be kasawule so nseŋ wu bumo be kanaŋ kama to be basa kuwɔr. Baaŋ naŋ lɔŋɛ Jerusalɛm nɛ k bure a dese ere m pɔr, nseŋ pɔr kumo to be ewurkpa n yili kumo be kakpa.

Danɛl 9:16

Dra na kikɛ nɛ fo kɔ n sa anyi, amoso sa maŋ nya agbo n wɔtɔ Jerusalɛm n chɛr ŋkpal manɛ so k la fo kadegboŋ nna ashi fo kebeegboŋ cheembi na so. Efuliana nɛ anyi nɛ bumo chena m mata abar na kikɛ bee keni Jerusalɛm nɛ fo basa jiga nna ŋkpal anyi nɛ an nananyɛnana be alubi so.

Ruf be kawɔl 1:6

E wɔ Mowab nna nseŋ nu fanɛ Enyɛnpe Ebɔrɛ na wora mo ere Enyɛnpe Ebɔrɛ na be basa kechɛto n sa bumo ajibi. Nawomi ka nu loŋ na nɛ mo nɛ mo shacheana na bela ase nɛ b kaa Mowab m bɛta n yɔ Nawomi be efuli so.