Nshɛ 102:13 - EBƆRƐ BE KAWƆL

¹³ Fo e naaŋ shu Jerusalɛmebi so, ŋkpal manɛ so, jemanɛ fo nɛ feeŋ wu bumo kuwɔr.

Nshɛ 102:13 ပူးပေါင်းရင်းမြစ်များ

Nshɛ 135:13

O Enyɛnpe Ebɔrɛ, fo ketre wɔtɔ nna mbaanaayɔ, kekurgeto kikɛ to be basa beeŋ baa nyiŋi kumo.

Nshɛ 44:26

Jande wora kusɔ ko n chɛ anyi to. Mɔlga anyi ŋkpal fo kasha nɛ k maa chɛrga na so.

Nshɛ 51:18

Enyɛnpe Ebɔrɛ, jande, shin nɛ asheŋ e nyalɛ Zayɔn to, nɛ b pɔr Jerusalɛm be egbal na.

Nshɛ 7:6

Enyɛnpe Ebɔrɛ, nya agbo ŋ kpa n niŋi to n tu ma doŋana nɛ b nya agbo ga na; yili to n shin nɛ kashenteŋji e di efuli.

Nshɛ 75:2

Fo yɛ: “N lara demuji be jemanɛ nna n yili; ma alɛ beeŋ ji demu nɛ kumo be ekpa so.

Nshɛ 90:2

Pɔɛŋ nɛ fo to abeeana nɛ kasawule nɛ durnya kikɛ na, nɛ fo la Ebɔrɛ nna nsaa wɔtɔ mbaanaayɔ.

Nshɛ 92:9

An nyi fanɛ fo doŋana beeŋ mur kashenteŋto, nɛ alubiworapoana kikɛ e pesaŋ to.

Ɛksodɔs 3:15

Kede be kaman nɛ Ebɔrɛ naŋ kaŋɛ Mosis fanɛ e kaŋɛ Israɛlebi na le: “Enyɛnpe Ebɔrɛ nɛ e la men nananyɛnana Eebraham nɛ Aizek nɛ Jeekɔb be Ebɔrɛ na e shuŋi ma menyi kutɔ. Ketre ere malɛ e naaŋ baa la ma ketre hale mbaanaayɔ. Loŋ nɛ men be kaman to ebi kikɛ gba beeŋ ba kaa tre ma.

Aizaaya 14:32

Nɛ fanɛ kabɔ ko shi Filisti be efuli so m ba menyi kutɔ, a daga fanɛ men kaŋɛ mo le: “Enyɛnpe Ebɔrɛ na e pɔr Zayɔn, nɛ mbe basa to be etirpo gba e nya a wɔ ndoŋ nɛ shɛŋ maaŋ tɔrɔ mo.”

Aizaaya 40:2

Meeŋ leŋ Jerusalɛm be basa to. Kaŋɛ bumo fanɛ b ji awurfoŋ n chɛr ga. Naniere b nya bumo be alubi be ketampaŋ. N tiŋ ŋ gberge bumo kusoe ga ŋkpal bumo be alubi so.”

Aizaaya 60:1

Jerusalɛmebi, men koso n nyɛkpɛ n fulto fanɛ epeŋi. Karechɛ popɔr bee chɛ menyi so nna na. Ŋkpal manɛ so, Enyɛnpe Ebɔrɛ be kemaŋkura nyaŋɛ n yuu menyi so nna!

Jɛremaya 31:23

Enyɛnpetale, Israɛl be Ebɔrɛ na yɛ: “Ŋ kaŋ bɛta basa na m ba chena bumo gbagba be kasawule so n loge, baaŋ naa kaŋɛ le ashi nde nɛ a wɔ Juda be kasawule so na: ‘Ebɔrɛ e nɛfa Zayɔn be kebee nɛ bɔrɛlambu na nɛ ewura be laŋ yil so ashi Jerusalɛm nɛ k la kakpa cheembi nɛ e wɔ na.’

Danɛl 12:9

Nɛ e kaŋɛ ma le: “Danɛl baa yɔ, ŋkpal manɛ so, a daga mmalga ere ka la wulo be mmalga nna n ya fo durnya be lalaloge.

Ashuŋ Shunso 1:7

Nɛ Yesu kaŋɛ bumo: “N Tuto nawule be enɔ to nɛ kusɔ kama nɛ kumo be jemanɛ wɔ. Amo be asheŋ maŋ la asɔ nɛ a daga men ka pin.

Galeeshaebi 4:4

Ama jemanɛ nɛ k daga na ka ba fo nɛ Ebɔrɛ shuŋi mo Pibinyɛn nɛ e bɔla durnya be eche to n lar a wɔ mbra na to na

2 Pita 3:12

a keni Ebɔrɛ be kachɛ na ekpa n shin nɛ k ba manaŋ. Kumo be kachɛ na, esosoana beeŋ chɔɔ edɛ m mur nɛ kuwuloŋ na e ŋalga esoso be asɔana na.

2 Pita 3:8

Ama n teri shasoana, men sa maŋ kaŋ teŋ kesheŋ koŋwule ere so fanɛ Enyɛnpe bre kutɔ kachɛ koŋwule du fanɛ nfɛ kagboŋ nna nɛ nfɛ kagboŋ malɛ du fanɛ kachɛ koŋwule mo kutɔ.