Nshɛ 100:4 - EBƆRƐ BE KAWƆL

⁴ Men bɔla mbe bɔrɛlambu na be mbunagboŋ to n luri mbe kelɔnɛ so m ba di mo epaŋ, nseŋ kpaŋ mo.

Nshɛ 100:4 ပူးပေါင်းရင်းမြစ်များ

1 Kronikɛls 29:13

Anyi be Ebɔrɛ, kechɔrɔ nɛ kapandi e baa la fo peya.

1 Kronikɛls 29:20

Kede be kaman nɛ ewura Deevid kaŋɛ basa na kikɛ le: “Men di Enyɛnpe men nananyɛnana be Ebɔrɛ na epaŋ.” Ndoŋ nna nɛ basa na kikɛ di Ebɔrɛ epaŋ nseŋ jɔŋɛ ŋ kurgi bumo be amu n yuu to m bunyaŋ Enyɛnpe Ebɔrɛ nɛ ewura Deevid kikɛ.

Nshɛ 122:2

Naniere an yil Jerusalɛm be kadegboŋ na to be mbunagboŋ na ase nna.

Nshɛ 122:4

K la kakpa nɛ Israɛl be eyiriana na bee wora Enyɛnpe Ebɔrɛ kasonu nna, nsaa ba ndoŋ m baa kaa di mo epaŋ.

Nshɛ 65:1

Anyi be Ebɔrɛ, k daga fanɛ an fur fo ashi Zayɔn to. Ndoŋ nɛ anyeeŋ bɛ nnɔ nɛ an nase n sa fo na so.

Nshɛ 66:13

Meeŋ wora m bɛ kɔnɔ nɛ n nase n sa fo saŋɛ so nɛ n daa wɔ tɔrɔ to na so. Meeŋ ba lara sarga ashi fo bɔrɛlambu to n sa fo.

Nshɛ 95:2

Men shin nɛ an ta kapandi m ba boŋ nshɛ ŋ kpaŋ mo.

Nshɛ 96:2

Men boŋ kashɛ n sa Enyɛnpe Ebɔrɛ na, nseŋ kpaŋ mbe ketre na. Karechɛ kama men baa ber mbe kumɔlga na be asheŋ be kubomboŋ.

Nshɛ 96:8

Men kpaŋ Enyɛnpe Ebɔrɛ na be ketre nɛ k kɔ kemaŋkura na; nseŋ ta esarga m ba mbe bɔrɛlambu to.

Nshɛ 99:3

Ekama beeŋ kpaŋ mbe ketregboŋ nɛ k kɔ eleŋ ga na. Ŋkpal manɛ so, e du cheembi nna.

Aizaaya 35:10

Baaŋ ta kagbenefuli nɛ nshɛ n wora awɔr n ya luri Jerusalɛm to. Bumo alɛ be ŋgbene beeŋ fuli bumo mbaanaayɔ; ŋkpal manɛ so, kagbenejija nɛ kafɔŋ maaŋ naa wɔtɔ.

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.