Nshɛ 100:2 - EBƆRƐ BE KAWƆL

² Men baa bunyaŋ mo kagbenefuliso, nsaa boŋ kagbenefuli be nshɛ a sa mo.

Nshɛ 100:2 ပူးပေါင်းရင်းမြစ်များ

1 Bewura 8:66

Kumo be kachɛ burwasopo na, nɛ ewura Sɔlɔmɔn shin nɛ basa na kikɛ yɔ bumo peana. Nɛ bumo be ŋgbeneana fuli bumo ga ŋkpal kananɛ Enyɛnpe Ebɔrɛ daŋ nɛfa mbe basa Israɛlebi, nɛ mbe kayɛrbi ewura Deevid na so.

2 Kronikɛls 29:30

Ewura na nɛ efuli na so be bejuŋkparpoana na daŋ kaŋɛ Livaiebi na nna fanɛ b baa boŋ nshɛ nɛ ewura Deevid nɛ anebi Asaf daŋ sibɛ n nase na. B ka bee boŋ amo nɛ ekama be kagbene fuli nɛ b gbir m bunyaŋ Ebɔrɛ.

2 Kronikɛls 31:2

Ewura Hɛzekaya daŋ naŋ lɔŋɛ nna n yili bɔrɛmatapoana nɛ Livaiebi na be ntuŋ nɛ ashuŋ nɛ baa shuŋ. Ashuŋ na be ako e la kebaalara esarga chɔɔso nɛ kɔnɔkoŋwule be esarga nɛ kebaabunyaŋ Ebɔrɛ nɛ kebaadi Ebɔrɛ epaŋ nsaa juŋkpar kabɔrɛchɔrɔ ashi bɔrɛlambu na to.

Nshɛ 42:4

M baŋ nyiŋi kananɛ n daa juŋkpar basa nɛ baa bɛ abar so a yɔ fo bɔrɛlambu to nsaa cha awɔr a boŋ nshɛ kagbenefuliso a bunyaŋ fo na, ma kagbene bee jija alegaiso nna.

Nshɛ 71:23

Meeŋ ta kagbenefuli m boŋ nshɛ awɔrso ŋ kpaŋ fo, ŋkpal fo ka mɔlga ma so.

Nshɛ 95:2

Men shin nɛ an ta kapandi m ba boŋ nshɛ ŋ kpaŋ mo.

Ditɛronɔmi 12:12

Men shin nɛ menyi nɛ menyi be mbia nɛ nyɛrbi nɛ Livai be yiri to be basa nɛ b wɔ menyi be ndeana to na be ŋgbene e fuli menyi ashi Enyɛnpe Ebɔrɛ na be anishito. Men baa nyiŋi fanɛ Livai be yiri to be basa na maaŋ baa kɔ bumo gbagba be kasawule.

Ditɛronɔmi 16:11

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.

Ditɛronɔmi 16:14

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ menyi nɛ bumo wɔ menyi be ndeana to na e ji menyi be amu ashi Enyɛnpe menyi be Ebɔrɛ na be anishito.

Ditɛronɔmi 28:47

Enyɛnpe Ebɔrɛ na bre nɛfa menyi ekpa kama so, ama ŋkpal men ka kini keshuŋ mo kagbene koŋwule so n ta kemaŋkura n sa mo na so,

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.