Nshɛ 10:6 - EBƆRƐ BE KAWƆL

⁶ Le nɛ baa kaŋɛ bumo be ŋgbene to: “Shɛŋ shɛŋ maaŋ tiŋ n wora anyi. Anyi be ŋgbene beeŋ baa fuli saŋkama. Asheŋ lubi maaŋ tu anyi kikɛ.”

Nshɛ 10:6 ပူးပေါင်းရင်းမြစ်များ

Nshɛ 11:1

Ŋkpal Enyɛnpe Ebɔrɛ na ka la ma ekumpo so, k maŋ la kesheŋ tirso fanɛ fo kaŋɛ ma fanɛ n firgi fanɛ kabuibi n yɔ kebeegboŋ so be kakpa nɛ meeŋ nya kekuŋ.

Nshɛ 14:1

Ewulpo e naa kaŋɛ mbe kagbene to fanɛ Ebɔrɛ maŋ wɔtɔ. Loŋ be basa maa wora asheŋ nɛ a bee bɔla ekpa. Bumo be asheŋ woraso kikɛ la alubi nna. Bumo be ekama maa wora asheŋ lela.

Nshɛ 15:5

Bumo nɛ baa ta bumo be amansherbi a paŋ basa nsaa maa wɔtɔ nchu na; ŋko a sɔ brɔbu nsaa ji a chɛ alubiworapoana to na. Loŋ be basa bre maaŋ ji anishinyɔr kikɛ.

Nshɛ 30:6

Ŋ ka daŋ nya asɔ nɛ mee sha na; n daŋ fɛ nna fanɛ shɛŋ maaŋ naŋ tir ma kikɛ.

Kaŋinichiŋgeliŋ 8:11

Kulubi be kasogberge baa maa ba manaŋ manaŋ, k bee shin nɛ basa be ŋgbene bee laŋɛ kulubi be kewora so nna.

Aizaaya 47:7

Men daa fɛ fanɛ menyeeŋ baa ji kuwura jemanɛ kikɛ nna. Menyi alɛ daa maŋ ta asheŋ ere n wɔtɔ kagbene to, ŋko n fɛ kananɛ amo kikɛ beeŋ loge to be asheŋ.

Aizaaya 56:12

Kusɔ nɛ basa nɛ baa boo nsa bee kaŋɛ e la fanɛ men shin nɛ an ya nuu nsa m boo kananɛ anyee sha. Echefo peya e baa chɔ kabre peya!”

Nahum 1:10

Baaŋ baa du fanɛ besanuupo nɛ b nuu nsa ga nɛ a pɔɔ bumo so nna; ŋko ajinjɛ nɛ atuweklaŋ nɛ a mel abar to nɛ edɛ chɔɔ amo m mur na nna.

Matiu 24:48

Ama nɛ fanɛ kenya dalubiwura na kaŋɛ mbe kumu le: ‘N nyɛnpe beeŋ chɛr ga pɔɛŋ nseŋ bɛta m ba,’

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

Kelaraŋŋini 18:7

Men sa mo tɔrɔ nɛ kagbenejija ga nɛ a fo fanɛ kananɛ e daŋ sa mbe kumu kemaŋkura nɛ dama na, ŋkpal manɛ so, le nɛ e wɔtɔ a kaŋɛ mbe kumu: ‘Ewurche e la ma nɛ n tase. M maŋ la ekulpoche, kagbenejija maaŋ tu ma kikɛ.’