Nshɛ 10:4 - EBƆRƐ BE KAWƆL

⁴ Belubiworapo be shɛŋ maŋ wɔ Enyɛnpe Ebɔrɛ to. Bumo be kamoowu so, b maa fɛ Ebɔrɛ be asheŋ gba kuraa.

Nshɛ 10:4 ပူးပေါင်းရင်းမြစ်များ

Jɛnesis 6:5

Kumo be jemanɛ na so nɛ Enyɛnpetale Ebɔrɛ wu fanɛ basa be alubi bee wora keshi durnya to a ti so nɛ bumo be ŋgbene to be nfɛra fɛso kikɛ la asheŋ lubi.

Job be kawɔl 22:17

Alubiworapo na daŋ kini Enyɛnpetale Ebɔrɛ na nna, a fɛ fanɛ e maŋ tiŋ n wora bumo shɛŋ.

Nshɛ 101:5

M maaŋ sa ekama nɛ e bee nite a ji basa be asheŋ ekpa nɛ e baa wora loŋ. Ma alɛ maaŋ sa kamoowuwura ŋko keŋkenshiwura kashuli kikɛ nɛ b baa du loŋ.

Nshɛ 18:27

Fee mɔlga bumo nɛ b kɔ kamubrase nna, nsaa bar kamoowuwuraana kaseto.

Nshɛ 27:8

N yili ma kagbene to nna fanɛ meeŋ fin fo; amoso nɛ m pere kenishi nɛ n wu fo na.

Nshɛ 36:1

Belubiworapo maa sa Ebɔrɛ bunyaŋ. Alubi nawule be asheŋ nɛ baa fɛ ashi bumo be ŋgbene to.

Nshɛ 53:1

Ewulpo nawule e naa kaŋɛ mbe kagbene to fanɛ Ebɔrɛ maŋ wɔtɔ. Loŋ be basa la basa fuloŋ, nɛ b maa wu kuwɔr nna. Bumo alɛ maa wora asheŋ niŋiso kikɛ.

Nshɛ 73:11

Le nɛ baa kaŋɛ: “Enyɛnpetale Ebɔrɛ na maaŋ tiŋ m pin kusɔ kikɛ!”

Ɛksodɔs 5:2

Ndoŋ nna nɛ ewura Fɛɛro bishi bumo le: “Wanɛ e la Enyɛnpe Ebɔrɛ ere nɛ k daga fanɛ n nu n sa mo n shin nɛ Israɛlebi e yɔ? Ma ere maŋ nyi Enyɛnpe Ebɔrɛ kama, ma alɛ maaŋ shin nɛ Israɛlebi na e yɔ.”

Aŋasa 21:4

Ŋkpensheŋ nɛ kamoowu la alubi be asɔrso nna, nɛ belubiworapo bee sha amo ga.

Aŋasa 30:13

Basa ko bee wu bumo be amu nna a maa keni basa a bɔlɔ kenishi.

Aŋasa 30:9

Saŋɛ na so maaŋ ki damawura nseŋ teŋ fo so ŋko nɛ ketir e shin nɛ n ya yuri n jija fo ketre.

Aŋasa 6:17

Kamoowu nɛ kudonduloŋ fɛpo nɛ enɔ nɛ k bee mɔ basa nɛ b maŋ wora n da so,

Kaŋinichiŋgeliŋ 8:11

Kulubi be kasogberge baa maa ba manaŋ manaŋ, k bee shin nɛ basa be ŋgbene bee laŋɛ kulubi be kewora so nna.

Aizaaya 2:11

Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.

Aizaaya 3:9

Kananɛ bumo be anishiakpaana du na e naa ji shɛda a gbiti bumo. Baa wora alubi nna a maŋ naa ta amo a ŋana fanɛ kananɛ kade nɛ baa tre Sodɔm na be basa daa wora na nna. Asheŋ maaŋ nyalɛ n sa bumo. Bumo alɛ gbagba e bar kumu lubi gboŋgboŋi bumo be amu so.

Aizaaya 59:7

Jemanɛ kikɛ asheŋ lubi nɛ menyee kre nsaa nya manaŋ a wora amo. Basa nɛ b maŋ wora shɛŋ be kemɔ maŋ du menyi so kpakpa. Basa nɛ asɔ be kejija n lɛ nɛ kemur nɛ menyee yige kaman ashi kaplɛkama nɛ men yɔ.

Aizaaya 65:2

Jemanɛ kikɛ ma ere wora shiriya nɛ n sɔ ma basa kpeŋso nɛ b sɔ bumo gbagba be ekpa a wɔtɔ a wora asheŋ lubi na nna.

Jɛremaya 2:31

Israɛl be basa, men nu kusɔ nɛ mee kaŋɛ ere. N daŋ kini menyi n lɛ ashi keshishɛrsawule so ŋko n shin nɛ men nite tentembiri to nna a? Nɛ mannɛ a ba nɛ menyee kaŋɛ fanɛ menyeeŋ baa wora menyi be kepar nsaa maaŋ naŋ bɛta m ba ma kutɔ?

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Zefanaiya 1:12

Kumo be jemanɛ so, meeŋ chɔɔ fitila so n nite ŋ keni Jerusalɛm to n fin bekama nɛ asheŋ maŋ tir bumo nɛ baa kaŋɛ fanɛ Enyɛnpe Ebɔrɛ na maaŋ wora kulubi ŋko kelela na, nseŋ gberge bumo kusoe.

Zefanaiya 2:3

Menyi bekama nɛ men la bebɔlpo ashi kasawule ere so na e baa bar menyi be amu kaseto nsaa nu a sa Enyɛnpe Ebɔrɛ na. Men baa wora kusɔ nɛ k walɛ nsaa bar menyi be amu kaseto a sa mo. Nɛ men wora loŋ, ashere menyeeŋ gelge kasogberge kachɛ nɛ Enyɛnpe Ebɔrɛ na be agbo beeŋ koso na.

Maak 7:21

ŋkpal manɛ so, esa be kagbene to nɛ nfɛra lubi nɛ a bee shin nɛ e bee luri kusɔ jigaya be kanyɛnsha nɛ kachesha to bee shi a lar.

Ashuŋ Shunso 8:22

Amoso, lar le be nfɛra lubi ere to nseŋ kule Enyɛnpe na nɛ e ta fo nfɛra fɛso lubi ere m paŋ fo.

Romebi 1:21

B nyi Ebɔrɛ be asheŋ, ama bumo alɛ maa ta mo fanɛ Ebɔrɛ a bunyaŋ mo ŋko a chɔrɔ mo. Ama b shin nɛ bumo be nfɛra ki nfɛra fuloŋ nna nɛ bumo be kawuliso be ŋgbene malɛ ki m biri to.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Ɛfesesebi 2:12

Men daa la befɔ nna ashi Israɛl be efuli so ebi to. Menyi alɛ be shɛŋ daa maŋ wɔ nnɔkoŋwule nɛ a wɔ Ebɔrɛ nɛ Israɛlebi be nferinto na to, ŋkpal mbe nnɔ naseso nɛ e nase n sa mbe basa na so. Men daa wɔ durnya ere to nna a maŋ kɔ tama kikɛ, menyi alɛ daa maa ta Ebɔrɛ a wɔtɔ men be asheŋ to.

Ditɛronɔmi 8:14

men baa da so nɛ kamoowu maaŋ luri menyi to nɛ men teŋ Enyɛnpe menyi be Ebɔrɛ nɛ e kɔ n suge menyi kenyaya to ashi Ijipt be efuli so na so.