Nshɛ 10:17 - EBƆRƐ BE KAWƆL

¹⁷ Enyɛnpe Ebɔrɛ, fo e naa nu bumo nɛ baa ji awurfoŋ be kekule. Feeŋ nu bumo be nfubel nseŋ leŋ bumo to.

Nshɛ 10:17 ပူးပေါင်းရင်းမြစ်များ

1 Kronikɛls 29:18

Enyɛnpe Ebɔrɛ nɛ fo la an nananyɛn Eebraham nɛ Aizek nɛ Jeekɔb be Ebɔrɛ na, shin nɛ fo basa e baa kɔ kakɛ be ŋgbene nsaa ji kashenteŋ a sa fo loŋ mbaanaayɔ.

2 Kronikɛls 29:36

Ewura Hɛzekaya nɛ basa na kikɛ be ŋgbene daŋ fuli bumo nna ŋkpal Ebɔrɛ ka chɛ bumo to nɛ b wora loŋ be asheŋ na manaŋ manaŋ so.

2 Kronikɛls 30:12

Ebɔrɛ daŋ shuŋ mbe kushuŋ ashi Juda nna nseŋ leŋ basa na to nɛ b nya kɔnɔkoŋwule a wora ania a wora mo kasonu nsaa bɛ ewura na nɛ mbe benimuana na malɛ be mbra so.

2 Kronikɛls 34:27

nseŋ chɛrga fo nfɛra m bar fo kumu kaseto ŋ kpɛa fo asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Juda be basa kusoe so. N nu fo kabɔrɛkule,

Nshɛ 102:17

E beeŋ wu betentaŋasepo kuwɔr nseŋ nu bumo be kabɔrɛkule.

Nshɛ 145:19

Mo alɛ bee sa bekama nɛ baa bunyaŋ mo na asɔ nɛ a tir bumo nna nsaa nu bumo be kekule a mɔlga bumo ashi etɔrɔ to.

Nshɛ 34:15

Enyɛnpe Ebɔrɛ na bee keni basa nɛ baa wora asheŋ niŋiso so nsaa nu bumo be kekule nna.

Nshɛ 37:4

Shin nɛ fo kagbene e baa fuli fo ga; ŋkpal fo ka bee wora Enyɛnpe Ebɔrɛ na be aparsheŋ so. Mo alɛ beeŋ baa wora kusɔ nɛ fee sha a sa fo.

Nshɛ 9:12

Mo e maŋ teŋ kegberge alubiworapo kusoe so, mo alɛ maa kplaŋ kenu bumo nɛ b wɔ awurfoŋ to be kushu so.

Nshɛ 9:18

Ama fo maaŋ teŋ bekama nɛ asheŋ tir bumo na bre so mbaanaayɔ; ŋko n shin nɛ betentaŋasepo be tama e loge cheche.

Aŋasa 10:24

Basa nɛ baa wora asheŋ niŋiso bee nya kusɔ nɛ baa sha nna, ama kusɔ nɛ belubiworapo bre maa sha nɛ baa nya ga.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 16:1

Dimɛdi e wɔ afɛso ama Enyɛnpe Ebɔrɛ e wɔ aworbi.

Aizaaya 65:24

Pɔɛŋ nɛ baaŋ kule ma kusɔ kama gba nɛ n tiŋ n nu bumo be kekule.

Matiu 5:3

“Kagbenefuli la bekama nɛ b nyi b ka la bebɔlpo ashi Ebɔrɛ be anishito na peya nna, ŋkpal manɛ so, ebɔrɛso be kuwura na la loŋ be basa peya nna.

Romebi 8:26

Loŋ koŋwule na malɛ nɛ Kiyoyu na bee ba m ba kaa chɛ anyi mo nɛ an maŋ kɔ eleŋ ashi yirda na to na to. Anyi maŋ nyi kananɛ k daga fanɛ an kule Ebɔrɛ gba, ama Kiyoyu na gbagba e naa bugi kagbene a kule kabɔrɛkule nɛ k bee mɔ kɔnɔ a sa anyi.

Ɛfesesebi 2:18

Ŋkpal manɛ so, mo so nɛ anyi nɛ bumo kikɛ bee bɔla a nya ekpa a yɔ Ebɔrɛ na kutɔ ashi Kiyoyu koŋwule na to.

Ɛfesesebi 3:12

Mo to nɛ keyirda mo so nɛ anyeeŋ tiŋ m ba Ebɔrɛ be anishito a maa wora shikashika kikɛ.

Jeems 4:10

Men baa yɔɔ men be amu Ebɔrɛ be anishito nɛ e maŋ menyi so.

Jeems 4:6

K kɔ kifi, ama Ebɔrɛ be kuwɔr e shi ga. Abɔrɛsibɛ na malɛ e naa kaŋɛ loŋ fanɛ: “Ebɔrɛ maa shuli a sa kamoowuwuraana, basa nɛ b maŋ kɔ kamoowu nɛ e bee wu kuwɔr.”

1 Pita 3:12

Ŋkpal manɛ so, Enyɛnpe be anishi wɔ belelapo kikɛ so nna, mo alɛ nsaa kaŋ kusoe a nu bumo be kabɔrɛkule, ama bekama nɛ baa wora alubi bre, e bee pal kaman nna a sa bumo.”

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.