Nshɛ 10:16 - EBƆRƐ BE KAWƆL

¹⁶ Enyɛnpe Ebɔrɛ na e naa ji kuwura kusɔ kama so mbaanaayɔ. Efuli pɔtɛana na beeŋ mur ashi mbe kasawule so.

Nshɛ 10:16 ပူးပေါင်းရင်းမြစ်များ

1 Kronikɛls 29:11

Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

Nshɛ 145:13

Fo kuwurji wɔtɔ nna mbaanaayɔ; k maŋ kɔ ekar, fo alɛ bee ji kuwura nna, yili kenana ko n ya fo kenana ko to ebi so nna. An Nyɛnpe Ebɔrɛ, fo e naa wora a bɔlɔ fo nnɔ naseso so nsaa wora kusɔ kama nɛ fo kaŋɛ feeŋ wora.

Nshɛ 146:10

Enyɛnpe Ebɔrɛ, nɛ e la Jerusalɛm be Ebɔrɛ na, bee ji kuwura nna mbaanaayɔ! Men baa kpaŋ Enyɛnpe Ebɔrɛ na!

Nshɛ 29:10

Enyɛnpe Ebɔrɛ na e naa ji kuwura nchuaana nɛ a wɔ nchiŋ gba so. E bee ji kuwura nna mbaanaayɔ.

Nshɛ 78:55

E daŋ ju efuli pɔtɛana na be basa nna n lar nseŋ barga kasawule na nɛ bumo be nwuana to n sa Israɛl be eyiri yiri nɛ b la mbe basa na.

Nshɛ 9:15

Efuli pɔtɛana so ebi tɔr amaŋ nɛ bumo gbagba kur to, nɛ ajigbelɛ nɛ b sho na kilgi m pɛ bumo.

Nshɛ 9:5

Fo fɛa efuliana so nseŋ shin nɛ alubiworapoana mur; nɛ fo bubɔ bumo be atre mbaanaayɔ.

Nshɛ 9:8

Feeŋ ji durnya ebi demu nɛ kumo be ekpa so, nseŋ ji basa so kuwura ekpa niŋiso so.

Nshɛ 93:1

Enyɛnpe Ebɔrɛ na e la ewura. Kemaŋkuragboŋ nɛ eleŋ buu mo nna fanɛ kuwurpiŋi. Mo e tɔl durnya n yili kpakpa, nɛ shɛŋ shɛŋ maaŋ tiŋ n fifir kumo.

Ɛksodɔs 15:18

Fo Enyɛnpe Ebɔrɛ e naaŋ baa ji kuwura hale mbaanaayɔ.”

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Nfabel 5:19

Ama fo, Enyɛnpe Ebɔrɛ na e la ewura mbaanaayɔ. Fo e naa ji kuwura hale n ya fo jemanɛ be lalaloge.

Danɛl 4:34

Nɛ ewura Nebukadneeza kaŋɛ le: “Nfɛnshunu na ka choŋ, nɛ ŋ keni esoso nɛ ma nfɛra ba abar so. Ndoŋ nna nɛ n di Enyɛnpetale Ebɔrɛ na epaŋ nseŋ ta kemaŋkura nɛ bunyaŋ n sa emo nɛ e wɔtɔ mbaanaayɔ na. Mo e naa ji kuwura mbaanaayɔ nɛ mbe kuwurji wɔtɔ saŋkama na.

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.