Nshɛ 10:11 - EBƆRƐ BE KAWƆL

¹¹ Le nɛ baa kaŋɛ bumo be amu: “Ebɔrɛ be shɛŋ maŋ wɔtɔ. E buu mbe anishi so nna. E maa wu anyi.”

Nshɛ 10:11 ပူးပေါင်းရင်းမြစ်များ

Nshɛ 10:6

Le nɛ baa kaŋɛ bumo be ŋgbene to: “Shɛŋ shɛŋ maaŋ tiŋ n wora anyi. Anyi be ŋgbene beeŋ baa fuli saŋkama. Asheŋ lubi maaŋ tu anyi kikɛ.”

Nshɛ 59:8

Ama fo Enyɛnpe Ebɔrɛ na bre bee mushe bumo nna, nsaa wora efuliana na eyurto.

Nshɛ 64:5

Baa leŋ abar to nna a wɔtɔ alubi be kewora to, nsaa malga kananɛ baaŋ sho bumo be ajigbelɛ ŋ ŋana, nsaa kaŋɛ fanɛ esa kikɛ maaŋ wu bumo.

Nshɛ 64:6

Baa kre asheŋ nɛ a maŋ niŋi be kewora nna, a kaŋɛ fanɛ kusɔ nɛ b kre na walɛ ga. Kashenteŋto dimɛdi be kagbene nɛ mbe nfɛra lubi ga.

Nshɛ 73:11

Le nɛ baa kaŋɛ: “Enyɛnpetale Ebɔrɛ na maaŋ tiŋ m pin kusɔ kikɛ!”

Nshɛ 94:7

Kumo be kaman nɛ b kaŋɛ le: “Enyɛnpe Ebɔrɛ na maa wu anyi. Jeekɔb be Ebɔrɛ na be shɛŋ maŋ wɔ anyi to.”

Kaŋinichiŋgeliŋ 8:11

Kulubi be kasogberge baa maa ba manaŋ manaŋ, k bee shin nɛ basa be ŋgbene bee laŋɛ kulubi be kewora so nna.

Ezikɛl 8:12

Ndoŋ nna nɛ Ebɔrɛ kaŋɛ ma le: “Dimɛdi pibi, fo wu kusɔ nɛ Israɛl be benimuana ere bee wora ashiri to nna na, ŋko? Bumo be ekama yil mbe kegbir ase nna na. B yɛ: ‘Enyɛnpe Ebɔrɛ na maa wu anyi. Mo alɛ naŋ lar efuli na kaman nna.’ ”

Ezikɛl 9:9

Nɛ Ebɔrɛ kaŋɛ ma le: “Israɛl nɛ Juda be basa be kulubi na shi m baŋ so. Basa be kemɔ e sɔ kasawule na kikɛ so nɛ ekishisheŋ malɛ sɔ Jerusalɛm be kade to kikɛ. Baa kaŋɛ nna fanɛ, ma, Enyɛnpe Ebɔrɛ na kplaŋ efuli na so nna; ma alɛ maa wu asheŋ nɛ baa wora na.

Hoziya 7:2

B maŋ nyi fanɛ meeŋ nyiŋi bumo be alubi nɛ baa wora na. Ma alɛ bee wu alubi nɛ a kulti bumo n wɔtɔ na kikɛ.

Maak 2:6

Nɛ mbraŋinipoana ko nɛ b daa tase ndoŋ na fɛ bumo be ŋgbene to ŋ kaŋɛ:

Luuk 7:39

Farisinyɛn nɛ e daŋ tre Yesu fanɛ e ba ji ajibi na ka wu loŋ nɛ e kaŋɛ mbe kumu: “Nɛ kanyɛn ere baa la anebi gbagba nna, e beeŋ pin esa nɛ e la kache nɛ e bee beta mo ere, e beeŋ pin kebaawɔtɔ lubi nɛ e wɔ to.”