Nshɛ 1:6 - EBƆRƐ BE KAWƆL

⁶ Enyɛnpe Ebɔrɛ na e naa kuŋ loŋ be basa nsaa ŋini bumo ekpa. Ama alubiworapoana bre be ekpa kɔ bumo nna a yɔ kemur to.

Nshɛ 1:6 ပူးပေါင်းရင်းမြစ်များ

Job be kawɔl 23:10

Ama Ebɔrɛ bre nyi kusɔ kama nɛ mee wora, mo alɛ baŋ wora ma ŋ keni, e beeŋ wu ma fanɛ shuwa nɛ eyurpi maŋ wɔ kumo to.

Nshɛ 112:10

Basa lubi baŋ wu basa nɛ b kɔ le be kebaawɔtɔ ere, baa nya agbo nna a we anyi to yurkishi so nseŋ foe eyur to. B maaŋ nya bumo be kepar kikɛ.

Nshɛ 142:3

M baa pɔ aba kiyoyu to, mo e naa ŋini ma kusɔ nɛ k daga fanɛ n wora. Bedoŋ ŋana n sho ma kejigbelɛ ashi ekpa nɛ mee nite so nna.

Nshɛ 142:4

M baŋ keni ŋ kulti, mee wu fanɛ esa kikɛ maŋ wɔtɔ nɛ e chɛ ma to, esa kikɛ maŋ wɔtɔ nɛ e kuŋ ma. Ma asheŋ malɛ maŋ tir esa kikɛ.

Nshɛ 146:9

Enyɛnpe Ebɔrɛ na e naa keni befɔ so, nsaa ji a chɛ amunibi nɛ bekulpoche to; ama kumukpakpasowuraana bre, e bee mur bumo nna.

Nshɛ 9:6

Ama doŋana mur cheche. Fo jija bumo be ndeana kikɛ, nɛ esa kikɛ maaŋ naŋ nyiŋi bumo hale mbaanaayɔ.

Aŋasa 14:12

Kebaawɔtɔ ko bee kaa duli kebaawɔtɔ lela nna, ama kumo be lalaloge bee yɛr esa luwu to nna.

Aŋasa 15:9

Enyɛnpe Ebɔrɛ kishi belubiworapo be asheŋ wora so ga, ama e bee sha basa nɛ baa wora asheŋ lela bre ga.

Nahum 1:7

Enyɛnpe Ebɔrɛ na walɛ; mo e naa kuŋ mbe basa tɔrɔ to, nsaa keni bekama nɛ b yirda mo so.

Matiu 7:13

Men bɔla kabunabi na to n luri. Ŋkpal manɛ so, ekpa nɛ k bee yɔ kemur be kakpa na kpalga to nna nɛ kumo be kabuna gba kpalga to. Nɛ basa nɛ baa bɔla kumo so a luri na malɛ shi.

Baru lela nɛ Jɔn kute na 10:14

Ma e la mbolpɔkpapo lela na, n nyi ma mbolpɔ nɛ ma mbolpɔ malɛ gba nyi ma,

Baru lela nɛ Jɔn kute na 10:27

Ma mbolpɔ bee nu ma ebɔl nɛ n nyi bumo nɛ baa bɛ ma so.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

2 Pita 2:12

Ama loŋ be basa ere bee malga a gbiti asheŋ nɛ b maa pin to nna. B du fanɛ asɔbɔya nna a maŋ kɔ nfɛra a wora asheŋ. B kurge bumo nna nɛ b baa pɛ nsaa jija bumo. To, loŋ nɛ beŋinipoana na gba beeŋ mur fanɛ asɔbɔya na.

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.