Nfabel 5:5 - EBƆRƐ BE KAWƆL

⁵ Basa nɛ baa ju anyi na baa ji anyi ayabi nna, an gben ama anyi alɛ maaŋ tiŋ n yili n wushi.

Nfabel 5:5 ပူးပေါင်းရင်းမြစ်များ

Jɛremaya 27:2

n chaŋɛ nwɔl be awulbi ŋ kre ndibi n lɔŋɛ kubɔ to be kebarga nseŋ ta kumo n di kubɔ to fanɛ kananɛ baa ta kumo a deŋi ana dɔso so na.

Jɛremaya 27:8

Kubɔ to be kebarga nɛ Jɛremaya ta n deŋi mbe kubɔ so na yili n sa eleŋgboŋ nɛ ewura Nebukadneeza kɔ na nna. Amoso efuli kama ŋko kuwurgboŋ kama so be basa kaŋ kini keshuli fanɛ e ji bumo so kuwura, meeŋ ta kena ŋko akoŋgboŋ ŋko alɔ ŋ gberge loŋ be efuli na so be basa kusoe n ya fo saŋɛ nɛ ewura Nebukadneeza ka beeŋ mur bumo cheche.

Jɛremaya 28:14

Enyɛnpetale, Israɛl be Ebɔrɛ, na kaŋɛ fanɛ e beeŋ ta kebɛlso be kubɔ to be kebarga n wɔtɔ efuliana ere kikɛ be basa be abɔ to nɛ b baa shuŋ Babilɔn be ewura Nebukadneeza. E yɛ, e beeŋ shin nɛ ewura Nebukadneeza e ji eleŋ kupuŋ to be asɔbɔya gba so.”

Jɛremaya 51:58

Babilɔn be kadegboŋ na be egbal danto na beeŋ bure n tɔr kasawule, nɛ kumo be mbunagboŋana na e ji edɛ. Kusɔ kama nɛ efuli na so be basa shuŋ ŋ gben n nya kikɛ beeŋ ji edɛ m mur. Ma, Enyɛnpe Ebɔrɛ e kaŋɛ na.

Nfabel 1:14

Kewora fanɛ Enyɛnpe Ebɔrɛ na gama anyi be alubi kikɛ n chɛ n shiga anyi be abɔ so nna nɛ amo be egbɛ shin nɛ anyi be eleŋ kikɛ lar anyi to. E ta anyi m bɔɔ an doŋana nɛ b chɔ anyi eleŋ ga enɔ nna, nɛ anyi maŋ kɔ shɛŋ nɛ an wora bumo be anishito.

Nfabel 1:3

Juda be efuli so be basa ki anya nna, a ji awurfoŋ ashi efuli pɔtɛana so. Efuli pɔtɛana so nɛ b wɔ a maa kɔ kakpa nɛ baaŋ tre bumo gbagba pe. Bedoŋ e kulti bumo n wɔtɔ, nɛ ekpa maŋ wɔtɔ nɛ b bɔla so m mɔlga bumo be amu.

Nfabel 4:19

An doŋana na daa du fanɛ kusore ka bee fuu kusɔ na nna. B daa ju a buu anyi so kaplɛkama nna a fin anyi nɛ b pɛ. Abee so nɛ b daa kuŋ anyi a pɛ, ŋko pugi keshishɛrsawule so a jo anyi nɛ an ba purgi bumo nɛ b pɛ.

Maika 2:3

Amoso kusɔ nɛ Enyɛnpe Ebɔrɛ na kaŋɛ nde: “Mee kre keshin nɛ tɔrɔgboŋgboŋi e ba menyi so nna. Menyi alɛ maaŋ tiŋ ŋ gelge kumo n nya menyi be kumu n ji kikɛ. Menyeeŋ luri etɔrɔ to, saŋɛ na so menyi maaŋ naa nite a wu menyi be amu.

Matiu 11:29

Men be ekama e ta ma kubɔ to be kebarga n dii nɛ ma nɛ mo e baa na, saŋɛ na so e beeŋ koya kebaawɔtɔ ashi ma kutɔ, ŋkpal manɛ so, n du boeŋ nna a bar ma kumu kaseto. Ekama nɛ e baŋ wora loŋ, e beeŋ nya ewushi.

Ashuŋ Shunso 15:10

Nɛ manɛ e ba nɛ menyee ta le be kesheŋ kpakpaso nɛ an nanaana maŋ tiŋ ŋko an gbagba maaŋ tiŋ n wora a deŋi beyirdapo ere so nɛ men wora Ebɔrɛ ŋ keni?

Ditɛronɔmi 28:48

e beeŋ shuŋi bedoŋ menyi kutɔ nɛ men shuŋ bumo nɛ ketir e pɛ menyi nɛ men maaŋ nya ajibi n ji ŋko nchu n nuu ŋko asɔbuuso gba m buu. Men doŋana na beeŋ kɔrfɛ menyi hale n ya mur menyi.