Nfabel 5:21 - EBƆRƐ BE KAWƆL

²¹ O Enyɛnpe Ebɔrɛ, naŋ bɛta anyi m ba fo kutɔ! Nseŋ naŋ shin nɛ an nya anyi be kebaawɔtɔ lela dra na!

Nfabel 5:21 ပူးပေါင်းရင်းမြစ်များ

1 Bewura 18:37

Enyɛnpe, nu ma kekule, saŋɛ na so basa ere beeŋ pin fanɛ fo Enyɛnpe na e la ma Ebɔrɛ, saŋɛ na so baaŋ kilgi bumo be ŋgbene m bɛ fo so.”

Nshɛ 80:19

O Enyɛnpetale Ewurbɔrɛ, naŋ bɛta anyi m ba fo kutɔ! Mushe n wɔtɔ anyi n shin nɛ an nya kumɔlga.

Nshɛ 80:3

O Ebɔrɛ, naŋ shin nɛ an nya eleŋ! Mushe n wɔtɔ anyi nseŋ mɔlga anyi.

Nshɛ 80:7

O Enyɛnpetale Ebɔrɛ, naŋ mushe n wɔtɔ anyi, nɛ an naŋ nya kumɔlga.

Nshɛ 85:4

O Ebɔrɛ nɛ fo la anyi be emɔlgapo, naŋ bɛta anyi m ba fo kutɔ, nsaa maŋ nya agbo n wɔtɔ anyi!

Aizaaya 60:20

Epeŋi nɛ kufɔl kikɛ maaŋ naŋ tɔr ashi Jerusalɛm to. Ma, Enyɛnpe Ebɔrɛ na e naaŋ baa la kumo be kefulto mbaanaayɔ; saŋɛ na so menyi be kebɔltofinfin na kikɛ beeŋ fo ekar.

Jɛremaya 30:20

Ma alɛ beeŋ naŋ shin nɛ efuli na e nya kumo be eleŋgboŋ dra nɛ k daa kɔ na nseŋ yili to kpakpa. Meeŋ gberge bekama nɛ b daŋ kɔrfɛ bumo na kusoe.

Jɛremaya 31:18

N nu Israɛl be basa na ka bee shu a kaŋɛ le: ‘An daa du fanɛ asɔbɔya yenso nna, ama fo bela anyi nɛ anyee wora fo kasonu. Naŋ bɛta anyi m ba fo kutɔ, ŋkpal manɛ so, an wora shiriya naniere nɛ an bɛta m ba fo Enyɛnpe anyi be Ebɔrɛ na kutɔ nna.

Jɛremaya 31:4

Ŋ kraa beeŋ lɔŋɛ menyi be efuli na m pɔr. Menyi alɛ kraa beeŋ ta menyi be echakachaka m boŋ nshɛ n cha kagbenefuliso

Jɛremaya 33:10

Kede be kaman nɛ Enyɛnpe Ebɔrɛ na naŋ kaŋɛ le: “Jɛremaya, fee kaŋɛ fanɛ kakpa ere ki fanɛ keshishɛrsawule nna nɛ edimɛdi ŋko asɔbɔya maŋ naa wɔ kumo so. Kashenteŋ nɛ fo ji naniere. Juda be ndeana nɛ Jerusalɛm be agbembi dese fuloŋ nna nɛ edimɛdi ŋko asɔbɔya maŋ wɔ amo to. Ama kachako feeŋ naŋ nu

Jɛremaya 33:13

Mbolpɔkpapoana beeŋ naa karga bumo be mbolpɔ ashi nde nɛ a wɔ apreŋsawule so nɛ abeemase nɛ Juda be kelargato be kaseto nɛ Bɛnjamin be yiri be kebonfu to nɛ ndewurbi nɛ a kulti Jerusalɛm be kadegboŋ na nɛ ndeana nɛ a wɔ Juda be efuli so kikɛ to. Ma, Enyɛnpe Ebɔrɛ e kaŋɛ na.”

Ezikɛl 36:37

Ade kikɛ be kaman, nɛ Enyɛnpetale Ebɔrɛ na naŋ kaŋɛ le: “Meeŋ naŋ shin nɛ Israɛlebi na e kule ma kechɛto nɛ n shin nɛ b wora keshi n ti so fanɛ mbolpɔ na.

Habakuk 3:2

O Enyɛnpe Ebɔrɛ, n nu kusɔ nɛ fo wora, nɛ k mɔ ma kɔnɔ nsaa keta ma kufu. Naniere naŋ wora asheŋgboŋ nɛ fo daŋ wora n sa an nanaana na, anyi alɛ gba be jemanɛ ere to. Hale nɛ fo nya agbo gba, fo baa nyiŋi fo kuwɔrwu na.

Malakai 3:4

Nɛ kumo be loŋ e shin nɛ Juda nɛ Jerusalɛm be basa be esarga nɛ b ta a bar Enyɛnpe Ebɔrɛ na e baa par mo fanɛ kananɛ a daa du dra na.