Nfabel 5:13 - EBƆRƐ BE KAWƆL

¹³ B nyaŋ anyi be mbrantiɛfɔlbi nɛ baa kɔr ayu abo so fanɛ anya, nɛ anyi be mbinyɛnsobi malɛ bee sulɔ ndibi gbɛgbɛso a jante.

Nfabel 5:13 ပူးပေါင်းရင်းမြစ်များ

Job be kawɔl 31:10

Ebɔrɛ e shin nɛ enyɛn pɔtɛ e suge ma eche ŋ kutɔ.

Ɛksodɔs 1:11

Ndoŋ nna nɛ Ijiptebi na lara basa fanɛ benyɛnpe nɛ baaŋ baa keni Israɛlebi na so fanɛ anya. Ndoŋ nna nɛ b ta kanyaŋ be kushuŋ a tɔrɔ Israɛlebi na nseŋ shin nɛ b pɔr nde nɛ baa tre Pitɔm nɛ Rameses na n sa ewura Fɛɛro nɛ e baa ta mbe asɔ a yili to ndoŋ.

Ɛksodɔs 11:5

Kaplɛkama malɛ nɛ e yɔ be ewurkoŋ nyɛnso beeŋ wu. Yili ewura Fɛɛro n ya fo kenyache nɛ e bee kɔr ayu be ewurkoŋ nyɛnso beeŋ wu, nɛ asɔbɔya na gba peya e wu.

Ɛksodɔs 2:11

Mosis ka daŋ ŋ ki esa, kachako nɛ e yɔ nɛ e ya bɔɔ mbe basa gbagba so nseŋ wu kananɛ Ijiptebi daa nyaŋ bumo nɛ baa shuŋ ashuŋ kpakpaso. Ndoŋ nɛ e wu Ijipt be esa ko ka bee bri Hibruw be esa ko nɛ e daa la mo ere Mosis be esa gbagba.

Ɛksodɔs 23:5

Nɛ fo ya tu fo doŋ nɛ mbe kurma tɔr nɛ esulɔ deŋ mo so, k daga fanɛ fo chɛ mo to n niŋi kurma na to, sa maŋ kaŋ baŋ mo so n choŋ.

Aizaaya 47:2

Men fara a shuŋ kushuŋ nɛ men maŋ naŋ shuŋ ŋ ku so nseŋ ta kuboo a kɔr ayu! Men deŋi men be eshata na n nase nseŋ gbaŋ menyi be asɔbuuso lela na n lɛ! Nɛ menyee sha kenite nchu to n dii kabombi, men koli ewajɛ nɛ men dela na nɛ men be abembi e dese, pɔɛŋ nɛ men nya n nite nchu na to n choŋ.

Aizaaya 58:6

Ekishi nɛ k bee par ma a ŋini menyee ka bee shuŋ ma kashenteŋto e la men ka beeŋ lara kanyaŋ nɛ kebaakɔrfɛ basa nɛ b maŋ wora shɛŋ nsaa wɔ kabuti to na nseŋ shin nɛ ekama e nya a wora asheŋ yila yila so.

Jɛremaya 7:18

Mbia bee kil ndibi nna nɛ benyɛn bee puga edɛ nɛ beche malɛ bee ta nyifu a to mansaŋ nɛ ekpakulo a sa kegbirche nɛ baa tre Ebɔrɛso be Ewurche na. Bumo alɛ naa ta nsa nna a to nchu a sa agbirana a shin nɛ ma kagbene bee kaa.

Matiu 23:4

Baa kre esulɔ gbɛgbɛso nna a sa basa fanɛ b sulɔ, ama bumo alɛ gbagba maaŋ shuli n ta keshilbi koŋwule gba ŋ gbuŋgbuŋ amo to.

Demujipoana 16:21

Ndoŋ nna nɛ Filisti be basa na ba pɛ mo nseŋ lute mbe anishi. Kumo be kaman nɛ b ta mo n yɔ Gaaza nseŋ ya ta danyaŋ be ŋgbɛlɛbi ŋ kre mo nseŋ shin nɛ e bee ŋin kuboo jembu a kɔr asɔ ashi kabuti to.