Nfabel 5:1 - EBƆRƐ BE KAWƆL

¹ Ndoŋ nna nɛ Jerusalɛm to be basa kule Ebɔrɛ ŋ kaŋɛ: “O Enyɛnpe Ebɔrɛ, nyiŋi kusɔ nɛ k wora anyi ere. To kenishi ŋ keni ŋaba nɛ an wɔ kumo to.

Nfabel 5:1 ပူးပေါင်းရင်းမြစ်များ

Nehemaya 1:3

Nɛ b kaŋɛ ma fanɛ basa nɛ b bɛta n yɔ Jerusalɛm na wɔ tɔrɔ nɛ awurfoŋ to nna. B yɛ Jerusalɛm be egbal na bure n tɔr nɛ kumo be mbunagboŋana na malɛ gba ji edɛ.

Nehemaya 1:8

Jande nyiŋi kusɔ nɛ fo kaŋɛ fo kayɛrbi Mosis na, fanɛ nɛ anyi Israɛlebi maŋ ji kashenteŋ n sa fo, kumo ere feeŋ pesaŋ anyi to n yɔ efuli pɔtɛana ko so.

Nehemaya 4:4

Ama n daŋ kule Ebɔrɛ nna ŋ kaŋɛ: “O Ebɔrɛ, basa ere kishi anyi nna nsaa sha fanɛ asheŋ lubi e tu anyi. Jande nu anyi be kekule nseŋ shin nɛ bumo be katege na e laŋɛ bumo be amu so! Shin nɛ b baa la basa nɛ bumo doŋana beeŋ pɛ bumo kena to ŋ gberge bumo n yɔ kabuti to.

Job be kawɔl 10:9

Baa nyiŋi fanɛ fo e pɔr ma fanɛ kananɛ baa ta ebɔ a pɔr asɔ na. Amoso sa maŋ naŋ kilgi ma eshishɛr a!

Job be kawɔl 7:7

Ebɔrɛ, mee kule fo nna; sa maŋ teŋ ma so! Ma ŋkpa baa du fanɛ afu nna, ma kagbenefuli teŋ fo ekar.

Nshɛ 119:153

Keni awurfoŋ nɛ mee ji so nseŋ mɔlga ma, ŋkpal manɛ so, m maŋ teŋ fo mbraana so.

Nshɛ 74:18

Enyɛnpe Ebɔrɛ, baa nyiŋi kananɛ fo doŋana wora fo eyurto a mushe fo na, nɛ kananɛ bewulpo keni fo ketre jiga na.

Nshɛ 79:12

O Enyɛnpe Ebɔrɛ, fo e naaŋ ka efuli pɔtɛana nɛ a kulti anyi ere kukɔ ale shunu so; ŋkpal b ka tege fo na so.

Nshɛ 79:4

Efuliana nɛ a kulti anyi na be basa bee mushe nsaa wora anyi eyurto nna.

Aizaaya 62:6

Jerusalɛm, n shin nɛ basa yil fo egbalana so e keni ekpa to. Kapa nɛ kanyɛ kikɛ, a maŋ daga b lo bumo be nnɔ kikɛ. A daga fanɛ b baa shin nɛ Enyɛnpe Ebɔrɛ e baa nyiŋi mbe nnɔ naseso na be asheŋ, nɛ e sa maŋ teŋ amo so kikɛ.

Jɛremaya 15:15

Ndoŋ nna nɛ ŋ kaŋɛ le: “Naniere Enyɛnpe Ebɔrɛ, fo pin kebaawɔtɔ nɛ n wɔ kumo to nna na. Nyiŋi ma asheŋ nseŋ chɛ ma to. Shin nɛ n tiŋ n wora n tal basa nɛ baa kɔrfɛ ma na to. Sa maŋ ji bumo kanyiti n shin nɛ b nya ma m mɔ. Baa nyiŋi fanɛ fo so nɛ baa tege ma.

Jɛremaya 51:51

Anishinyɔr nɛ nyɔmɔ kɔ menyi nna ŋkpal befɔ ka luri ma bɔrɛlambu be mboŋ cheembi to so ashi Jerusalɛm.

Nfabel 1:11

Jerusalɛm be basa na kikɛ daa fubel nna, jemanɛ nɛ b daa fin kusɔ jiso nɛ b ji na. B daa ta bumo be asɔ lela a chɛr ajibi nɛ baaŋ ji nseŋ nya ŋkpa nna. Le nɛ b daa kaŋɛ: “Enyɛnpe Ebɔrɛ, keni awurfoŋ nɛ anyee ji.”

Nfabel 1:20

O Enyɛnpe Ebɔrɛ, keni awurfoŋ nɛ ebesa damta nɛ anyee ji ere! Anyi be ŋgbene jija anyi nna ga ŋkpal anyi be alubi so. Basa be kamɔ e sɔ agbembi so, nɛ anyi be elaŋana gba to.

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Nfabel 2:15

Basa nɛ b bɔla kadegboŋ na ase a choŋ bee fɛl menyi nna. Baa keni Jerusalɛm be alambure na nna nsaa fifi amu a mushe. Kumo be kaman nɛ b bishi le: “Kadegboŋ lela na nde a? Kadegboŋ nɛ durnya kikɛ daa puchi so na nde a?”

Nfabel 2:20

O Enyɛnpe Ebɔrɛ, keni anyi a! Manɛ nna nɛ fee gberge anyi kusoe loŋ? A maŋ daga fanɛ bibinioana e baa daŋɛ bumo be mbi shaso a we! Ŋko nɛ basa e baa mɔ bɔrɛmatapoana nɛ anebiana na fo bɔrɛlambu gbagba to loŋ!

Nfabel 3:19

M baa fɛ etɔrɔ damta nɛ e bee tu ma nɛ ma kenawule be kebaanite cham cham a choŋ na be asheŋ, k bee sa ma kagbenejija damta ga nna.

Nfabel 3:50

n ya fo fanɛ Enyɛnpe Ebɔrɛ na ka beeŋ shi ebɔrɛso n to kenishi ŋ keni n wu anyi nseŋ chɛ anyi to.

Nfabel 3:61

“O Enyɛnpe Ebɔrɛ, fo nu katege nɛ baa tege ma; fo alɛ naa nyi bumo be ŋkre lubi kikɛ.

Habakuk 3:2

O Enyɛnpe Ebɔrɛ, n nu kusɔ nɛ fo wora, nɛ k mɔ ma kɔnɔ nsaa keta ma kufu. Naniere naŋ wora asheŋgboŋ nɛ fo daŋ wora n sa an nanaana na, anyi alɛ gba be jemanɛ ere to. Hale nɛ fo nya agbo gba, fo baa nyiŋi fo kuwɔrwu na.

Luuk 23:42

E ka kaŋɛ loŋ nɛ e kilgi ŋ kaŋɛ Yesu le: “Yesu, fo kaŋ luri fo kuwura na to, fo nyiŋi ma.”