Nfabel 4:22 - EBƆRƐ BE KAWƆL

²² Zayɔn be kadegboŋ na to be basa bre teŋ ka bumo be alubi be kukɔ nna na. Enyɛnpe Ebɔrɛ na maaŋ naŋ shin nɛ an baa wɔ kenyaya to ashi efuli pɔtɛ wɔfɔ so. E beeŋ shin nɛ an bɛta m ba epe. Ama menyi Edɔm be efuli so be basa bre, e beeŋ gberge menyi kusoe nseŋ shin nɛ menyi be asheŋ lubi e dii efuli nɛ ekama e pin amo.

Nfabel 4:22 ပူးပေါင်းရင်းမြစ်များ

Nshɛ 137:7

O Enyɛnpe Ebɔrɛ, nyiŋi kusɔ nɛ Edɔmebi na wora kachɛ nɛ Jerusalɛmebi kɔ n tɔr na. B yɛ: ‘Men bure kadegboŋ na! Men mur kumo kikɛ kuraa!’

Aizaaya 40:2

Meeŋ leŋ Jerusalɛm be basa to. Kaŋɛ bumo fanɛ b ji awurfoŋ n chɛr ga. Naniere b nya bumo be alubi be ketampaŋ. N tiŋ ŋ gberge bumo kusoe ga ŋkpal bumo be alubi so.”

Aizaaya 52:1

Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Aizaaya 60:18

Esa maaŋ naŋ nu nlu kikɛ be asheŋ efuli na so. Menyi be efuli na malɛ maaŋ naŋ mur kikɛ. Meeŋ baa kuŋ menyi ekpa kama so fanɛ egbal na. Saŋɛ na so menyi be basa beeŋ baa kpaŋ ma ŋkpal ŋ ka mɔlga bumo so.

Jɛremaya 32:40

Ma nɛ bumo malɛ beeŋ wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Ma alɛ maaŋ yige kebaawora asheŋ lela a sa bumo nseŋ shin nɛ b baa ŋana ma ashi bumo be ŋgbene to, a maaŋ naaŋ shile ma.

Jɛremaya 33:7

Meeŋ naŋ ta kasawule ere n sa Juda nɛ Israɛl be kuwurgboŋ nɛ k wɔ kelargato be esoso be kaba so na nseŋ shin nɛ b naŋ nya eleŋ nɛ b daa kɔ na.

Jɛremaya 33:8

B daŋ wora alubi n da ma so nseŋ kini ma n lar ma kaman, ama ma alɛ beeŋ ta bumo be alubi nɛ bumo be kekini ma na m paŋ bumo.

Jɛremaya 49:10

Ama ma ere beeŋ ta kusɔ kama nɛ k la menyi Isɔɔ be kaman to ebi peya nseŋ bugi menyi so n lɛ ashi kakpa nɛ menyeeŋ ŋana, saŋɛ na so menyi maaŋ naŋ tiŋ n ta menyi be amu ŋ ŋana. Edɔm be efuli so be basa kikɛ beeŋ mur nɛ ekoŋwule gba maaŋ ka.

Jɛremaya 50:20

Loŋ be jemanɛ na kaŋ fo, kulubi kikɛ maaŋ naa wɔ Israɛl be efuli so, nɛ kumu kpakpaso kikɛ malɛ maaŋ naa wɔ Juda be efuli so. Ŋkpal manɛ so, meeŋ ta basa nɛ n yige bumo nɛ b ji efute na be alubi m paŋ bumo. Ma, Enyɛnpe Ebɔrɛ e kaŋɛ na.”

Nfabel 4:21

Menyi Edɔm be efuli so, nɛ Uz be kasawule so be basa, menyi be ŋgbene fuli menyi nna nɛ menyee mushe. Menyeeŋ ji jɛrbi nseŋ ji awurfoŋ ga. Menyeeŋ nite kesaria a jante fanɛ men ka boo nsa na.

Nfabel 4:6

Ma basa be kasogberge chɔ basa nɛ b daa wɔ kadegboŋ nɛ baa tre Sodɔm, nɛ Ebɔrɛ daŋ mur kumo epul to dra dra na peya.

Ezikɛl 37:28

Jemanɛ nɛ meeŋ yili ma bɔrɛlambu bumo to mbaanaayɔ na, nɛ efuliana na beeŋ pin fanɛ ma Enyɛnpe Ebɔrɛ na e lara Israɛlebi na ŋ ki ma basa.”

Ezikɛl 6:12

Alɔ beeŋ mɔ bumo nɛ b wɔ kufɔ kufɔ nɛ bumo nɛ b taga to malɛ e wu kena to nɛ bumo nɛ baaŋ nya bumo be amu n ji efute malɛ e wu ŋkpal akoŋ so. Kananɛ ma agbogboŋ beeŋ gbelge bumo so nna na.

Obadaya 1:10

Ŋkpal menyi Edɔmebi ka diewu n ta kumu kpakpaso n shuŋ men kurgepoana Jeekɔb be kanaŋ to ebi kushuŋ lubi na so, anishinyɔr beeŋ ba menyi so. Menyi alɛ beeŋ mur kuraa.

Malakai 1:3

nsaa maa sha Isɔɔ nɛ mbe kaman to ebi malɛ be asheŋ nseŋ mur bumo be abee so be efuli na nɛ k ki ejiŋkaamu pe.”

Malakai 1:4

Hale nɛ Isɔɔ be kaman to ebi nɛ b la Edɔm be efuli so ebi na kaŋɛ le gba: “Anyi be nde kikɛ mur, ama anyi alɛ beeŋ naŋ lɔŋɛ m pɔr amo.” Ma Enyɛnpe Ebɔrɛ na malɛ beeŋ kaŋɛ bumo le: “Nɛ men lɔŋɛ m pɔr amo gba meeŋ naŋ bure amo nɛ basa e baa tre ndoŋ ‘Belubiworapoana be efuli nɛ Enyɛnpe Ebɔrɛ be agbo wɔ kumo so mbaanaayɔ.’ ”