Nfabel 4:18 - EBƆRƐ BE KAWƆL

¹⁸ Bedoŋ daa fin anyi nɛ b mɔ ashi kegbembi kama so nna. Amoso an daa maŋ naa tiŋ a nite agbembi so. Anyi be kemur be jemanɛ fo, anyi be nchɛ fo ekar nna na.

Nfabel 4:18 ပူးပေါင်းရင်းမြစ်များ

Job be kawɔl 10:16

Kanaŋ kama nɛ m pere kenishi n wora asheŋ gba, fo kraa pete ma nna fanɛ kananɛ ekpampo bee pete buluŋ na, saŋɛ na so feeŋ ŋini ma fo mamachi be yuku na.

Nshɛ 140:11

Sa maŋ shin nɛ basa nɛ baa ku asheŋ a deŋi beko e nya kusɔ nɛ baa sha kasawule ere so kikɛ. Shin nɛ asheŋ lubi e ba basa nyaŋnyaŋso so m mur bumo cheche.

Jɛremaya 1:12

Ndoŋ nna nɛ Enyɛnpe Ebɔrɛ na kaŋɛ: “Kashenteŋ nɛ fo ji, ŋkpal manɛ so, mee keni ma mmalga ekpa nna nɛ e wora m bɔlɔ so kashenteŋto.”

Jɛremaya 16:16

Kumo be kaman nɛ Enyɛnpe Ebɔrɛ na kaŋɛ le: “Mee shuŋi bedoŋ nna nɛ b ba pɛ menyi fanɛ ekɔrɔtɔ nseŋ naŋ mɔ menyi fanɛ bekpampo ka mɔ kupuŋ to be asɔbɔya ashi abeegboŋ nɛ abeebi so nɛ abeelaŋ to na.

Jɛremaya 37:13

Ama jemanɛ nɛ n ya fo Bɛnjamin be Kabunagboŋ na ase na, nɛ kanyɛn nɛ baa tre Irija nɛ e la Shelemaya pibinyɛn nsaa keni esoji nɛ b daa keni kabunagboŋ na so na pɛ ma nseŋ kuŋ ma ekpa. Kumo be kaman nɛ e kaŋɛ ma le: “Fee sha keshile n ya ti Babilɔnebi na so nna na!”

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Jɛremaya 51:33

K maaŋ chɛr nɛ bedoŋ na e pɔɔ bumo so nseŋ chichi bumo so m mata kasawule fanɛ kananɛ baa beri ayu kugooro so na. Ma, Enyɛnpetale, Israɛl be Ebɔrɛ na e kaŋɛ na.”

Nfabel 3:52

N doŋana nɛ b kishi ma nɛ m maŋ wora shɛŋ na daŋ fe abulbi nna m pɛ ma fanɛ kabuibi na.

Ezikɛl 12:27

“Dimɛdi pibi, Israɛl be basa na bee fɛ nna fanɛ, fo ebɔrɛdare na nɛ kewuŋkaŋɛ na la echefoso be asheŋ nna.

Eemɔs 8:2

nɛ e bishi ma le: “Eemɔs manɛ nɛ fo wu?” Nɛ n yɛ: “Asɔrso belso kelantaŋɛ be bɔlɔ nɛ n wu.” Nɛ Enyɛnpe Ebɔrɛ naŋ kaŋɛ ma le: “Kananɛ asɔrso ere bel ere aloŋ nɛ ma basa Israɛlebi be ekar fo. M maaŋ ta bumo be alubi m paŋ bumo kikɛ.”

1 Samuɛl 24:14

Wanɛ e la ma alɛ, kujɔnɔmu fuloŋ nɛ kejaŋjaŋkɔrso, nɛ Israɛl be ewura ju a buu ma so a fin ma nɛ e mɔ le ere?