Nfabel 4:17 - EBƆRƐ BE KAWƆL

¹⁷ Ade kikɛ be kaman, an daa keni a fin kechɛto ashi efuli pɔtɛ ko kutɔ, ama anyi be tama ki fuloŋ; ŋkpal manɛ so, efuli na maŋ tiŋ n chɛ to m mɔlga anyi.

Nfabel 4:17 ပူးပေါင်းရင်းမြစ်များ

2 Bewura 24:7

Babilɔn be ewura daŋ kɔ m pɔɔ Ijipt be ewura Neeko so nna nseŋ sɔ kasawule nɛ k yili Yufreetes be lɔrgboŋ na n ya fo Ijipt be kelargato to be esoso be kaba so na nna, amoso Ijipt be ewura nɛ mbe benapo daa maŋ naŋ lar Ijipt n ya kɔ Juda kena kikɛ.

Aizaaya 20:5

Ndoŋ nna nɛ bekama nɛ b ta bumo be yirda n deŋi Itiopia so nseŋ daa puchi Ijipt so na be nfɛra mel to nɛ b pɔ aba.

Aizaaya 28:18

Menyi nɛ luwu be kɔnɔ nɛ men wora na nɛ kananɛ menyi nɛ basa nɛ b wu n yɔ bubuni to be nnɔ wora kukoŋwule na beeŋ ba ekar. Kumo be kaman nɛ jɛrbi e ba menyi so fanɛ nchu ka bɔlɔ n sulɔ menyi n yɔ na.

Jɛremaya 2:18

Men ka daŋ yɔ Ijipt nɛ Asiriya be efuliana so n ya nuu elɔrgboŋ nɛ baa tre Nail nɛ Yufreetes be nchu na, manɛ nɛ men daa fɛ fanɛ menyeeŋ nya ashi efuliana na so?

Jɛremaya 2:36

Men paŋ anishinyɔr nseŋ ya kaa shuŋ efuli pɔtɛana so be agbirana. Kananɛ Asiriya be efuli so be agbirana maŋ tiŋ n chɛ menyi to na, aloŋ nɛ Ijipt be efuli be agbirana gba maaŋ tiŋ n chɛ menyi to.

Jɛremaya 2:37

Menyeeŋ ji anishinyɔr nseŋ ta menyi be enɔana n deŋi amu so n shu n lar Ijipt be efuli so fanɛ basa nɛ b kɔ kena n tɔr na. Ŋkpal manɛ so, ma Enyɛnpe Ebɔrɛ na kini basa nɛ men yirda na nna n lɛ. Amoso menyi maaŋ nya kechɛto kikɛ bumo kutɔ.”

Jɛremaya 8:20

Nɛ basa na malɛ fubel ŋ kaŋɛ le: ‘Kasɔteŋi be jemanɛ choŋ, nɛ kechali malɛ gba choŋ, ama Enyɛnpe Ebɔrɛ na maŋ naŋ mɔlga anyi.’ ”

Nfabel 1:19

An kela n tre basa nɛ anyi nɛ bumo kre fanɛ anyeeŋ baa chɛ abar to kena be jemanɛ, ama b kini keba chɛ anyi to. Bɔrɛmatapoana na nɛ bejuŋkparpoana na daŋ fin ajibi nɛ b ji kadegboŋ na to ŋ gben nseŋ wu n dese agbembi so.

Nfabel 1:7

Jerusalɛm be basa bee nyiŋi dra na be kebaawɔtɔ lela nɛ b daa kɔ be asheŋ. Jemanɛ nɛ bumo doŋana ba kɔ m pɔɔ bumo so na, esa kikɛ daa maŋ chɛ bumo to. Ŋkpal b ka kɔ n tɔr so, bumo doŋana daŋ mushe nseŋ wora bumo eyur to nna.

Nfabel 5:6

Ijipt nɛ Asiriya be efuliana so nɛ an ya kaa kule ajibi nɛ anyeeŋ ji nseŋ nya ŋkpa a wɔtɔ.

Ezikɛl 29:16

Israɛl be basa malɛ maaŋ naŋ ta bumo be amu n to Ijiptebi so a fin kechɛto. Kusɔ nɛ k beeŋ tu Ijipt be basa na beeŋ shin nɛ Israɛlebi na e nyiŋi fanɛ kedaa maŋ daga fanɛ b ta bumo be amu n to Ijipt so nseŋ pin fanɛ ma e la Enyɛnpetale Ebɔrɛ na.”