Nfabel 4:14 - EBƆRƐ BE KAWƆL

¹⁴ Kashenteŋto, anebiana na nɛ bɔrɛmatapoana na daa nite kadegboŋ na be agbembi so cham cham fanɛ etanpo nna. Ŋkpal basa nɛ b wu na be luwu be turju ka bɛ bumo so so, esa kikɛ daa maa sha kefirgi n tege bumo to gba kuraa.

Nfabel 4:14 ပူးပေါင်းရင်းမြစ်များ

Aizaaya 1:15

Nɛ menyee maŋ menyi be enɔana so ashi kabɔrɛkule to, m maaŋ gbɛ ŋ keni menyi gba. Kanaŋkama nɛ men kule ma gba, m maaŋ nu n sa menyi, ŋkpal manɛ so, men la bemɔpo nna nɛ ŋklaŋ gbiti menyi be enɔana.

Aizaaya 56:10

E yɛ: “Bejuŋkparpo nɛ b daga kekpele ma basa kusoe na kikɛ tan nna! B maŋ nyi shɛŋ. B du fanɛ njɔnɔ nɛ b maa gbu nna. Bumo peya e la kebaadese a di a ku edare. Baa sha edi nna ga!

Jɛremaya 2:34

Men mɔ basa nɛ b maŋ wora shɛŋ kikɛ nɛ k wora fanɛ bumo be ŋklaŋ ka gbiti menyi be asɔbuuso. Ama amo nɛ amo kikɛ

Jɛremaya 26:8

Ŋ ka baŋ malga asɔ nɛ Enyɛnpe Ebɔrɛ na kaŋɛ ma kenishipereso fanɛ m malga na n loge, nɛ basa na ba kulti ma n wɔtɔ nseŋ pɛ ma to a ponte to a kaŋɛ le: “Fo daga luwu nna ŋkpal kusɔ nɛ fo kaŋɛ ere so!

Ezikɛl 23:45

Ama kachako benyɛn lela na beeŋ ji beche anyɔ ere demu ŋ kaŋɛ fanɛ b wora n jija nseŋ daga kubojuaji nɛ basa be kemɔ be kasogberge, ŋkpal manɛ so, b ji kubojua nɛ ŋklaŋ malɛ gbiti bumo be enɔana.”

Hoziya 4:2

Baa nase nnɔ nna nsaa maa bɛ amo so. B wɔtɔ nna a ku efɛ, a mɔ basa, nsaa yuri nseŋ naa ji kesakalea. Bumo be asheŋ lubi malɛ baa ti so nna nɛ b wɔtɔ a mɔ abar saŋkama.

Zefanaiya 1:17

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Meeŋ ta kafɔŋ damta n lɛ enyiŋgbasa so nɛ b baa nite a laa a laa fanɛ etanpo na. B wora alubi n da ma so, naniere bumo be ŋklaŋ beeŋ wurge fanɛ nchu na nɛ bumo be kebuni e dese kasawule m bɛ.”

Nɔmbɛs 19:16

Ekama nɛ e beta esa nɛ b mɔ kowushina ŋko esa nɛ e wu kowushina be kebuni, ŋko dimɛdi be kuwibi ŋko nchaŋ gba wora eyurpi daŋkare be ekpa so nchɛnshunu.

Nɔmbɛs 35:33

Nɛ men baŋ wora loŋ, kumo ere menyeeŋ jija kasawule nɛ men chena so ere. Ŋkpal manɛ so ŋklaŋ be kewurge bee jija kasawule nna. Esa nɛ e shin nɛ ŋklaŋ wurge malɛ be ŋklaŋ e naaŋ tiŋ n shin nɛ kasawule nɛ kejija e naŋ nyalɛ.

Matiu 15:14

Men kplaŋ bumo so. B la betanpo nna a juŋkpar betanpo. Nɛ tanpo malɛ keta mo barkasa tanpo kekpabi, bumo benyɔ na kikɛ beeŋ tɔr kemaŋ to.”

Ɛfesesebi 4:18

Alubi tegsi bumo nna n shin nɛ bumo be ŋgbene biri to tuum a maŋ naa pin asheŋ to ŋkpal bumo be ŋgbene kpakpaso nɛ kemaa nyi nɛ k bee ji kuwura bumo so na so. Naniere bumo nɛ ŋkpa nɛ Ebɔrɛ bee sa na barga abar cheche.