Nfabel 4:10 - EBƆRƐ BE KAWƆL

¹⁰ Kemurgboŋ nɛ k daŋ ba ma basa so na daŋ shin nɛ beche nɛ baa sha bumo be mbia ga gbagba daŋɛ bumo be mbia nɛ b wu nna n we ŋkpal akoŋ so.

Nfabel 4:10 ပူးပေါင်းရင်းမြစ်များ

2 Bewura 25:3

Ewura Zɛdikaya be kuwurji be kafɛ kudukakosopo to be kufɔl nasopo na be kachɛ kpanusopo na nɛ Jerusalɛm to be akoŋ na wora kishi alegaiso nɛ basa na maŋ naa kɔ ajibi nɛ b ji.

Aizaaya 22:2

Awɔr e sɔ kadegboŋ na kikɛ to nɛ basa bee ji a nuu nsaa boŋ nshɛ a cha kaplɛkama. Menyi be basa nɛ b wu kena ere to ere be ekama maa kɔ kena nna nseŋ wu.

Aizaaya 49:15

Ndoŋ nna nɛ Enyɛnpe Ebɔrɛ na kaŋɛ le: “Eche kurgepo beeŋ tiŋ n teŋ kebia nɛ mo gbagba sa mo kenyipo so a? Nɛ ebinio beeŋ tiŋ n teŋ mo kebia so gba, ma ere maaŋ teŋ menyi so kikɛ.

Jɛremaya 19:9

Bedoŋ beeŋ ba kulti kadegboŋ na n wɔtɔ a fin kebure egbalana n luri m mɔ kumo to be basa. Ajibi beeŋ loge kadegboŋ na to nɛ basa na e baa mɔ bumo braana nɛ bumo be mbia gba a we ŋkpal akoŋ so.”

Nfabel 2:11

M baŋ shu nna m pere anishi hale nɛ ma epun to bee besa. Ma basa ka mur na shin nɛ ma kagbene jija ma hale nɛ m bɛlɛ. Mbi wurbi nɛ mbi popɔrbi kikɛ kreŋ a dese agbembi so ŋkpal esa kikɛ ka maŋ wɔtɔ nɛ e keni bumo so ashi kadegboŋ na to so.

Nfabel 2:20

O Enyɛnpe Ebɔrɛ, keni anyi a! Manɛ nna nɛ fee gberge anyi kusoe loŋ? A maŋ daga fanɛ bibinioana e baa daŋɛ bumo be mbi shaso a we! Ŋko nɛ basa e baa mɔ bɔrɛmatapoana nɛ anebiana na fo bɔrɛlambu gbagba to loŋ!

Nfabel 3:48

Mee shu anishichubi damta nna, ŋkpal ma basa ka mur so.

Nfabel 4:3

Ejiŋkamu gba bee nyipo bumo be bibi wurbi, ama ma basa bre ki fanɛ keshishɛrsawule so be mbuibi nɛ baa shile a ka bumo be bibi a wora bumo be mbiwurbi na kumu kpakpaso nna.

Ezikɛl 5:10

Bekurgepo beeŋ kpal akoŋ so a mɔ bumo be mbia a we nɛ mbia e baa mɔ bumo bekurgepoana a we. Meeŋ gberge menyi kusoe hale nɛ bekama nɛ baaŋ ji efute gba na e pesaŋ to n yɔ mboŋ wɔfɔ.

Levitikɔs 26:29

Akoŋ nɛ k beeŋ pɛ menyi na beeŋ wora alegai n shin nɛ men we menyi gbagba be mbia be eblaŋ.