Nfabel 3:64 - EBƆRƐ BE KAWƆL

⁶⁴ O Enyɛnpe Ebɔrɛ, gberge bumo kusoe ŋkpal kusɔ nɛ b wora so.

Nfabel 3:64 ပူးပေါင်းရင်းမြစ်များ

Nshɛ 28:4

Gberge bumo kusoe ŋkpal bumo be ashuŋ lubi so; Shin nɛ b nya bumo be asheŋ lubi be kakɔka; n shin nɛ bumo be asheŋ lubi nɛ b wora na kikɛ e laŋɛ bumo so.

Jɛremaya 11:20

Ndoŋ nna nɛ ŋ kule Ebɔrɛ ŋ kaŋɛ le: “Enyɛnpetale Ebɔrɛ, fo e naa ji asheŋ nɛ amo be ekpa so. Fo alɛ nyi basa be ŋgbene nɛ nfɛra kikɛ to. N ta demu ere nna a wɔtɔ fo enɔ to. Amoso ka basa ere kumo be kukɔ n sa ma.”

Jɛremaya 15:15

Ndoŋ nna nɛ ŋ kaŋɛ le: “Naniere Enyɛnpe Ebɔrɛ, fo pin kebaawɔtɔ nɛ n wɔ kumo to nna na. Nyiŋi ma asheŋ nseŋ chɛ ma to. Shin nɛ n tiŋ n wora n tal basa nɛ baa kɔrfɛ ma na to. Sa maŋ ji bumo kanyiti n shin nɛ b nya ma m mɔ. Baa nyiŋi fanɛ fo so nɛ baa tege ma.

Jɛremaya 50:29

“Kaŋɛ bedoŋ nɛ baa ta ata a kɔ kena na fanɛ b kɔ Babilɔn kena. B ba kulti Babilɔn be kadegboŋ na n wɔtɔ nsaa maŋ shin nɛ esa kikɛ e nya n shile kena na to. Men ka bumo kukɔ ŋkpal kusɔ nɛ b wora na so, nseŋ wora bumo kusɔ nɛ b ta n wora beko na. Ŋkpal manɛ so, kamoowuso nɛ b daŋ wora asheŋ ŋ gbiti ma, Israɛl be Ebɔrɛ cheembi na.

Jɛremaya 51:24

Ade kikɛ be kaman nɛ Enyɛnpe Ebɔrɛ naŋ kaŋɛ le: “Ma basa, menyi gbagba e naaŋ wu kananɛ meeŋ ka Babilɔn be efuli nɛ kumo be basa kukɔ ŋkpal kulubi nɛ b wora Jerusalɛm so.

Jɛremaya 51:56

Bedoŋ na beeŋ ba kɔ Babilɔn be basa m mur bumo. Bedoŋ na beeŋ pɛ Babilɔnebi be benapo anya, nseŋ buri m buri bumo be akɔsɔ kikɛ to. Ŋkpal manɛ so, n la Ebɔrɛ nɛ mee gberge efuliana kusoe nna ŋkpal alubi nɛ b wora so.

Jɛremaya 51:6

Men shile n lar Babilɔn be efuli so m mɔlga menyi be efute! Men sa maŋ shin nɛ b mɔ menyi ŋkpal Babilɔn be basa be alubi so. Bumo be kusɔ nɛ b wora na be kasogberge nɛ k daga bumo nɛ mee sa bumo a tal to na.

2 Timoti 4:14

Alɛkzaanda bɔyɛpo shuŋ ma ashuŋ lubi damta ga. Enyɛnpe bee ka mo mbe ashuŋ na be kukɔ.

Kelaraŋŋini 18:6

Men wora mo kananɛ e wora menyi na gbagba chap. Men laŋɛ kusɔ kama nɛ e wora menyi na ŋ ka mo loŋ be ale anyɔ. Men shin nɛ mbe kawiebi nɛ e ta n wora nsa n sa menyi na e bɔlɔ a kɔ eleŋ ale anyɔ a chɔ amo nɛ e sa menyi na.

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”