Nfabel 3:58 - EBƆRƐ BE KAWƆL

⁵⁸ Kumo be keman nɛ fo ba sɔ ma n yige nseŋ mɔlga ma efute nɛ n ji ŋkpa.

Nfabel 3:58 ပူးပေါင်းရင်းမြစ်များ

Jɛnesis 48:16

Malaika mo nɛ e tu ma ŋ kɔ emaŋ na e nɛfa bumo. Ebɔrɛ e shin nɛ ma ketre nɛ n tuto Aizek be ketre nɛ n nananyɛn Eebraham be ketre e bɔla mbia ere so a wɔtɔ mbaanaayɔ. Ebɔrɛ e sa bumo mbia damta nɛ kanaŋ to ebi damta durnya to.”

Job be kawɔl 35:14

kumo ere e beeŋ kini kenu fo alɛ gba be kekule nɛ fo maŋ nya kanyiti nsaa fin fo nɛ mo be keyili demujikpa na.

Nshɛ 103:4

nsaa kuŋ anyi ashi luwu to. Mbe kuwɔrwu nɛ kasha malɛ shi anyi so ga.

Nshɛ 34:22

Enyɛnpe Ebɔrɛ na beeŋ mɔlga mbe basa. E beeŋ kuŋ bekama nɛ baa fin kekuŋ ashi mo kutɔ na.

Nshɛ 71:23

Meeŋ ta kagbenefuli m boŋ nshɛ awɔrso ŋ kpaŋ fo, ŋkpal fo ka mɔlga ma so.

Nshɛ 9:5

Fo fɛa efuliana so nseŋ shin nɛ alubiworapoana mur; nɛ fo bubɔ bumo be atre mbaanaayɔ.

Aizaaya 51:22

Enyɛnpe menyi be Ebɔrɛ nɛ e bee kuŋ menyi na e kaŋɛ le: “Mee lara kasogberge nɛ n nya agbo n shin nɛ k ba menyi so na nna na. M maaŋ naŋ gberge menyi kusoe n shin nɛ men baa nite a lente fanɛ basa nɛ b boo nsa na.

Jɛremaya 11:20

Ndoŋ nna nɛ ŋ kule Ebɔrɛ ŋ kaŋɛ le: “Enyɛnpetale Ebɔrɛ, fo e naa ji asheŋ nɛ amo be ekpa so. Fo alɛ nyi basa be ŋgbene nɛ nfɛra kikɛ to. N ta demu ere nna a wɔtɔ fo enɔ to. Amoso ka basa ere kumo be kukɔ n sa ma.”

Jɛremaya 31:11

Meeŋ kɔ n suge bumo ashi bedoŋ nɛ baaŋ tiŋ m pɔɔ bumo so be enɔ to.

Jɛremaya 38:13

nɛ b gberge ma n lar ketirbu na to. Kumo be kaman nɛ b ta ma n yɔ ewurkpa be bekumpo na be kakpa nɛ baa ti basa na.

Jɛremaya 50:34

Ama esa nɛ e beeŋ sɔ bumo n yige na kɔ eleŋ. Mbe ketre e la Enyɛnpetale Ebɔrɛ na. Mo gbagba e naaŋ sɔ bumo be kɔnɔ so n shin nɛ kayurwushi e ba bumo be kasawule so nseŋ bar etɔrɔ Babilɔn be basa so.”

Jɛremaya 51:36

Nɛ Enyɛnpe Ebɔrɛ na kaŋɛ le: “N yil menyi be kaman nna, nɛ n sɔ menyi be kɔnɔ so ŋ ka Babilɔn be basa kukɔ. Meeŋ shin nɛ bumo be elɔr nɛ mbombi kikɛ e wɔl to nɛ b sa maŋ naa nya nchu.

1 Samuɛl 25:39

Deevid ka nu fanɛ Nabaal wu na, nɛ e kaŋɛ le: “Kemaŋkura e baa la Enyɛnpe Ebɔrɛ na peya ŋkpal Nabaal ka bee tege ma nɛ e sɔ ma kɔnɔ ŋ kɔ mo n sa ma so. Nabaal be kulubi so nɛ Enyɛnpe Ebɔrɛ gberge mo kusoe na.” Kede be kaman nɛ Deevid shuŋi n ya sha Abigɛl.