Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”
nɛ e kaŋɛ bumo le: “Enyɛnpe Ebɔrɛ na bee kaŋɛ fanɛ men sa maŋ shin nɛ kusɔ nɛ Asiriyaebi na bee kaŋɛ fanɛ e maaŋ tiŋ m mɔlga menyi na e baa da menyi kufu.
Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.
Ade be kaman, nɛ Enyɛnpe Ebɔrɛ na kaŋɛ: “Israɛl be basa, men ka maŋ shi nsaa maa kɔ eleŋ ga ere gba, men sa maa lɔ kufu; meeŋ chɛ menyi to. Ma, nɛ n la Israɛl be Ebɔrɛ cheembi na e naa mɔlga menyi.
Nɛ men baŋ kule ma kusɔ kama, meeŋ nu menyi be kekule. Nɛ men tre ma malɛ meeŋ shuli menyi be ketre na! Nɛ men yige kanyaŋ nɛ nfɛlso be kebaawɔtɔ nɛ mmalga lubi be kebaamalga
Jɛremaya, wora shiriya n ya kaŋɛ basa na kusɔ kama nɛ ŋ kaŋɛ fo kenishipereso na. Sa maa ŋana bumo, nɛ mannɛ aloŋ meeŋ shin nɛ kufu nɛ k chɔ loŋ a pɛ fo jemanɛ nɛ feeŋ baa wɔ bumo to na.
‘Pɔɔl, sa maa lɔ kufu. A daga fanɛ fo ya yili Romebi be ewurgboŋ na be anishito. Ŋkpal Ebɔrɛ malɛ nɛ mbe kelela so, basa nɛ fo nɛ bumo wɔ nchu so be enite ere to ere be ekama maaŋ mur.’
Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.
Ŋ ka wu mo na nɛ n tɔr mbe anishito fanɛ ŋ ka wu na. Ndoŋ nna nɛ e ta mbe enɔjiso n deŋi ma so nseŋ kaŋɛ: “Sa maa lɔ kufu, ma e la Faraŋko nɛ Lalaloge,
Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.
