Nfabel 3:56 - EBƆRƐ BE KAWƆL

⁵⁶ Ŋ ka kule fo nɛ fo nu ma kabɔrɛkule.

Nfabel 3:56 ပူးပေါင်းရင်းမြစ်များ

2 Kronikɛls 33:13

Nɛ ewura Manase be asheŋ pɛ Ebɔrɛ kuwɔr nɛ e nu mbe kekule nseŋ shin nɛ e bɛta n yɔ Jerusalɛm n ya kaa ji mbe kuwura. Ndoŋ nɛ ewura Manase pin fanɛ Enyɛnpe na e la Ebɔrɛ.

2 Kronikɛls 33:19

Ewura Manase be kabɔrɛkule nɛ kananɛ Ebɔrɛ nu mbe kekule, nɛ alubi nɛ e wora kikɛ pɔɛŋ nseŋ chɛrga, nɛ nnyamase be agbirana nɛ e shuŋ nɛ mboŋ nɛ e pɔr kegbirche Ashira nɛ agbirana be mpɔrduli, nɛ asheŋ nɛ e wora kikɛ be asheŋ wɔ anebiana be adrasheŋ be nwɔl to.

Job be kawɔl 34:28

Betirpo nɛ b daŋ shu ŋ ŋini Ebɔrɛ nɛ mo alɛ nu bumo be kushu nseŋ chɛ bumo to.

Nshɛ 3:4

N shu n tre fo Enyɛnpe Ebɔrɛ na; nɛ fo nu ma kushu ashi fo kebee cheembi na so.

Nshɛ 34:6

Mo nɛ betentaŋasepo bee shu a tre, nɛ e bee nu bumo be kushu, nsaa mɔlga bumo ashi bumo be etɔrɔ to na.

Nshɛ 5:2

Ma Ebɔrɛ nɛ ma ewura, nu ma kushu. Enyɛnpe Ebɔrɛ, mee kule fo nna, chɛ ma to.

Nshɛ 5:3

Kachipurso kikɛ fee nu ma kekule nna. Mee ta ma asheŋ tirso nna a ba kaa nase fo anishito, nsaa jo fo atuwebi.

Nshɛ 55:1

Enyɛnpe Ebɔrɛ, nu ma kekule. Jande, sa maŋ kplaŋ kusɔ nɛ mee bishi fo ere so.

Nshɛ 55:18

Bedoŋ bee kɔ ma kaba kama so nna; ama e beeŋ mɔlga ma ashi kena na to nɛ m maaŋ nya doro kikɛ.

Nshɛ 55:2

Wora ania n nu ma kekule ere; ŋkpal manɛ so, ma kagbene jija nna ga;

Nshɛ 66:19

Ama Enyɛnpe Ebɔrɛ na nu ma kekule nseŋ wora kusɔ nɛ ŋ kule mo na n sa ma.

Aizaaya 38:5

fanɛ e naŋ bɛta n yɔ ewura Hɛzekaya kutɔ n ya kaŋɛ mo le: “Ma, Enyɛnpe, fo nananyɛn ewura Deevid be Ebɔrɛ na, nu fo kabɔrɛkule nseŋ wu fo anishichubi na. Meeŋ naŋ shin nɛ fo naŋ ji nfɛ kuduanu n ti so.

Danɛl 9:17

O Ebɔrɛ, jande, nu ma kabɔrɛkule ere nseŋ wu ma kuwɔr n shin nɛ fo bɔrɛlambu nɛ k bure na e naŋ lɔŋɛ n yili. Saŋɛ na so ekama beeŋ pin fanɛ fo e la Ebɔrɛ na.

Romebi 8:26

Loŋ koŋwule na malɛ nɛ Kiyoyu na bee ba m ba kaa chɛ anyi mo nɛ an maŋ kɔ eleŋ ashi yirda na to na to. Anyi maŋ nyi kananɛ k daga fanɛ an kule Ebɔrɛ gba, ama Kiyoyu na gbagba e naa bugi kagbene a kule kabɔrɛkule nɛ k bee mɔ kɔnɔ a sa anyi.