Nfabel 3:53 - EBƆRƐ BE KAWƆL

⁵³ Kumo be kaman nɛ b ta ma n wɔtɔ ketirbu to, nseŋ bela ajembu a kpa ma ketirbu na to a fin kemɔ ma.

Nfabel 3:53 ပူးပေါင်းရင်းမြစ်များ

Jɛremaya 37:16

Kasawule to be ebubi ko to nɛ b daŋ ta ma n wɔtɔ nɛ n daŋ chɛr ndoŋ ga.

Jɛremaya 37:20

To, Yiramu, naniere mee kule fo nna. Jande nu ma kekule nsaa maŋ naŋ bɛta ma n yɔ kabuti to ashi Jonatan be laŋ to. Fo baŋ bɛta ma n yɔ, meeŋ wu ndoŋ.”

Jɛremaya 38:6

Ndoŋ nna nɛ b chɛ ma efɔl nseŋ pɛ kumo to n ta ma n wɔtɔ ewura pibinyɛn nɛ baa tre Malkiya na be ketirbu nɛ k daa wɔ ewurkpa be kelɔnɛ so na to. Nchu daa maŋ wɔ ketirbu na to ama edepɔ nawule e daa wɔtɔ nɛ n nia amo to.

Jɛremaya 38:9

“Yiramu, kusɔ nɛ basa ere wora ere maŋ walɛ. B ta Jɛremaya n wɔtɔ ketirbu to, kakpa nɛ akoŋ beeŋ mɔ mo, ŋkpal manɛ so, ajibi kikɛ maŋ naa wɔ kadegboŋ na to.”

Danɛl 6:17

B daŋ ta kejembu nna n ti kemaŋ na be kɔnɔso nɛ ewura na nɛ mbe benimuana na ta bumo be tɔɔnɛ be abersobi ŋ dulgi kejembu na saŋɛ na so esa kama maaŋ tiŋ n shin nɛ b bugi Danɛl.

Danɛl 6:18

Kumo be kaman nɛ ewura na bɛta n yɔ ewurkpa n ya chena ŋklade. E daa maŋ ji shɛŋ ŋko n shin nɛ b wora epel ko n deŋi mo anishito.

Jona 2:1

Jona wɔ kɔrɔtɔ na be epunto nna nseŋ kule mbe Ebɔrɛ nɛ e la Enyɛnpe Ebɔrɛ na le:

Matiu 27:60

nseŋ ta mo n nase mo gbagba be kejembulaŋ nɛ e daŋ shin nɛ b kur kumo nchaŋ popɔr n nase to. E ka loge nɛ e gbelti kejembu gboŋgboŋi ko n ti nchaŋ na be kɔnɔ so nseŋ choŋ.

Matiu 27:66

Nɛ b yɔ n ya ti nchaŋ na be kabuna so nɛnɛ nseŋ laa kejembu na n dulgi kumo pɔɛŋ nseŋ shin nɛ bekumpo na yili ndoŋ a keni kumo so.