Nfabel 3:42 - EBƆRƐ BE KAWƆL

⁴² An lar fo kaman n wora alubi!

Nfabel 3:42 ပူးပေါင်းရင်းမြစ်များ

2 Bewura 24:4

Enyɛnpe Ebɔrɛ daa maŋ ta m paŋ mo na so.

Ɛzra 9:6

nseŋ kule Ebɔrɛ ŋ kaŋɛ: “O ma Ebɔrɛ, k kɔ ma nyɔmɔ nɛ anishinyɔr nna fanɛ ŋ ka beeŋ maŋ ma enɔ so fo anishito, ŋkpal manɛ so, anyi be alubi shi m baŋ anyi so hale n dii n ya fo ebɔrɛso gba kuraa.

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Nshɛ 107:11

ŋkpal men ka daŋ kini Enyɛnpetale Ebɔrɛ na n lɛ, nseŋ kplaŋ mbe kasotoji so na so.

Jɛremaya 14:20

Enyɛnpe Ebɔrɛ, an wora alubi n da fo so. Anyi nɛ an nananyɛnana kikɛ wora n jija ŋkpal an ka kini fo nseŋ lar fo kaman so.

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Nfabel 1:18

Enyɛnpe Ebɔrɛ na kɔ ekpa nɛ e wora loŋ, ŋkpal manɛ so, anyi maŋ wora mo kasonu nna. Kaplɛkama be basa, men nu nfe. Men keni ebesa nɛ anyee ji. An doŋana pɛ anyi be mbifɔlbi nna n yɔ kenyaya to ashi efuli wɔfɔ so.

Nfabel 5:16

Asɔ nɛ an daa puchi so na be kekama maŋ naa wɔtɔ. Ŋkpal anyi ka wora alubi so, asheŋ maa nyalɛ a sa anyi.

Ezikɛl 24:13

Naniere fo, Jerusalɛm, be kusɔ jigaya be kebaawɔtɔ e shin nɛ fo wora eyurpi. Ŋkpal ŋ ka wora ania nɛ n fɔr fo so nɛ fo nyalɛ so nɛ fo kraa kini nsaa wɔ fo eyurpi to so, fo maaŋ naŋ nyalɛ so kikɛ n ya fo fanɛ ma agbo gboŋ ka beeŋ ba fo so.

Danɛl 9:15

O, Enyɛnpe anyi be Ebɔrɛ, fo ŋini eleŋ nna n lara fo basa ashi Ijipt be kasawule so dra na nɛ b kraa nyiŋi kumo hale kabre. Anyi e wora n jija nseŋ wora kulubi kashenteŋto.

Zakareya 1:5

Men nanaana na nɛ anebiana na kikɛ maŋ naa wɔ ŋkpa to.

Zakareya 1:6

N daŋ bɔla anebiana nɛ b la ma nyɛrbi na so nna n sa men nanaana ma mbraana nɛ kefiɛso be mmalga, ama b daa maŋ tuge ma, nɛ kumo be kasogberge ba bumo so. Kumo be kaman nɛ b chɛrga bumo be nfɛra nseŋ shuli so fanɛ ma, Enyɛnpetale Ebɔrɛ na e sa bumo kasogberge nɛ k daga bumo, fanɛ kananɛ ŋ kre kumo na.”