Nfabel 3:32 - EBƆRƐ BE KAWƆL

³² Hale nɛ e shin nɛ awurfoŋ ba anyi so gba, e kraa kɔ kushuso n sa anyi ŋkpal mbe kasha ka shi ga so.

Nfabel 3:32 ပူးပေါင်းရင်းမြစ်များ

2 Bewura 13:23

Enyɛnpe Ebɔrɛ na daa wu Israɛlebi kuwɔr nna nsaa maa sha b ka mur ŋkpal mo nɛ bumo nananyɛnana Eebraham nɛ Aizek nɛ Jeekɔb be kɔnɔkoŋwule be ŋkre na so.

Nshɛ 103:11

Kasha nɛ e kɔ n sa basa nɛ baa bunyaŋ mo na shi ga; k shi a chɔ yili kasawule so n ya fo awɔlpa so.

Nshɛ 30:5

E maa nya agbo a chɛr; Mbe kelela bre wɔtɔ nna n sa esa saŋɛ nɛ e wɔ ŋkpa to kikɛ. Kushu beeŋ tiŋ m ba kanyɛso, ama kare tea ka chɛ nɛ kagbenefuli ba.

Nshɛ 78:38

Ama Ebɔrɛ kraa wu mbe basa kuwɔr. E daŋ ta bumo be alubi m paŋ bumo nna, nsaa maŋ mur bumo. Ale damta nɛ e pɛ mbe kagbene, a maŋ shin nɛ mbe agbo koso bumo so alegaiso.

Ɛksodɔs 2:23

Kumo be nfɛ damta ka ba choŋ nɛ Ijipt be ewura na wu, ama amo nɛ amo kikɛ nɛ Israɛlebi na kraa wɔ kenyaya to nna a ji awurfoŋ nsaa shu a tre Ebɔrɛ fanɛ e chɛ bumo to.

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Aizaaya 27:8

Kasogberge nɛ Enyɛnpe Ebɔrɛ na sa mbe basa e la fanɛ e shin nna nɛ bumo doŋana kɔ m pɔɔ bumo so nseŋ pɛ bumo n yɔ efuli pɔtɛ so n ya ki anya. Bumo bedoŋana na daa du fanɛ epeŋilarkpa be afu tushiso nna m ba ber bumo n yɔ kufɔ kufɔ.

Aizaaya 54:7

“N daŋ kplaŋ menyi so jemanɛ gbrɛbi ko nna, ama ŋkpal ma kashagboŋ nɛ kushuso so, meeŋ naŋ bɛta n sɔ menyi.

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Nfabel 3:22

Kumo e la fanɛ, Enyɛnpe Ebɔrɛ na be alelasheŋ maa loge! E daa maa wu kuwɔr nna, n dafanɛ anyi kikɛ mur.

Hoziya 11:8

Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Nahum 1:12

Ama kusɔ nɛ Enyɛnpe Ebɔrɛ na bee kaŋɛ mbe basa Israɛlebi nde. E yɛ: “Asiriyaebi be eleŋ nɛ bumo be keshi ere kikɛ be kaman baaŋ mur nɛ esa maaŋ naŋ wu bumo. N shin nɛ menyi, ma basa Israɛlebi, ji awurfoŋ, ama ma alɛ maaŋ naŋ wora loŋ kikɛ.

Luuk 15:20

Ndoŋ nna nɛ e koso m pɛ epe be ekpa a ba mo tuto kutɔ. E ka ba kaa fo epe ŋ kraa wɔ kufɔ nɛ mo tuto wu mo nseŋ wu mo kuwɔr nseŋ shile n ya pɛ mo to kashaso n wora mo ansaŋ nɛ keba ga.

Demujipoana 10:16

Kumo be kaman nɛ b kini efuli pɔtɛ be agbir na kikɛ nseŋ fara a shuŋ Enyɛnpe Ebɔrɛ na. Nɛ Israɛlebi be awurfoŋ nɛ b daa ji na be asheŋ naŋ ba ka tɔrɔ Enyɛnpe Ebɔrɛ na.