Nfabel 3:26 - EBƆRƐ BE KAWƆL

²⁶ Amoso, a daga fanɛ anyi e baa wora kanyiti a jo Enyɛnpe Ebɔrɛ na nɛ e mɔlga anyi.

Nfabel 3:26 ပူးပေါင်းရင်းမြစ်များ

Jɛnesis 49:18

O, Enyɛnpe, mee jo fo kenya be kesɔnyige nna.

2 Kronikɛls 20:17

Mannɛ menyi e naŋ kɔ kena ere. Menyi ere e bela ase a yil. Menyeeŋ wu kananɛ Enyɛnpe Ebɔrɛ na beeŋ kɔ m pɔɔ so n sa menyi. Juda nɛ Jerusalɛmebi, men sa maa lɔ kufu. Men lar n yɔ kena na to, Enyɛnpe Ebɔrɛ beeŋ ba wɔ menyi kutɔ!”

Nshɛ 119:166

O Enyɛnpe Ebɔrɛ, mee jo fo nna, nɛ fo mɔlga ma nɛ m bɛ fo kanase so.

Nshɛ 119:174

Enyɛnpe Ebɔrɛ, fo nɛ mee jo nɛ fo mɔlga ma, ŋkpal manɛ so, fo mbra e naa fuli ma kagbene.

Nshɛ 130:5

Ma kagbene kikɛ nɛ ŋ kɔ a jo Enyɛnpe Ebɔrɛ na! Ma tama kikɛ malɛ wɔ mbe kamalga na to nna.

Nshɛ 37:34

Ta fo yirda n wɔtɔ Enyɛnpe na to, nsaa bɛ mo so. E beeŋ shin nɛ fo chena kasawule ere so n wu kananɛ belubiworapo beeŋ mur.

Nshɛ 37:7

Baa kɔ kanyiti a jo Enyɛnpe be saŋɛ. Sa maŋ shin nɛ k baa tɔrɔ fo ŋkpal asheŋ ka bee nite nɛnɛ a sa belubiworapo so.

Nshɛ 52:9

Ŋkpal kusɔ nɛ fo wora so meeŋ baa fur fo saŋkikɛ. Ŋ kɔ tama ashi fo ketre to, ŋkpal manɛ so, fo ketre walɛ. Amoso meeŋ baa fur fo ashi fo basa cheembi be anishito.

Nshɛ 54:6

Meeŋ ber kagbene n lara sarga n sa fo. Enyɛnpe Ebɔrɛ, meeŋ fur fo ketre, ŋkpal fo ka walɛ so.

Nshɛ 62:2

Mo e la kefaltagboŋ nɛ emɔlgapo. Mo e la ma ekuŋkpa lempo a kuŋ ma.

Nshɛ 73:28

Ama k walɛ ga ŋkpal ma ere ka taga fo, Ebɔrɛ na, to so. N ta fo, Enyɛnpetale Ebɔrɛ na, fanɛ ma ekumpo nna. Ma alɛ beeŋ baa bɔ fo emamachisheŋ na be kubɔya.

Nshɛ 92:1

Kekpaŋ Enyɛnpetale Ebɔrɛ na nɛ keboŋ nshɛ n dele mo walɛ ga.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Ɛksodɔs 14:14

Enyɛnpe Ebɔrɛ na beeŋ kɔ bumo kena n sa menyi. Menyi ere e yige a keni mo de.”

Aizaaya 30:15

Kumo be kaman nɛ Enyɛnpetale, Israɛl be Ebɔrɛ cheembi na kaŋɛ basa na le: “Men bɛta m ba kaa yirda ma nsaa du boeŋ. Aloŋ nɛ menyeeŋ nya eleŋ nɛ kekuŋgboŋ.” Ama men kini kewora loŋ!

Aizaaya 30:7

Ijipt be kechɛto maŋ la shɛŋ. Amoso nɛ mee tre kumo ‘Kusɔ gbeyeso nɛ k du fanɛ laŋchaŋ a maaŋ tiŋ n wora shɛŋ na.’ ”

Aizaaya 7:4

Men kaŋ wu mo nɛ fo kaŋɛ mo fanɛ e shin nɛ mbe kagbene e dese mo. E saa maa ŋana ewura Rezin nɛ ewura Pɛka. B nya agbo ga bre, ama bumo alɛ baa du fanɛ ndibi anyɔ ka kɔ edɛ nsaa dese a duŋ gbrɛgbrɛbi nna.

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Nfabel 3:27

Jemanɛ nɛ an la mbifɔlbi na e daga fanɛ an koya le be kanyiti ere.

Habakuk 2:3

Ŋkpal manɛ so, kelaraŋŋini ere bee jo kumo be jemanɛ nna. Kusɔ nɛ k beeŋ wora lalaloge be nchɛ to na be asheŋ nɛ k bee ji. Kumo alɛ maaŋ baa la efɛsheŋ kikɛ. Kewora fanɛ k bee chɛr nna, ama baa kraa jo. Kanaŋ kama nɛ asheŋ du k beeŋ wora m bɔlɔ so.

Galeeshaebi 4:18

Keshin nɛ asheŋ e baa wɔ menyi to walɛ nɛ asheŋ na baa la alelasheŋ nna na a wɔ menyi to saŋkikɛ, mannɛ saŋɛ nɛ n wɔ men kutɔ nawule.

Hibruwebi 10:35

Amoso, men sa maŋ kaŋ lɛ menyi be kenyɛn na, ŋkpal manɛ so, nɛ men baa kɔ kumo to loŋ, menyeeŋ ba nya kumo be tɔnɔ.

Hibruwebi 3:14

Ŋkpal manɛ so, nɛ an baa kɔ anyi be sososo be tama na to kpakpa n ya fo ekar, kumo ere anyi nɛ Kristo e kɔ kachige koŋwule.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.