Nfabel 3:25 - EBƆRƐ BE KAWƆL

²⁵ Enyɛnpe Ebɔrɛ na la esa nna n sa ekama nɛ e ta mbe yirda n wɔtɔ mo to nsaa wora mo kasonu.

Nfabel 3:25 ပူးပေါင်းရင်းမြစ်များ

Jɛnesis 49:18

O, Enyɛnpe, mee jo fo kenya be kesɔnyige nna.

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

2 Kronikɛls 15:2

nɛ e yɔ ewura Asa kutɔ n ya kaŋɛ mo le: “Ewura Asa nɛ Juda nɛ Bɛnjamin be basa, men kikɛ e nu nfe! Men baa nu a sa Enyɛnpe Ebɔrɛ na, mo alɛ beeŋ baa wɔ menyi kutɔ saŋkikɛ. Men baa fin mo, menyeeŋ wu mo, ama nɛ men baŋ pal kaman n sa mo bre, mo alɛ beeŋ yige menyi to.

2 Kronikɛls 19:3

Ama amo nɛ amo kikɛ asheŋ lela ko wɔ fo to. Fo jija kegbirche Ashira be mpɔrduli nɛ basa bee shuŋ na kikɛ, fo alɛ gbagba nsaa wora ania a bɛ Ebɔrɛ be ekpa so.”

2 Kronikɛls 30:19

E yɛ: “O! Enyɛnpe an nananyɛnana be Ebɔrɛ nɛ fo walɛ, ta bekama nɛ baa shuŋ fo nɛ kagbene koŋwule na be alubi m paŋ bumo, hale b ka maŋ walɛ so daŋkare be ekpa so kikɛ ere gba.”

2 Kronikɛls 31:21

Kusɔ kama nɛ e bee wora daa yɔ anishito nna ŋkpal bɔrɛlambu na to be kusɔ kama nɛ e wora ka daa walɛ nɛ mo alɛ naa kɔ kasonu n sa Enyɛnpe Ebɔrɛ be mbra na so.

Ɛzra 8:22

K daa beeŋ baa la nyɔmɔ nna n sa ma, fanɛ an ka beeŋ kaŋɛ ewura fanɛ e sa anyi esoji nɛ b baa kuŋ anyi ashi an doŋana kutɔ ashi anyi be enite ere to. Ŋkpal manɛ so, n daŋ kaŋɛ mo fanɛ an be Ebɔrɛ na bee nɛfa esa kama nɛ e ta mo yirda ŋ wɔtɔ mo to nna. Ebɔrɛ malɛ be kagbene maa fuli esa kama nɛ e kplaŋ mo so so. E bee gberge loŋ be esa kusoe nna.

Nshɛ 105:3

Men baa ji eyur nsaa bunyaŋ mbe ketre cheembi na ashi men be ŋgbene to kikɛ.

Nshɛ 119:2

Kagbenefuli la bekama nɛ baa bɛ mbe atande so, nsaa wora mo kasonu ashi bumo be ŋgbene to na peya nna.

Nshɛ 22:26

Betirpo beeŋ ji m moɛ, nɛ bekama nɛ baa bunyaŋ fo na e chɔrɔ fo. Shin nɛ asheŋ e baa nyalɛ a sa bumo saŋkama.

Nshɛ 25:8

Ŋkpal Enyɛnpe Ebɔrɛ ka walɛ nɛ mbe asheŋ woraso niŋi ekpa so, e bee ŋini alubiworapoana mbe ekpa nna nɛ b bɛ so.

Nshɛ 27:14

Yirda Enyɛnpe Ebɔrɛ na. Baa kɔ eleŋ nseŋ nya kagbene a keni mbe anishito.

Nshɛ 27:8

N yili ma kagbene to nna fanɛ meeŋ fin fo; amoso nɛ m pere kenishi nɛ n wu fo na.

Nshɛ 37:34

Ta fo yirda n wɔtɔ Enyɛnpe na to, nsaa bɛ mo so. E beeŋ shin nɛ fo chena kasawule ere so n wu kananɛ belubiworapo beeŋ mur.

Nshɛ 37:7

Baa kɔ kanyiti a jo Enyɛnpe be saŋɛ. Sa maŋ shin nɛ k baa tɔrɔ fo ŋkpal asheŋ ka bee nite nɛnɛ a sa belubiworapo so.

Nshɛ 39:7

Naniere, Enyɛnpe Ebɔrɛ, manɛ bre nɛ n naa fin? Ma tama deŋ fo so nna.

Nshɛ 61:1

Enyɛnpe Ebɔrɛ, jande nu ma kushu nɛ ma kabɔrɛkule!

Nshɛ 61:5

Enyɛnpe Ebɔrɛ, fo nu ma kɔnɔ naseso na nseŋ nɛfa ma fanɛ kananɛ fo nɛfa bumo nɛ baa bunyaŋ fo na.

Nshɛ 69:32

Betirpo beeŋ wu kumo be loŋ nɛ bumo be ŋgbene e fuli bumo. Saŋɛ na so basa nɛ baa bunyaŋ Enyɛnpe na beeŋ nya keleŋto.

Nshɛ 71:14

Ma ere beeŋ ta ma tama n wɔtɔ fo to; ma alɛ maaŋ yige kebaakpaŋ fo kikɛ.

Aizaaya 25:9

Jemanɛ na kaŋ fo, ekama beeŋ kaŋɛ le: “Mo e la anyi be Ebɔrɛ! An ta anyi be yirda n deŋi mo so, nɛ e mɔlga anyi. Mo e la Enyɛnpe Ebɔrɛ na! An ta anyi be yirda n deŋi mo so, nɛ anyi be ŋgbene fuli nɛ an nya kagbenewushi ŋkpal e ka mɔlga anyi so.”

Aizaaya 26:9

Kanyɛso kikɛ ma kagbene bee kɔ a fin fo nna. Fo baŋ ji durnya nɛ kumo be basa demu, bumo kikɛ beeŋ koya kebaawɔtɔ ŋini so.

Aizaaya 30:18

Ama amo nɛ amo kikɛ Enyɛnpe Ebɔrɛ na kraa jo nɛ e wu menyi kuwɔr nna. E wora shiriya nɛ e shu menyi so ŋkpal e kaa bee wora asheŋ nɛ a daga jemanɛ kikɛ na so. Kagbenefuli la bekama nɛ bumo be yirda wɔ Enyɛnpe Ebɔrɛ na to na peya nna.

Aizaaya 40:31

Ama bekama nɛ b yirda Enyɛnpe Ebɔrɛ na beeŋ nya eleŋ popɔr. Baaŋ ber atɛ to ŋ koso n firgi n yɔ awɔlto fanɛ ejɔnɔkoso; bumo alɛ beeŋ shile ga, ama b maaŋ gben a chul to; baaŋ nite ekpa tenteŋ, ama b maaŋ gben m bɛlɛ.

Aizaaya 55:6

Men fin Enyɛnpe Ebɔrɛ na nseŋ kule mo saŋɛ nɛ e taga menyi to ere.

Aizaaya 64:4

Dra na kikɛ hale m ba fo kabre esa kikɛ maŋ naŋ wu ŋko n nu Ebɔrɛ ko nɛ e du fanɛ fo a tiŋ a wora emamachisheŋ a sa mbe bebɛsopo nɛ b ta bumo be tama n deŋi mo so.

Nfabel 3:26

Amoso, a daga fanɛ anyi e baa wora kanyiti a jo Enyɛnpe Ebɔrɛ na nɛ e mɔlga anyi.

Hoziya 10:12

Le nɛ meeŋ kaŋɛ bumo: Men fin nsawule popɔr n dɔ n duu kashenteŋji be asɔduuso. Loŋ nɛ menyeeŋ teŋi nɛfa ŋkpal men ka bee shuŋ ma so. Jemanɛ nɛ k daga fanɛ men ta men be amu n sa men Nyɛnpe Ebɔrɛ na fo. Nɛ men wora loŋ, ma alɛ beeŋ chulgi ma nɛfa n wurge menyi so.

Zefanaiya 3:8

Menyi ere e jo a keni kachɛ nɛ meeŋ wu efuliana na kulubi nseŋ ji amo demu na. N tiŋ n yili kumo fanɛ meeŋ gama efuliana na nɛ kuwurjiana kikɛ abar so nseŋ shin nɛ ma agbo nɛ k bee suse fanɛ edɛ na e ba bumo so. Meeŋ nya agbo ga m mur durnya ere kikɛ.

1 Tɛsalɔnikaebi 1:10

nɛ e shin nɛ e tiŋi luwu to na fanɛ e shi ebɔrɛso m ba. Mo koŋwule Yesu na e naa mɔlga anyi ashi Ebɔrɛ be agbo nɛ k bee ba na to.

Jeems 5:7

Ŋ kurgepoana, ŋkpal le so, men baa ji kanyiti a jo saŋɛ nɛ an Nyɛnpe beeŋ naŋ bɛta m ba na. An ta fanɛ edɔpo ŋ keni kananɛ e bee kaa ji kanyiti. E bee kaa jo nna le nɛ bɔrɛ e ba nɛ mbe asɔ e kɔr n daŋ n wora nɛ e teŋi amo be alela na.