Nfabel 3:24 - EBƆRƐ BE KAWƆL

²⁴ Kusɔ nɛ mee kaŋɛ ma kagbene to e la: “Enyɛnpe Ebɔrɛ na e baa la ma; mo nɛ meeŋ tiŋ n ta ma tama n to so!”

Nfabel 3:24 ပူးပေါင်းရင်းမြစ်များ

1 Kronikɛls 5:20

B daŋ ta bumo be yirda nna n deŋi Ebɔrɛ so ŋ kule mo fanɛ e chɛ bumo to. Nɛ Ebɔrɛ nu bumo be kekule nseŋ chɛ bumo to nɛ b kɔ m pɔɔ Hagebi nɛ basa nɛ b chɛ bumo to a kɔ kena na kikɛ so.

Job be kawɔl 13:15

Hale nɛ Ebɔrɛ bee sha kemɔ ma gba, ŋ kraa beeŋ yirda mo.

Job be kawɔl 22:25

Kumo be kaman nɛ Enyɛnpetale Ebɔrɛ na e ki fanɛ shuwa nɛ gbiti lela ga n sa fo.

Nshɛ 119:57

Fo, Enyɛnpe Ebɔrɛ na e la ma kusɔ kikɛ. N nase kɔnɔ fanɛ meeŋ wora fo mmalga kasonu.

Nshɛ 130:7

Israɛlebi, men yirda Enyɛnpe Ebɔrɛ na! Ŋkpal manɛ so, mbe kasha nɛ k maa chɛrga na maa loge kikɛ; mo alɛ kɔ eleŋ nɛ e tiŋ m mɔlga menyi.

Nshɛ 142:5

Fo Enyɛnpe Ebɔrɛ na, nɛ mee kule nɛ fo chɛ ma to! Fo Enyɛnpe Ebɔrɛ na e la ma ekumpo. Fo nawule nɛ mee fute a yigeso ashi ma kebaawɔtɔ to.

Nshɛ 16:5

Enyɛnpe Ebɔrɛ fo nawule nɛ ŋ kɔ. Fo alɛ bee sa ma kusɔ kama nɛ k tir ma. Fo enɔ to nɛ ma echefoso be kebaawɔtɔ wɔ.

Nshɛ 31:24

Amoso menyi kikɛ nɛ men be yirda deŋ Enyɛnpe Ebɔrɛ na so na, e baa kɔ eleŋ nsaa leŋ men be amu to.

Nshɛ 33:18

Enyɛnpe Ebɔrɛ na bee keni bekama nɛ baa wora mo kasonu so nna; nɛ mbe kasha nɛ k maa loge na malɛ wɔ bekama nɛ b yirda mo na so.

Nshɛ 42:11

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so. Fo e la ma Ebɔrɛ.

Nshɛ 42:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so.

Nshɛ 43:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo, ma alɛ kraŋ beeŋ di fo epaŋ ŋkpal fo ka chɛ ma to so. Fo alɛ e la ma Ebɔrɛ.

Nshɛ 62:8

Basa, men yirda Enyɛnpe Ebɔrɛ na nsaa kaŋɛ mo men be asheŋ tirso saŋkama. Ŋkpal manɛ so, Ebɔrɛ na nawule e la anyi be ekumpo.

Nshɛ 71:14

Ma ere beeŋ ta ma tama n wɔtɔ fo to; ma alɛ maaŋ yige kebaakpaŋ fo kikɛ.

Nshɛ 73:26

Ma eyur nɛ nfɛra beeŋ tiŋ n wora asheŋ ŋ gben, ama Ebɔrɛ e la ma eleŋ ashi ma kagbene to. Mo alɛ be asheŋ a tir ma jemanɛ kikɛ.

Nshɛ 84:12

O Enyɛnpetale Ebɔrɛ, kagbenefuli la esa kama nɛ e yirda fo na peya nna!

Nshɛ 94:19

Jemanɛ kikɛ nɛ kafɔŋ damta baŋ tɔr ma so, fo e naa lolo ma a wushi ma kagbene.

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Jɛremaya 51:19

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Nfabel 3:21

Ama nɛ m baŋ nyiŋi kusɔ koŋwule ko bre, k naa sa ma tama nna.

Maika 7:7

Ama ma ere bee keni Enyɛnpe Ebɔrɛ na be anishito nna nseŋ ta tama a jo mo nɛ e mɔlga ma. Ma Ebɔrɛ na malɛ beeŋ nu ma kekule.

Romebi 15:12

Ade malɛ gba kikɛ be kaman le nɛ anebi Aizaaya yɛ: “Jɛsi be kenanabi beeŋ ba kachako m ba lar n ji nnyamase so kuwura nɛ b ta bumo be tama kikɛ n deŋi mo so.”

Ditɛronɔmi 18:2

B maaŋ baa kɔ kasawule fanɛ kananɛ eyiriana na kikɛ beeŋ baa kɔ na. Bumo be kachige e naaŋ baa la esarga nɛ basa beeŋ lara n sa Enyɛnpe Ebɔrɛ na be ako fanɛ kananɛ e nase kɔnɔ na.

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.

1 Samuɛl 30:6

Ndoŋ nna nɛ kagbenejija tɔr Deevid so, nɛ mbe basa be ŋgbene kikɛ kaa bumo ŋkpal b ka paŋ bumo be mbia so. Nɛ baa kaŋɛ fanɛ baaŋ kpa Deevid ajembu m mɔ nɛ Enyɛnpe Ebɔrɛ nɛ e la mbe Ebɔrɛ na leŋ mo to ga.