Nfabel 3:23 - EBƆRƐ BE KAWƆL

²³ Esa beeŋ tiŋ n yirda Enyɛnpe Ebɔrɛ na jemanɛ kikɛ nɛ e baa wu mo kuwɔr kachipurso kikɛ.

Nfabel 3:23 ပူးပေါင်းရင်းမြစ်များ

Nshɛ 146:6

Ebɔrɛ e to esoso nɛ kasawule; mo e to teku nɛ kumo to be asɔ kikɛ nyam. Jemanɛ kikɛ e bee wora a bɔlɔ mbe nnɔ naseso so nna.

Nshɛ 30:5

E maa nya agbo a chɛr; Mbe kelela bre wɔtɔ nna n sa esa saŋɛ nɛ e wɔ ŋkpa to kikɛ. Kushu beeŋ tiŋ m ba kanyɛso, ama kare tea ka chɛ nɛ kagbenefuli ba.

Nshɛ 36:5

Enyɛnpe Ebɔrɛ, fo kashenteŋji nɛ kasha nɛ fo kɔ a sa basa shi ga. Kumo alɛ maa chɛrga; k bee fo kaplɛkama, hale esoso nɛ awɔlpa to kikɛ.

Nshɛ 36:6

Fo asheŋ woraso niŋi ekpa nna nsaa du fanɛ kebeegboŋ nɛ k maa gbuŋgbuŋ na. Kananɛ fee mige basa be asheŋ to a ji asheŋ nɛ amo be ekpa so du chiŋgeliŋ fanɛ teku nna. Fo enɔ to nɛ edimɛdi nɛ asɔbɔya kikɛ wɔ.

Nshɛ 89:33

Ama m maaŋ yige kebaasha Deevid, ŋko ŋ kini kebɛ nnɔ nɛ n nase n sa mo na so.

Ɛksodɔs 34:6

nseŋ choŋ Mosis be anishito ŋ kaŋɛ awɔrso: “Ma e la Enyɛnpetale Ebɔrɛ. Ebɔrɛ nɛ kuwɔrwu bɔlɔ ma to nɛ m maa nya agbo manaŋ manaŋ nɛ ma kasha shi ga nɛ mee yɛ nsaa wora na.

Aizaaya 33:2

Jande, Enyɛnpe Ebɔrɛ, wu anyi kuwɔr. Fo nɛ an ta anyi be tama n deŋi so. Baa kuŋ anyi karechɛ kama nsaa mɔlga anyi ashi etɔrɔ to.

Zefanaiya 3:5

Ama Enyɛnpe Ebɔrɛ kraa wɔ kadegboŋ na to a wora kusɔ nɛ k daga, nsaa ji asheŋ nɛ amo be ekpa so karechɛ kikɛ. Basa nɛ b maŋ niŋi na bre maa ŋana anishinyɔr nsaa wɔtɔ a wora alubi saŋkama.

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.

Hibruwebi 10:23

Men shin nɛ an baa kɔ anyi be shɛda na to kpakpa nsaa maa gbuŋgbuŋ to, ŋkpal manɛ so, esa nɛ e nase kɔnɔ n sa anyi na maa yɛ asheŋ a chɛrga kɔnɔ kikɛ.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.