Nfabel 3:17 - EBƆRƐ BE KAWƆL

¹⁷ M maaŋ naŋ tiŋ n nyiŋi asɔ nɛ e la alenfia nɛ kayurwushi nɛ kagbenefuli gba.

Nfabel 3:17 ပူးပေါင်းရင်းမြစ်များ

Jɛnesis 41:30

ama loŋ be nfɛnshunu na be kaman, ewule lubi nɛ akoŋgboŋ beeŋ tɔr nfɛnshunu m bɛ so. Jemanɛ nɛ akoŋgboŋ na beeŋ tɔr na basa beeŋ teŋ so fanɛ ajibi daŋ wora nɛnɛ ashi Ijipt be kasawule so gba.

Job be kawɔl 7:7

Ebɔrɛ, mee kule fo nna; sa maŋ teŋ ma so! Ma ŋkpa baa du fanɛ afu nna, ma kagbenefuli teŋ fo ekar.

Nshɛ 119:155

Kumukpakpasowuraana maaŋ nya kumɔlga, ŋkpal b ka maa wora fo mbraana kasonu so.

Aizaaya 38:17

Ma nɛnɛ so nɛ fo shin nɛ asheŋ kpakpaso ere tu ma. Ama fo kasha kuŋ ma, nɛ m maŋ wu n yɔ bubuni to. Fo alɛ kpele fo anishi n lɛ ashi ma alubi so.

Aizaaya 54:10

Abeegboŋ nɛ abeebi beeŋ tiŋ m bure n tɔr, ama kasha nɛ ŋ kɔ n sa menyi maaŋ loge kikɛ. Meeŋ bɛ kɔnɔ nɛ n naseso ŋ kaŋɛ fanɛ meeŋ sa menyi kayurwushi na so mbaanaayɔ. Kusɔ nɛ Enyɛnpe Ebɔrɛ, nɛ mee sha menyi na kaŋɛ nna na.”

Aizaaya 59:11

Anyee munto nna fanɛ eshishiri nsaa shu fanɛ ali na. Anyi alɛ daa tama fanɛ Ebɔrɛ beeŋ mɔlga anyi ashi kanyaŋ nɛ alubi to, ama loŋ maŋ wora.

Jɛremaya 12:12

Benapo damta nɛ b shi keshishɛrsawule so nɛ abeesawule so e ba kɔ m mur kasawule na so be kusɔ kama. Ma e sa ekpa fanɛ b ta kena m ba mur kasawule na so be kusɔ kikɛ nɛ esa kikɛ maŋ ji efute kena na to.

Jɛremaya 14:19

Ade be kaman nɛ basa na kule Ebɔrɛ ŋ kaŋɛ le: Enyɛnpe Ebɔrɛ, fo kini Juda n lɛ nna ere a? Fo kishi Jerusalɛm be basa nna ere a? Manɛ nna nɛ fo doro anyi ga loŋ, hale anyi maaŋ tiŋ n nya kechɛ? An daa tama kayurwushi nɛ eyur be alenfia nna, ama etɔrɔ nɛ e bee keta kufu e ba anyi so.

Jɛremaya 16:5

Nɛ esa baŋ wu, sa maŋ kaŋ yɔ keelibuna na n ya chɔrɔ kanaŋ na ŋko a wora kuwɔr be asheŋ. M maaŋ naŋ sha ŋko n nɛfa ŋko n wu Juda be basa kuwɔr kikɛ.

Jɛremaya 8:15

Anyi daa tama kayurwushi nɛ eyur be alenfia nna, ama kayurnyaŋ gboŋgboŋi e ba anyi so.

Nfabel 1:16

Amoso nɛ anyee shu anishichubi ga na. Esa kikɛ maaŋ tiŋ n lolo anyi n ti anyi kagbene, esa kikɛ malɛ maaŋ tiŋ n leŋ anyi to nɛ an naŋ nya kenyɛn. Ŋkpal manɛ so, an doŋana pɔɔ anyi so nɛ anyi maŋ naa kɔ shɛŋ kebaawɔtɔ to.

Zakareya 8:10

Pɔɛŋ nɛ b pɔr bɔrɛlambu na nɛ esa kikɛ daa maa kɔ amansherbi nɛ e tiŋ m ber basa paa ŋko n haya asɔbɔya nɛ b shuŋ n sa mo. Esa kama malɛ daa maa tiŋ a kuŋ mbe kumu ashi mo doŋana be enɔ to. N daŋ shin nna nɛ basa fɛaŋ abar so a wɔtɔ nna.