Nfabel 2:9 - EBƆRƐ BE KAWƆL

⁹ Jerusalɛm be mbunagboŋana tɔr a pul eshishɛr to nɛ ndibi nɛ baa ta a ber amo so na kikɛ buri to burburbi a dese. Ewura nɛ bewurbi nɛ b daa wɔ ndoŋ na kikɛ ki anya efuli wɔfɔ so nna. Bɔrɛmatapoana na maŋ naa ŋini mbraana na, anebiana na malɛ maŋ naa nu kubɔya kikɛ ashi Enyɛnpe Ebɔrɛ kutɔ.

Nfabel 2:9 ပူးပေါင်းရင်းမြစ်များ

2 Bewura 25:7

Ndoŋ nna nɛ Nebukadneeza shin nɛ b mɔ ewura Zɛdikaya be mbinyɛnsobi nɛ e yil a keni. Kumo be kaman nɛ ewura Nebukadneeza shin nɛ b chule ewura Zɛdikaya be anishi nseŋ chɛ mo ŋgbɛlɛbi n ta mo n yɔ Babilɔn be efuli so n ya ti ebu.

2 Kronikɛls 15:3

Israɛlebi na daŋ yige keshuŋ kashenteŋ be Ebɔrɛ na n chɛr ga. B daa maŋ naa kɔ bɔrɛmatapoana nɛ baa ŋini bumo Ebɔrɛ be akpa. Amoso b daa maŋ naa bɛ Ebɔrɛ be mbra so.

Nehemaya 1:3

Nɛ b kaŋɛ ma fanɛ basa nɛ b bɛta n yɔ Jerusalɛm na wɔ tɔrɔ nɛ awurfoŋ to nna. B yɛ Jerusalɛm be egbal na bure n tɔr nɛ kumo be mbunagboŋana na malɛ gba ji edɛ.

Nshɛ 74:9

Emamachisheŋ maŋ naa wɔtɔ, anebiana na gba maŋ naa wɔtɔ. Ekama malɛ maŋ nyi saŋɛ nɛ asheŋ na beeŋ fo amo be ekar.

Aizaaya 24:12

Ndegboŋana na kikɛ mur nɛ amo be mbunagboŋana buri to n tɔr.

Jɛremaya 14:14

Ama kusɔ nɛ Enyɛnpe Ebɔrɛ na kaŋɛ nde: “Efɛ nɛ anebiana na bee ku a deŋi ma. Ma ere maŋ shuŋi bumo ŋko m malga kamalga koŋwule gba n sa bumo. Ebɔrɛdare nɛ baa malga amo be asheŋ na maŋ shi ma kutɔ nɛ asheŋ nɛ baa wu a kaŋɛ na la asheŋ fuloŋ nna. Bumo gbagba be nfɛra to nɛ baa nya amo.

Jɛremaya 23:16

Kumo be kaman nɛ Enyɛnpetale Ebɔrɛ na naŋ kaŋɛ Jerusalɛm to be basa na le: “Men sa maa nu asheŋ nɛ anebiana na bee kaŋɛ menyi na. Tama fuloŋ nɛ baa sa menyi. Asɔ nɛ bumo be nfɛra sa bumo nɛ baa kaŋɛ menyi, mannɛ kusɔ nɛ ŋ kaŋɛ.

Jɛremaya 39:8

Pɔɛŋ nɛ le ere kikɛ wora na nɛ Babilɔnebi na teŋ nya edɛ n wɔtɔ Jerusalɛm to be ewurkpa nɛ basa na be nwu kikɛ to a chɔɔ nsaa da amo be egbalana a lɛ.

Jɛremaya 51:30

Babilɔn be benapo na be eleŋ nɛ kenyɛn lar bumo to nɛ b ki fanɛ beche. Bumo kikɛ yige kena be kekɔ nna nseŋ shir a wɔ bumo be mboŋ lempoana. Bedoŋ bure kadegboŋ na be mbunagboŋ na n luri to a chɔɔ Babilɔnebi na be nwu.

Jɛremaya 52:14

Kumo be kaman nɛ Nebuzaradan be benapo na da egbalana nɛ e kulti kadegboŋ na n lɛ.

Nfabel 1:3

Juda be efuli so be basa ki anya nna, a ji awurfoŋ ashi efuli pɔtɛana so. Efuli pɔtɛana so nɛ b wɔ a maa kɔ kakpa nɛ baaŋ tre bumo gbagba pe. Bedoŋ e kulti bumo n wɔtɔ, nɛ ekpa maŋ wɔtɔ nɛ b bɔla so m mɔlga bumo be amu.

Nfabel 4:15

Kusɔ nɛ basa bee kaŋɛ bumo nde: “Men shile anyi so! Men wora eyurpi nna. Men sa maŋ beta anyi ere!” Ŋkpal loŋ so efuli kama so nɛ b yɔ, ndoŋebi gba bee kini bumo nna.

Nfabel 4:20

B daŋ pɛ ewura nɛ Enyɛnpe Ebɔrɛ gbagba lara n sa anyi nɛ an daa fute a yige mo so na nna. Mo e la ewura nɛ an daŋ yirda fanɛ e beeŋ baa kuŋ anyi ashi edoŋ kama nɛ e beeŋ ba kɔ anyi kena kutɔ.

Ezikɛl 12:13

Ma, Enyɛnpe Ebɔrɛ na beeŋ to kashewu m pɛ mo jemanɛ nɛ e bee lar Jerusalɛm to a shile na nseŋ yɛr mo kadegboŋ nɛ baa tre Babilɔn na to, ama e maaŋ wu kadegboŋ na kenishiso hale nɛ e ya wu ndoŋ.

Ezikɛl 17:20

Kewora fanɛ kashewu nɛ n ta m pɛ mo nseŋ yɛr mo Babilɔn be efuli so n ya ji mo demu ndoŋ ŋkpal e ka maŋ ji kashenteŋ n sa ma so.

Ezikɛl 7:26

Aleblawu bee ba nɛ ebaru lubi be abɔya a sɔ kaplɛkama. Basa beeŋ baa kule anebiana fanɛ b nu Ebɔrɛ be ebɔl ŋ kaŋɛ bumo kusɔ ko, nɛ b maaŋ nya. B maaŋ naŋ nya mbraana nɛ bɔrɛmatapoana daa ŋini na nɛ kasotoji nɛ benimuana na daa sa bumo na kikɛ.

Hoziya 11:6

Baaŋ ta kena n luri bumo be nde to n jija bumo be kadegboŋ be kabuna to be akuloŋgboŋ na, nɛ kusɔ nɛ baa fɛ baaŋ wora na e jija.

Hoziya 3:4

Loŋ koŋwule na nɛ k beeŋ chɛr ga pɔɛŋ nɛ Israɛl be basa e nya ewura ŋko basa nɛ baaŋ ba juŋkpar bumo. K beeŋ chɛr pɔɛŋ nɛ b naaŋ bɔla esarga ŋko ajembu cheembi ŋko kabɔrɛmata be piŋi ŋko agbir so n fin Ebɔrɛ be nɛfa.

Eemɔs 1:5

Meeŋ bure kadegboŋ nɛ baa tre Damaskɔs na be mbunagboŋana na to kpachɛrkpachɛrbi nseŋ mur basa nɛ b wɔ Avɛn be kepla so na nɛ Bɛfadɛn be ejuŋkparpo na. Nseŋ shin nɛ b pɛ Siriya be basa fanɛ basa nɛ b ti ebu na n yɔ Kiir be efuli so kufɔ kufɔ.” Ma Enyɛnpe Ebɔrɛ na e malga na!

Ditɛronɔmi 28:36

Ade malɛ kikɛ be kaman, Enyɛnpe Ebɔrɛ na beeŋ shin nɛ bedoŋ e pɛ menyi nɛ men be ewura tintiŋ so n yɔ efuli pɔtɛ so, kakpa nɛ menyi ŋko men nananyɛnana maŋ naŋ chena ŋ ku so na, nɛ men ya shuŋ agbirana nɛ b ta ndibi nɛ ajembu n lɔŋɛ.

Ditɛronɔmi 28:63

Enyɛnpe Ebɔrɛ na fuli kagbene nna n shin nɛ asheŋ bee nite nɛnɛ a sa menyi nseŋ shin nɛ men wora keshi n ti so. Ama nɛ men kini kewora mo kasonu, kumo ere e maaŋ naŋ tiŋ n wora shɛŋ, ama kemur menyi ashi kasawule nɛ menyee yɔ nɛ men ya chena so na.

1 Samuɛl 28:6

ndoŋ nna nɛ e bishi Enyɛnpe Ebɔrɛ kusɔ nɛ k daga e ka wora. Ama Enyɛnpe Ebɔrɛ daa maŋ kaŋɛ mo shɛŋ. E daa maŋ bɔla edare so ŋko bɔrɛmatapo so ŋko anebi so m malga n sa mo.