Nfabel 2:7 - EBƆRƐ BE KAWƆL

⁷ Enyɛnpe Ebɔrɛ na daŋ kini mbe bɔrɛsure nna n lɛ nseŋ daŋ lar mbe bɔrɛlambu cheembi to ŋ ka kumo. E daŋ sa bedoŋ ekpa nna nɛ b da Jerusalɛm be egbalana n lɛ, nseŋ daa wora awɔr a ŋini fanɛ b kɔ m pɔɔ kakpa nɛ an daa shuŋ Ebɔrɛ kagbenefuliso na so.

Nfabel 2:7 ပူးပေါင်းရင်းမြစ်များ

2 Bewura 25:9

m ba chɔɔ bɔrɛlambu na nɛ ewurkpa nɛ Jerusalɛm to be basa nɛ bumo be atre dii na be nwu kikɛ.

2 Kronikɛls 36:19

Ewura Nebukadneeza daŋ chɔɔ bɔrɛlambu na nɛ ewura be laŋ nɛ kade na kikɛ nna nseŋ da kumo be egbal n lɛ.

Nshɛ 89:39

Fo lar fo nɛ fo kayɛrbi be kɔnɔkoŋwule be ŋkre na kaman kuraa nseŋ shin nɛ mbe kuwura terge m paŋ kumo be kemaŋkura kikɛ.

Aizaaya 64:9

amoso sa maŋ nya agbo ga n wɔtɔ anyi ŋko a nyiŋi anyi be alubi mbaanaayɔ. Baa nyiŋi fanɛ fo basa e la anyi kikɛ, amoso wu anyi kuwɔr.

Jɛremaya 21:4

b ya kaŋɛ mo fanɛ kusɔ nɛ Enyɛnpe, Israɛl be Ebɔrɛ na kaŋɛ nde: “Zɛdikaya, meeŋ shin nɛ Babilɔn be ewura nɛ mbe benapo e kɔ m pɔɔ fo benapo so. Ma alɛ beeŋ naŋ gama fo benapo na be akɔsɔ n deŋi abar so ashi kadegboŋ na be nferinto.

Jɛremaya 26:18

B yɛ: “Jemanɛ nɛ Hɛzekaya daa ji kuwura Juda be efuli so na, anebi Maika nɛ e shi kade nɛ baa tre Moreshɛf na daŋ bɔ kubɔya ŋ kaŋɛ basa na fanɛ Enyɛnpetale Ebɔrɛ na daŋ kaŋɛ le: ‘Baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ kebee nɛ bɔrɛlambu na yil so na e ki kupo.’

Jɛremaya 26:6

Nɛ men kraŋ kini kewora kasonu, kumo ere meeŋ mur bɔrɛlambu ere fanɛ kananɛ n daŋ mur kade nɛ baa tre Shilo na, nɛ durnya to be efuliana kikɛ so be basa e ta Jerusalɛm be ketre a sho basa kɔnɔ.”

Jɛremaya 32:29

nseŋ nya edɛ n wɔtɔ kumo to n chɔɔ m mur. Kananɛ basa daa chɔɔ eduwu nwu na be adamta be achoŋi so a sa kegbir nɛ baa tre Baal na nseŋ naa ta yabra a to nchu a sa agbir pɔtɛana na, e shin nɛ n nya agbo na.

Jɛremaya 39:8

Pɔɛŋ nɛ le ere kikɛ wora na nɛ Babilɔnebi na teŋ nya edɛ n wɔtɔ Jerusalɛm to be ewurkpa nɛ basa na be nwu kikɛ to a chɔɔ nsaa da amo be egbalana a lɛ.

Jɛremaya 4:26

Kasawule lela nɛ k bee wora adɔjibi na ki keshishɛrsawule nɛ ndegboŋana na kikɛ ki alambure. Ŋkpal manɛ so, Enyɛnpe Ebɔrɛ daŋ nya agbo ga nna.

Jɛremaya 4:27

Nɛ Enyɛnpe Ebɔrɛ na kaŋɛ le: “Kasawule na kikɛ beeŋ mur a dese fuloŋ, ama ma alɛ maaŋ mur kumo cheche.

Jɛremaya 50:28

Basa nɛ b nya n shile Babilɔn be kena na to na ba Jerusalɛm to m baa kaa kaŋɛ kusɔ nɛ Enyɛnpe Ebɔrɛ na wora ŋ ka Babilɔnebi kukɔ ŋkpal kusɔ nɛ b daŋ wora mbe bɔrɛlambu ashi Jerusalɛm so.

Jɛremaya 52:13

m ba chɔɔ bɔrɛlambu na nɛ ewurkpa na nɛ kadegboŋ na to be nwu kikɛ n lɛ. E daŋ chɔɔ kowu kama nɛ k kɔ ketre nna n lɛ.

Nfabel 1:4

Naniere esa kikɛ maŋ naa ba bɔrɛlambu nɛ k yil Zayɔn be kebeegboŋ so na to m ba kaa bunyaŋ Ebɔrɛ nchɛgboŋachɛ. Beche fɔlbi nɛ baa boŋ nshɛ ndoŋ na bee ji awurfoŋ nna, nɛ bɔrɛmatapoana na malɛ bee munto a shu. Kadegboŋ na be mbunagboŋana na ase wora shruum nɛ k wora fanɛ kebɔltofinfin ka pɛ Jerusalɛm na.

Nfabel 2:1

Enyɛnpe Ebɔrɛ na daŋ nya agbo nna n shin nɛ Zayɔn be kebee nɛ k wɔ Jerusalɛm to na paŋ kumo be kemaŋkuragboŋ kikɛ. Kumo e daa la kakpa nɛ Israɛlebi daa puchi so nseŋ naa la kakpa nɛ mo gbagba be bɔrɛlambu wɔ. Ama kachɛ nɛ e nya agbo na, e daŋ bure kumo nna n lɛ kasawule.

Nfabel 2:5

Enyɛnpe Ebɔrɛ na daŋ mur Israɛl nna fanɛ edoŋ na, nseŋ daŋ shin nɛ kumo be mboŋ lempoana nɛ ewurkpaana ki alambure a dese. N naŋ shin nɛ kebɔltofinfin nɛ kushu naŋ wora keshi n ti so n sa Juda be efuli so be basa.

Ezikɛl 24:21

ŋ kaŋɛ menyi, Israɛl be basa kubɔya ere fanɛ menyee puchi bɔrɛlambu na be eleŋ so na nna. Menyi alɛ nseŋ naa sha kebaa wu kumo nsaa yɔ kumo to, ama Enyɛnpe Ebɔrɛ na bee shin nɛ e jija kumo nna nɛ k maaŋ naaŋ daga keshuŋ Ebɔrɛ kumo to. Menyi be mbia nɛ b wɔ Jerusalɛm to naniere na malɛ beeŋ wu kena to.

Ezikɛl 7:24

Ma alɛ beeŋ shin nɛ efuliana nɛ b lubi a chɔ bekama na e ba sɔ bumo be nwu kikɛ. Kumo be kaman, nɛ n shin nɛ benapo lempo nɛ baa puchi so na e pɔ aba, ŋkpal efuliana ka beeŋ jija bumo be kabɔrɛshuŋ be mboŋ so.

Levitikɔs 26:31

Meeŋ shin nɛ menyi be ndegboŋana e ki alambure nɛ m mur mboŋ nɛ menyee shuŋ agbirana na. Menyi be esarga be efɛa maaŋ naa par ma.

Levitikɔs 26:44

Asheŋ nɛ b wora ere kikɛ be kaman, m maa ba nɛ m ba kplaŋ bumo so ŋko m mur bumo kuraa jemanɛ nɛ b wɔ bumo doŋana be efuli so na. Nɛ n wora loŋ k beeŋ shin nɛ ma nɛ bumo be kɔnɔkoŋwule be ŋkre na e ba ekar. Ma e la Enyɛnpe bumo be Ebɔrɛ na.

Eemɔs 2:5

Ŋkpal loŋ so meeŋ shin nɛ edɛ e ba Juda be efuli so m ba chɔɔ Jerusalɛm be kumɔlga be mboŋ lempo kikɛ.”

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.

Matiu 24:2

Nɛ Yesu bishi bumo le: “Men wu asɔ ere kikɛ ŋko? Ma e kaŋɛ menyi kashenteŋto na fanɛ kejembu koŋwule kama gba maaŋ ba ka a bɛ kumo barkasa so. Baaŋ ba da amo kikɛ n lɛ.”