Nfabel 2:6 - EBƆRƐ BE KAWƆL

⁶ E daŋ shin nɛ mbe bɔrɛlambu nɛ anyee shuŋ mo kumo to na daŋ bure n tɔr nna fanɛ kudɔtobuu na. Nseŋ shin nɛ nchɛgboŋ nɛ kewushiachɛ na be keji ba ekar. Mbe agbogboŋ na so, e daŋ kini ewura na nɛ bɔrɛmatapo na gba nna n lɛ.

Nfabel 2:6 ပူးပေါင်းရင်းမြစ်များ

Nshɛ 74:7

B daŋ chɔɔ fo bɔrɛlambu na m mur cheche nna, nseŋ shin nɛ kakpa nɛ basa daa bunyaŋ fo na wora eyurpi daŋkare be ekpa so.

Nshɛ 76:2

Zayɔn be kebee nɛ k wɔ Jerusalɛm to na e la kakpa nɛ e wɔ.

Nshɛ 80:12

Manɛ nna nɛ fo buri kunji nɛ k bee kuŋ kumo na to, nɛ ekama nɛ e bɔla ndoŋ a choŋ bee nya kumo be asɔrso a chuge?

Nshɛ 89:40

Fo shin nɛ egbal nɛ a kulti kadegboŋ na kikɛ bure nɛ kumo be mboŋ lempoana na kikɛ ki alambure a dese.

Aizaaya 1:13

Esarga nɛ menyee bar na kikɛ maŋ kɔ tɔnɔ. Ŋ kishi eduwu nɛ menyee chɔɔ na be efɛa nna ga. Ma alɛ maa sha Kufɔl Popɔr nɛ Kewushiachɛ be nchɛgboŋana nɛ menyi be kabɔrɛshuŋ be nshɛrana be asheŋ. Men wora alubi nna n jija amo.

Aizaaya 1:8

Jerusalɛm nawule e ka fanɛ kudɔ to be kubuu na, nɛ bedoŋ malɛ kre kena m ba kulti kumo n wɔtɔ.

Aizaaya 43:28

Amoso nɛ n daa maŋ shin nɛ menyi be bɔrɛmatapoana shuŋ ma ashi ma bɔrɛlambu to na. Ma alɛ e daŋ shin nɛ Israɛl be efuli mur nɛ menyi be basa ji anishinyɔr na.”

Aizaaya 5:5

Kusɔ nɛ meeŋ wora ma ndibi sɔrso be kudɔ na e la fanɛ, meeŋ lara kunji nɛ k kulti kumo na nseŋ bure egbal nɛ k bee kuŋ kumo na nna, nɛ kupuŋ to be asɔbɔya e ba ji ndibi sɔrso na nseŋ chichi amo so m mata kasawule.

Aizaaya 5:6

Ma alɛ beeŋ yige amo nɛ amo to e wora afitiri ŋ ki kupuŋ. M maŋ naŋ lɔŋɛ ndibi na be ayabi so ŋko n ta kɔtɔkrɔ m buse amo to kikɛ. Meeŋ shin nɛ egɔnnyaŋɛ nɛ ewi e sɔ amo to. Ma alɛ beeŋ naŋ pɛ bɔrɛ nɛ k sa maŋ naŋ ba kudɔ na to kikɛ.”

Aizaaya 63:18

Jemanɛ nɛ k choŋ na fo bɔrɛlambu na daa la fo basa peya nna, ama naniere an doŋana ba bure kumo kikɛ n lɛ nseŋ chichi kumo so.

Aizaaya 64:11

Edɛ chɔɔ anyi be bɔrɛlambu nɛ k daa walɛ ga nsaa du cheembi nɛ an nanaana daa luri kumo to a bunyaŋ fo na m mur. Anyi be nwu lela nɛ an daa sha ga na kikɛ ki alambure m biti abar so a dese.

Jɛremaya 17:27

Ama a daga fanɛ b baa wora ma kasonu nsaa ta ma kewushiachɛ na fanɛ kachɛ cheembi nsaa maa sulɔ asɔ a bɔla Jerusalɛm be mbunagboŋana na to a luri a lar loŋ be kachɛ na. Nɛ b kini nseŋ wora loŋ, meeŋ shin nɛ Jerusalɛm be mbunagboŋana na e ji edɛ. Jerusalɛm to be ewurkpaana beeŋ ji edɛ n tɔr nɛ esa kikɛ maaŋ tiŋ n duŋ edɛ na.”

Jɛremaya 42:18

Ade be kaman nɛ Enyɛnpetale, Israɛl be Ebɔrɛ na naŋ kaŋɛ le: ‘Nɛ men kaŋ kini n yɔ Ijipt, kananɛ n daŋ nya agbo ga n wɔtɔ Jerusalɛm be basa nseŋ gberge bumo kusoe na nɛ meeŋ nya agbo n wɔtɔ menyi alɛ gba nseŋ gberge menyi kusoe. Menyi be asheŋ beeŋ baa chinchiŋ basa nɛ b baa ta menyi kadegboŋ na be ketre a shoduu basa. Menyi alɛ maaŋ naŋ wu kakpa ere kenishiso kikɛ.’ ”

Jɛremaya 45:4

Ama ma, Enyɛnpe Ebɔrɛ na bee bure kusɔ nɛ m pɔr na nna nsaa gberge kusɔ nɛ n duu a tia ashi durnya kikɛ to.

Jɛremaya 50:28

Basa nɛ b nya n shile Babilɔn be kena na to na ba Jerusalɛm to m baa kaa kaŋɛ kusɔ nɛ Enyɛnpe Ebɔrɛ na wora ŋ ka Babilɔnebi kukɔ ŋkpal kusɔ nɛ b daŋ wora mbe bɔrɛlambu ashi Jerusalɛm so.

Nfabel 1:4

Naniere esa kikɛ maŋ naa ba bɔrɛlambu nɛ k yil Zayɔn be kebeegboŋ so na to m ba kaa bunyaŋ Ebɔrɛ nchɛgboŋachɛ. Beche fɔlbi nɛ baa boŋ nshɛ ndoŋ na bee ji awurfoŋ nna, nɛ bɔrɛmatapoana na malɛ bee munto a shu. Kadegboŋ na be mbunagboŋana na ase wora shruum nɛ k wora fanɛ kebɔltofinfin ka pɛ Jerusalɛm na.

Nfabel 4:16

Bumo be asheŋ daa maŋ naŋ tir Enyɛnpe Ebɔrɛ na, amoso mo gbagba e daŋ shin nɛ b pesaŋ to n sɔ kaplɛkama. E daa maŋ naa sa anyi be anebiana nɛ bɔrɛmatapoana na bunyaŋ ŋko a wu bumo kuwɔr gba.

Nfabel 4:20

B daŋ pɛ ewura nɛ Enyɛnpe Ebɔrɛ gbagba lara n sa anyi nɛ an daa fute a yige mo so na nna. Mo e la ewura nɛ an daŋ yirda fanɛ e beeŋ baa kuŋ anyi ashi edoŋ kama nɛ e beeŋ ba kɔ anyi kena kutɔ.

Nfabel 5:12

B pɛ anyi be bewuraana n ya chɛ efɔl; esa malɛ maa sa anyi be benimuana bunyaŋ.

Ezikɛl 17:18

Juda be ewura gbagba e wora n da mbe ntaŋ so nseŋ lar kɔnɔkoŋwule be ŋkre nɛ mo nɛ Babilɔn be ewurgboŋ kre na kaman, ŋkpal loŋ so, e beeŋ nya kasogberge.

Levitikɔs 26:31

Meeŋ shin nɛ menyi be ndegboŋana e ki alambure nɛ m mur mboŋ nɛ menyee shuŋ agbirana na. Menyi be esarga be efɛa maaŋ naa par ma.

Zefanaiya 3:18

Kumo be kaman nɛ Enyɛnpe Ebɔrɛ na naŋ kaŋɛ le: ‘Meeŋ lara kagbenejija nɛ k bee kaa ba men be kejigboŋana to na ashi menyi so, ŋkpal manɛ so, k la egbɛ nɛ ŋaba nna a deŋ menyi so.

Malakai 2:9

“Amoso nɛ n shin nɛ Israɛl be basa kplaŋ menyi so ŋkpal men ka maa wora ma kasonu, nsaa kpɛa to a ŋini ma basa asheŋ so na.”