Nfabel 2:3 - EBƆRƐ BE KAWƆL

³ Enyɛnpe Ebɔrɛ na daŋ nya agbo nna ga, nseŋ daŋ shin nɛ Israɛl be basa paŋ bumo be eleŋ kikɛ. An doŋana ka ba anyi so, e daŋ kini kechɛ anyi to nna. Mbe agbo daŋ koso anyi so fanɛ edɛ nna a mur kusɔ kikɛ.

Nfabel 2:3 ပူးပေါင်းရင်းမြစ်များ

2 Kronikɛls 34:25

Ŋkpal b ka kini ma nsaa lara esarga a sa efuli pɔtɛana be agbirana so ma agbo kaa ga. Kusɔ nɛ b wora na so, ma agbo maaŋ wushi kikɛ.

Job be kawɔl 16:15

Amoso nɛ n ta bɔtɛ m ba piŋi m buu nseŋ chena eshishɛrpumpuŋ to a shu fanɛ ŋ ka bee shu keeli na.

Nshɛ 132:17

Meeŋ shin nɛ Deevid be kuwurji e nya eleŋgboŋ. Esa kama nɛ meeŋ lara m buu mo kuwura beeŋ baa nyɛkpɛ a fuli to fanɛ fitila na.

Nshɛ 74:11

Manɛ nna nɛ fo kini kechɛ anyi to? Manɛ nna nɛ fo maaŋ gberge bumo kusoe?

Nshɛ 75:10

O Enyɛnpe Ebɔrɛ, feeŋ mur basa lubi be eleŋ, nseŋ shin nɛ basa niŋiso bre be eleŋ e ti so.

Nshɛ 75:5

Ma e naa kaŋɛ bumo fanɛ b yige kebaapuchi a malga bumo be keshi be asheŋ.”

Nshɛ 79:5

O Enyɛnpe Ebɔrɛ, fo nya agbo n wɔtɔ anyi nna mbaanaayɔ a? Fo agbo kraa beeŋ baa suse fanɛ edɛ nna a?

Nshɛ 89:24

Ma kashenteŋji be kasha na beeŋ baa wɔ mo so; ma alɛ beeŋ shin nɛ e baa kɔ a pɔɔ so jemanɛ kikɛ.

Nshɛ 89:46

O Enyɛnpe Ebɔrɛ, feeŋ ta fo kumu ŋ ŋana mbaanaayɔ a? Jemanɛ mo nɛ fo agbo nɛ k bee suse fanɛ edɛ na beeŋ wushi?

Aizaaya 1:31

Kananɛ edɛbi beeŋ tiŋ n shin nɛ afitiri wɔlso e chɔɔ m mur na nɛ menyi to be bejuŋkparpo lempoana gbagba be asheŋ lubi beeŋ mur bumo nɛ esa kikɛ maaŋ tiŋ n chɛ bumo to.

Aizaaya 42:25

Amoso nɛ e shin nɛ mbe agbogboŋ ba anyi so nseŋ shin nɛ kena lubi koso anyi so na. Mbe agbo daŋ suse fanɛ edɛ nna ashi Israɛl kikɛ to, ama an daa maŋ nyi kusɔ nɛ k daa wora na. Anyi alɛ daa maŋ koya shɛŋ kumo to.

Jɛremaya 21:14

Meeŋ gberge menyi kusoe ŋkpal kusɔ nɛ menyee wora so. Meeŋ shin nɛ edɛ e ji menyi be ewurkpa nseŋ chɔɔ kusɔ kama nɛ k kulti kumo na m mur. Ma, Enyɛnpe Ebɔrɛ e kaŋɛ na.”

Jɛremaya 4:4

Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

Jɛremaya 48:25

Mowab be eleŋgboŋ nɛ yuku kikɛ mur; bumo be benapo maaŋ naŋ tiŋ n wora shɛŋ. Ma, Enyɛnpe Ebɔrɛ e kaŋɛ na.”

Jɛremaya 7:20

Amoso, ma Enyɛnpetale Ebɔrɛ na beeŋ shin nɛ ma kanya agbo e ba ma bɔrɛlambu so. K beeŋ gbelge basa nɛ asɔbɔya nɛ ndibi nɛ asɔduuso kikɛ so. Ma agbo beeŋ baa du fanɛ edɛ nɛ esa kikɛ maaŋ tiŋ n duŋ na nna.”

Nfabel 1:13

Enyɛnpe Ebɔrɛ na e shin nɛ ebesa shi esoso m ba luri anyi be eyurana to a chɔɔ fanɛ edɛ na. K du fanɛ e ka sho kejigbelɛ m pɛ anyi nɛ an tɔr kasawule nna. Kumo be kaman nɛ e yige anyi n wɔtɔ ebesa nɛ k maa yige to.

Nfabel 4:11

Enyɛnpe Ebɔrɛ ka daŋ nya agbo ga so, e daŋ shin nɛ Jerusalɛm be kadegboŋ na ji edɛ nna m mur cheche.

Ezikɛl 13:13

To, egbal na e la Jerusalɛm be kadegboŋ na. Kusɔ nɛ ma, Enyɛnpetale Ebɔrɛ na kaŋɛ nde: “Meeŋ kaa agbo ga n shin nɛ afugboŋ nɛ bɔrɛgboŋ nɛ abɔrɛjembubi a bure egbal na.

Ezikɛl 7:14

Hale nɛ b foŋ kabel fanɛ ekama e bela ase n yɔ kena to gba esa koŋwule gba maŋ lar n yɔ, ŋkpal manɛ so, ma kagbene kaa ekama so nna.

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Luuk 1:69

E sa anyi Emɔlgapo lempo nɛ e shi Deevid mbe kenya be kanaŋ to.

Luuk 3:17

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Ditɛronɔmi 32:22

Kumo be kaman nɛ ma agbo e suse fanɛ edɛ n chɔɔ kusɔ kama durnya to, n ta menyi be adɔ n ti so. Edɛ na beeŋ chɔɔ hale bubuni to ashi kasawule to nseŋ naŋ chɔɔ abeeana gba m mur.