Nfabel 2:20 - EBƆRƐ BE KAWƆL

²⁰ O Enyɛnpe Ebɔrɛ, keni anyi a! Manɛ nna nɛ fee gberge anyi kusoe loŋ? A maŋ daga fanɛ bibinioana e baa daŋɛ bumo be mbi shaso a we! Ŋko nɛ basa e baa mɔ bɔrɛmatapoana nɛ anebiana na fo bɔrɛlambu gbagba to loŋ!

Nfabel 2:20 ပူးပေါင်းရင်းမြစ်များ

2 Kronikɛls 36:17

Ŋkpal loŋ so Enyɛnpe Ebɔrɛ daŋ shin nna nɛ Babilɔn be ewura nɛ mbe benapo ba kɔ bumo kena, nseŋ mɔ Juda be mbrantiɛbia nɛ b wɔ bɔrɛlambu na to na. E daa maŋ wu esa kikɛ kuwɔr, nseŋ mɔ mbifɔlbi nɛ benimu nɛ benyɛn nɛ beche nɛ belɔpo nɛ alenfiawuraana kikɛ. Ebɔrɛ daŋ shin nna nɛ e mɔ basa kikɛ kade na to.

Nshɛ 78:64

Bɔrɛmatapoana na daŋ wu luwu nyaŋgraŋ nna, bumo be bekulpoche maŋ nya n shu bumo be nli gba.

Ɛksodɔs 32:11

Ama Mosis daŋ kule mo Nyɛnpe nɛ mbe Ebɔrɛ na nna ga, nseŋ kaŋɛ: N Nyɛnpe, manɛ e ba nɛ fo shin nɛ fo kagbene kaa ŋkpal fo basa mo nɛ fo ta fo eleŋgboŋ nɛ fo enɔ lempo na n lara ashi Ijipt be kasawule so so?

Aizaaya 22:2

Awɔr e sɔ kadegboŋ na kikɛ to nɛ basa bee ji a nuu nsaa boŋ nshɛ a cha kaplɛkama. Menyi be basa nɛ b wu kena ere to ere be ekama maa kɔ kena nna nseŋ wu.

Jɛremaya 19:9

Bedoŋ beeŋ ba kulti kadegboŋ na n wɔtɔ a fin kebure egbalana n luri m mɔ kumo to be basa. Ajibi beeŋ loge kadegboŋ na to nɛ basa na e baa mɔ bumo braana nɛ bumo be mbia gba a we ŋkpal akoŋ so.”

Jɛremaya 21:7

Ama fo nɛ fo benimuana nɛ basa nɛ baaŋ ji efute ashi kena na nɛ akoŋ na nɛ alɔ lubi na to na bre, Babilɔn be ewura Nebukadneeza nɛ men doŋana nɛ baa sha kemɔ menyi na beeŋ pɛ menyi fanɛ anya nɛ ewura Nebukadneeza e ya mɔ menyi. E maaŋ yige menyi be ekoŋwule gba ŋko n wu menyi kuwɔr ŋko n shu menyi so. Ma, Enyɛnpe Ebɔrɛ na e kaŋɛ na.”

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Nfabel 1:19

An kela n tre basa nɛ anyi nɛ bumo kre fanɛ anyeeŋ baa chɛ abar to kena be jemanɛ, ama b kini keba chɛ anyi to. Bɔrɛmatapoana na nɛ bejuŋkparpoana na daŋ fin ajibi nɛ b ji kadegboŋ na to ŋ gben nseŋ wu n dese agbembi so.

Nfabel 4:10

Kemurgboŋ nɛ k daŋ ba ma basa so na daŋ shin nɛ beche nɛ baa sha bumo be mbia ga gbagba daŋɛ bumo be mbia nɛ b wu nna n we ŋkpal akoŋ so.

Nfabel 4:13

Ama loŋ daŋ wora nna ŋkpal Jerusalɛm to be anebiana nɛ bɔrɛmatapoana na ka daŋ wora alubi nseŋ shin nɛ b mɔ basa nɛ b maŋ wora shɛŋ na so.

Nfabel 4:16

Bumo be asheŋ daa maŋ naŋ tir Enyɛnpe Ebɔrɛ na, amoso mo gbagba e daŋ shin nɛ b pesaŋ to n sɔ kaplɛkama. E daa maŋ naa sa anyi be anebiana nɛ bɔrɛmatapoana na bunyaŋ ŋko a wu bumo kuwɔr gba.

Ezikɛl 5:10

Bekurgepo beeŋ kpal akoŋ so a mɔ bumo be mbia a we nɛ mbia e baa mɔ bumo bekurgepoana a we. Meeŋ gberge menyi kusoe hale nɛ bekama nɛ baaŋ ji efute gba na e pesaŋ to n yɔ mboŋ wɔfɔ.

Ezikɛl 9:7

Ndoŋ nna nɛ Ebɔrɛ naŋ kaŋɛ bumo: “Men mɔ basa n lɛ bɔrɛlambu na be kelɔnɛ na so kikɛ n shin nɛ k jija. Men fara a mɔ!” Nɛ b lar n ya fara basa be kemɔ Jerusalɛm be kadegboŋ na kikɛ to.

Levitikɔs 26:29

Akoŋ nɛ k beeŋ pɛ menyi na beeŋ wora alegai n shin nɛ men we menyi gbagba be mbia be eblaŋ.

Ditɛronɔmi 9:26

Ndoŋ nna nɛ ŋ kule Ebɔrɛ ŋ kaŋɛ: “Enyɛnpetale Ebɔrɛ, sa maŋ kaŋ mur fo gbagba be basa nɛ fo bɔla fo yuku nɛ eleŋgboŋ so ŋ kɔ n suge ashi Ijipt be efuli so na.